(from Yahoo Blog)
2012年5月11日
想去天水圍巡視好耐, 但係車費實在太重皮喇, 所以遲遲未有成行。港鐵就嚟又加價, 嗱嗱聲要去一次, 否則遲吓仲更加唔捨得去。
今日諗住巡「天盛商場」&「天耀廣場」兩個場, 拉勻條數, 會覺得冇咁貴。
搭港鐵由柴灣去到天水圍, 由B出口出閘, 嘟一嘟, 俾人扣咗$23.7, 唉~吔~~肉都赤埋。
一出港鐵站已經係 (左) 居屋天盛苑 & (右) 公屋天耀邨
巡咗天盛商場先。天盛商場 (地址：天水圍天靖街3號) 面積152,800呎, 1999年落成, 樓齡只有13年, 未經領匯大改造。商場嘅目標顧客群主要係居屋天盛苑住客
打頭陣係幾間街舖。有兩間24小時營業, 兩邊門口, 既係街舖, 亦係商場舖。OK便利店 (10號舖) & 鴻福堂 (9號舖)
近商場正門, 泊滿晒單車, 充份體現到新市鎮的特色
見到天盛商場正門。門口位係屯門、天水圍 & 元朗區的地膽物業代理 (祥益地產．7號舖)
商場內的商戶指南及花藝裝飾
顧客服務台
睇吓有乜野租戶先。一番零食館 (3號舖), 留意吓右邊有檔車仔檔, 見佢擠滿人, 我行埋D睇吓, 原來係賣飾物精品, 睇嚟都只係一般貨式, 但係唔明點解會咁多人
施培記凍肉超級市場 (6號舖), 喺網上見有人介紹過。施培記主攻元朗天水圍一帶, 似乎係走「佳宝」路線, 側近係冷氣街市「 天盛萬有街市」其中一個入口
天盛商場冇冒險樂園, 不過有呢兩部兒童機動遊戲機
搭扶手梯上咗一樓
一樓都有兩部兒童機動遊戲機, 而且頗受歡迎 (趙志宏醫務所．121號舖外)
新榕記海鮮酒家 (101號舖), 柴灣人應該都唔會陌生
銀龍旗下的茶魚飯后 (124號舖)
呢頭寧舍多藥房, 天盛商場一共有3間, 德成參茸中西藥行 (114號舖) 係其中之一
天窗, 用以採光
商場走廊通道
最後睇埋呢兩間, 近天橋位的榮基文具 (112號舖), 及「租約期滿全場八折」的節拍 (111號舖)
由文具舖出咗商場, 經呢度過天橋, 去「天耀廣場」
喺行人天橋望番過去天盛商場。巡完天盛商場, 覺得有D失望, 因為佢比預期中冷清, 天盛係居屋, 都叫做有資產人仕, 而天耀嗰邊係公屋, 咁豈不是更加「悲情」!!
＊＊＊
沒有留言:
張貼留言