有領展，冇窮人，日日食和牛

 

 嘉信和牛網頁
 

正所謂「比上不足, 比下有餘」, O2雖然是基層, 但從來也不認為上到樓升呢為「公屋人」後, 比私樓租戶/劏房戶更有機會累積財富的公屋居民是社會上最慘情的一群。

貧與富是相對的, 若與誠哥比較的話, 四叔也算是窮人。

在這個小小地盤寫了幾年字, 從Day 1開始已明言自己是領展基金持有人, 但偶爾仍會有人質疑O2的草根身份, 以及撐領展的動機, 後來O2索性於heading雞乸咁大隻字寫多一次自已持有823, 費事D盲頭烏蠅盲樁樁走入嚟打擾O2的雅興。

噢, 說遠了, 講番食和牛吧。

天盛街市重開後, 開了一間「大師和牛」, 憎領展憎到入心入肺的人便日日執住這點來鬼殺咁嘈, 說甚麼「有領展, 無窮人」, 唔通日日食和牛咩!?

O2畀D功課大家做下：

1. 請問你日常在街市牛肉檔買的牛肉是幾錢一斤呢?

2. 請問「大師和牛」的和牛是幾錢100g呢?

3. 請問一斤等如幾多克(g)呢?

4. 據了解, 大師和牛是Australia Wagyu Pty Ltd的門市, 該公司本身有直銷服務, 顧客可直接訂購, 免除中間利潤, 佢地亦經常四出做展銷, 推廣自己的公司及產品

5. 嘉信Australia Wagyu現時有以下門市：
　(1) 大師和牛 天盛分店
　(2) 大師和牛 蝴蝶分店
　(3) 杰斯和牛 良景分店

6. 用個腦諗下, 人地若果唔係有生意, 點解會開完一間又一間呢, 傻的嗎?

7. 如果閣下覺得「大師和牛」的形象太高檔了, 咁「大昌食品」在你的印象中是否平民化D、易接受D呢? 如是的話, 你大可以幫襯大昌食品, 反正都是由Australia Wagyu供貨, 只不過經多一手, 畀大昌賺多一浸而已

8. 冇人話叫你餐餐食和牛, 但天水圍有30萬人, 每年生日豪一次獎勵下自己+報答下媽咪都得啩, 唔使多, 每人每年幫襯一次, 已經每日有822單潛在的生意啦 (算式 : 300,000 ÷ 365 = 822), 若果加埋大時大節, e.g. 情人節, 聖誕節, 乜乜周年紀念日嗰D大日子, 你都咪話唔和味。


部分資料參考自 : Australia Wagyu嘉信和牛 官網 & facebook專頁

 

＊＊＊

 

埋嚟睇、埋嚟揀：

2016-06-01 : 天掉下來的$8,700