總瀏覽量

2016年4月21日 星期四

建華手足乜都殺

常言道:「好事不出門, 惡事傳千里」, 果然有道理。

原本建華的成名作是「天瑞街市」, 當時仍沒太多人認識, 不過自從「良景之夜」後, 建華從此聲名大"躁" (不是寫白字), 比董伯伯更深入民心, 一言一行都榮獲有心人貼身關注。

某次, 當長發街市關注組「發現」在臨時菜檔叫賣的那位姐姐仔, 原來是建華的街市DJ時, 佢地像是發現新大陸似的。

唔知各位睇咗《香港01》以下呢篇野未呢?
 
  
2016-04-19|香港01|長發臨時商販分飾多角 實為建華街市經理 (原文)
註 : 方便大家睇, 圖中黃色字乃O2所加

 
尾段咁寫:『同一人職位由臨時商販到街市經理,職務由賣菜到管理貨物價格,工作地點由沙田、青衣到小西灣,工作範疇非常廣泛。』

其實建華的手足真係好打得, 乜崗位都照殺, 既要在青衣長發街市搬搬抬抬, 開檔賣瓜賣菜;又要喺小西灣本灣市場以街市經理身份管理街市, 同埋接受媒體訪問;轉過頭又話要去大圍隆亨街市的租務部, 解答街坊的疑難, 一身兼多職, 真係唔夠佢撈咯。

以O2這大半年在小西灣本灣市場的觀察, 都發覺建華的手足好巴閉, 好似乜都做咁, 不論職位高低, 見地下有塊菜葉都會自動自覺踎低執 (我見過, 我真係見過), 唔一定要等清潔姐姐郁手。

仲有嗰D「一日遊」洗腦團, 建華手足都會隨團出發, 與街坊打成一片。

仲仲有就係, 唔好以為高管就一定在office坐定定做paper work, 又或者離地地指指點點, 唔係架, 建華某靚仔高管會粉墨登場, 在太和街市落手落腳做「豬肉佬」, 手起刀落, 功架十足架。


(註:豬肉佬現稱「豬肉切肉員」, 那個甚麼「豬肉分割技術員」已經out咗)
 
  
***
 
埋嚟睇、埋嚟揀:

2015-01-09 :《明報》專訪建華集團
2015-09-23 : 人怕出名豬怕肥 
2015-09-24 : 建華乜乜乜


由建華營運的街市:
 
[領匯商場] 天瑞商場 @2015-07-04
[領展商場] 太和廣場 @2016-01-16
[領展商場] 良景廣場 @2016-01-22
[領展商場] 小西灣廣場 @2016-03-19
 

34 則留言:

  1. 所以話,以建華人咁高效率,房署同領展都比下去,承租人非建華莫屬了

    回覆刪除
    回覆
    1. O2經常站在一旁,靜靜地觀察他們的表現,看得出佢地好有心和好落力搞好個街市

      刪除
  2. 我真係敬重願意落手落腳做既經理!

    回覆刪除
    回覆
    1. 我打過去建華投訴街市, 佢哋係可以完全唔理就收線

      刪除
    2. 如果你打電話去講啲同你係這個網誌同樣嘅說話,又真係唔怪得人地完全唔理就收線㗎。 :D

      刪除
    3. 係呀,係呀,唔係個個都好似O2咁,不厭其煩地應佢架

      刪除
    4. 我只係反映建華唔應該限制商戶售價,佢哋無cs,直接收線喎!

      刪除
    5. 你估個個都好似O2咁好人,樣樣就住你咩

      刪除
    6. 一方面又話領展街市物價高,而家有人撳低物價又話人限制商戶售價,神又係你鬼又係你

      刪除
    7. 下?而家係操控物價喎。比參考價賣平啲或者賣貴啲都唔得喎。

      你格硬叫人減價,係咪減返嗰日租先?

      刪除
    8. 入場前大家都清楚遊戲規則,大家都係成年人,你情我願...

      刪除
    9. 貴你又嘈,平你又嘈,你玩晒啦

      刪除
    10. FYI,洪福街市的承辦商「好眼光」也用類似的經營手法,《明報》曾作報導,文中稱之為「刺激法」,記者教請過湯家驊...

      『資深大律師湯家驊認為「刺激法」行為沒有違反《競爭條例》,除非有關商戶是合謀以低於成本的價格「割喉」傾銷,以令其他競爭者退場,否則「刺激法」只是增加市場競爭。 』

      刪除
    11. 原來《蘋果》都有問過湯家驊...

      『建華管理的領展街市被質疑操控價格,有法律界人士認為,若街市管理人要求商戶減價,未必會構成違反競爭條例,因減價反而會增加商戶的競爭性...』

      刪除
    12. 租金貴又要求減價,同又要馬兒好,又要馬兒不吃草有咩分別?

      無犯法唔係大晒喎,租俾人,人哋賣幾錢,關建華咩事?點解建華叫人減價嘅同時,又唔肯減租?

      唔合理嘅規則,係咪應該反映先?

      刪除
    13. 你看看那個工聯會的甚麼「兩餸一湯指數」調查,囊括「全港最貴街市」誰屬,便知道物價與租金沒有必然的關聯性:
      2015 Q4 - 香港仔街市 (食環)
      2016 Q1 - 大埔墟街市 (食環)

      刪除
    14. 領匯進場後,不斷加租,百物騰貴。物價被推高

      刪除
    15. 據工聯會的「兩餸一湯指數」調查顯示,「全港最貴街市」如下:
      2015 Q4 - 香港仔街市(食環)
      2016 Q1 - 大埔墟街市(食環)

      刪除
    16. 其實唔係平貴既問題, 係建華強硬作風...
      點解唔可以自由定價, 自由返工先
      病咗要請病假, 你估商販打建華工咩?

      投訴建華又cut線

      刪除
    17. 唔係平貴既問題 <-- 吓,你嘈咗咁耐話D野貴,依家至話「唔係平貴嘅問題」,你搬龍門呀?

      建華強硬作風 <-- 唔係你估,你估個個都好似O2和領展咁好人架

      點解唔可以乜乜物物 <-- 重申,檔販進場前已清楚遊戲規則,大家都係成年人,你情我願

      建華cut你線 <-- 唔忿氣呀?其實O2都好想cut你線架,最衰唔得咋 XD

      刪除
  3. 彩明商場
    L2 SHOP 213 名創優品 即將進駐

    厚德商場 東翼
    L1 SHOP 163-164 唐記包點 租約期滿,將於25/4遷出

    厚德商場 西翼
    LG SHOP G8-9 M3 租約期滿,將於27/4遷出

    明德商場
    LG SHOP 16 百佳超級市場 租約期滿,將於5月遷出

    黃大仙中心 南館
    UG SHOP 46-47 MOS BURGER 即將於6月進駐

    回覆刪除
  4. "豬肉切肉員"名稱已out,而家叫"豬肉分析員".

    回覆刪除
  5. UPDATE 1:

    彩明商場
    L2 SHOP 213 名創優品 現已開幕

    明德商場
    LG SHOP 16 百佳超級市場 租約期滿,將於3/5遷出

    回覆刪除
  6. UPDATE 2: (根據最新資訊)

    厚德商場 東翼
    LG SHOP G30-32 將軍澳郵政局 租約期滿,即將遷出

    厚德商場 西翼
    LG SHOP G8-9 M3 租約期滿,將於27/4遷出
    LG SHOP G11-12 OK 便利店 租約期滿,即將遷出
    LG SHOP G5 厚德書報社 租約期滿,即將遷出
    LG SHOP G6 大方攝影 租約期滿,即將遷出
    LG SHOP G7 大班麵包西餅 租約期滿,即將遷出
    LG SHOP G13 影視美 租約期滿,即將遷出
    LG SHOP G10 快圖美 租約期滿,即將遷出
    LG SHOP G18 溫拿髮廊 租約期滿,將於28/5遷出
    LG SHOP G1-2 新一派‧味道 租約期滿,即將遷出

    回覆刪除