總瀏覽量

2014年3月25日 星期二

數字人生 之 領匯跑輸了

《星島》今日將「食環署街市 年蝕2.3億」與「兩餸一湯 破百元大關」兩條新聞放埋一齊。
 
食環署賤租街市檔口, 每年蝕香港人2.3億, O2當然係勞氣啦!
 
再睇埋「兩餸一湯」嗰段, 發現領匯街市竟然名落孫山, 畀食環署的香港仔街市跑出, 成為全港最貴街市。租金低, 售價高, 好好賺啫。嗱! 呢D咪叫「賺到盡」, 呢D咪叫「人情味」囉, 人性根本就是如此。 

領匯輸咗畀食環署喇, 激氣!!
 
 
2014-03-25《星島日報》
 
 
***
 
 
2014-03-25|星島日報|年蝕2.3億 食署街市研加租
 
食環署轄下公共街市運作連年虧蝕,署方公布最新數據顯示,在一三至一四年度虧蝕二億三千多萬元,按年上升百分之七點四,比六年前勁升近五成;最新街市空置率約有一成,近八成租戶繳交低於市值租金,食環署建議按物價水平變化加租,以百分之五或市值租金封頂,又聘顧問研究公眾街市的功能定位和改善措施,部分街市已決定今年開始進行改善工程。
 
食環署遞交立法會文件顯示,截至去年底,本港公眾街市合共有一萬四千多個檔位,九成成功出租,不過當中近八成檔位繳交的租金低於市值,三成的租金水平僅有市值一半,四分一租戶的租金少於一千元。
 
食環署於管理公眾街市上,一三、一四年度虧蝕二點三六億元,按年上升百分之七點四,比起審計報告○八年批評其虧蝕時,更飆升接近五成。食環署解釋指公眾街市最初是用作遷置小販,故此租金低於市價,回歸後又因為經濟不景長期凍租,令租金長期低於市值。
 
政府方面已經建議按照過去三年甲類消費物價指數的平均變動率調整租金,增幅不高於百分之五或市值租金,以較低者為準,不過立法會事務委員會建議政府先重新檢討公眾街市的政策和使用情況後,再作決定。政府已經聘請顧問進行檢討,包括重新定位本港公眾街市、提出改善工程建議,及保育售賣傳統特色貨品的檔位,預計今年中提交初步研究結果。而政府近年的檢討指,公眾街巿作為配合小販政策的功能已不復存在,新建公眾街巿檔位的面積較以往為大,通道也比以前寬闊,政府認為公眾街市是基層市民購買新鮮糧食的主要途徑,也為社會基層提供就業機會。
 
在此研究之外,政府計畫今個年度撥款三千萬元,於官涌街市、士美非路街市、海防道臨時街市、青衣街市及牛池灣街市等五個公眾街市進行改善工程設施,包括安裝載貨升降機、改善通風照明系統,以及翻新廁所。另外政府會推出短期租約,降低長期空置檔位的拍賣底價,改善空置率及使公眾街市服務更多元化,又會加強廣告宣傳,擴闊客源。
 
 
***
 
 
2014-03-25|星島日報|「兩餸一湯」破百元大關
 
食材價格不斷上升,買一餐餸至少過百元。工聯會公布最新一季「兩餸一湯」指數,發現各區的「兩餸一湯」價格首次全部突破百元大關,南區香港仔街市最貴,需近一百四十元才可買齊七樣主要食材。調查又發現,七種食材平均價格按年全數上升,其中菜心及番茄升幅超過一成,每斤菜心較去年同期貴三成二。
 
工聯會昨日發表今年第一季「兩餸一湯指數」,按三人至四人家庭分量,從全港十八區規模最大的街市購買菜心、牛肉、梅菜、鯇魚、番茄、薯仔及瘦肉,合共七款食材,結果發現各區均需至少一百元才可買齊「兩一湯」,香港仔街市更需逾一百三十七元,按年升幅逾四成,蟬聯全港最貴街市。
 
食材方面,七種食材平均價按年全數上升,菜心價格升幅最高,由去年三月的十元一斤,增至本月的十三元一斤,升幅達三成二;其次為番茄,升幅達一成半,而牛肉每斤仍維持在一百元以上。工聯會估計,每月買齊「兩餸一湯」需至少三千元,佔貧窮家庭收入三至四成不等。
 
居於葵涌的葉女士負責一家三口的飲食,她每星期有兩日都會步行二十五分鐘到荃灣楊屋道街市買餸,為了慳錢,更在街市行三轉格價。她說,楊屋道街市的餸菜較便宜,例如在葵涌街市買菜心要十五元一斤,但荃灣楊屋道街市二十元就有兩斤,「可以分兩餐食,平好多」。她又指,去年只吃過兩次新鮮牛肉,「實在太貴了,買不下手,平日煲湯只會買豬肉」,有時她還會利用「師奶小智慧」,炮製又便宜,營養價值又高的餸菜,「例如番茄薯仔魚尾湯,簡簡單單已經有湯飲又有魚食」。
 

12 則留言:

  1. 致集體回憶Chi Ho,誠心建議你到食環署的香港仔街市體驗一百三十七元兩餸一湯的人情味

    回覆刪除
  2. 有d議員仲成日叫政府買返領匯自己做(善事),一係就益左d商家佬,一係就暴殄天物,浪費資源!

    回覆刪除
    回覆
    1. 養住嗰班牛鬼蛇神,本身已經係浪費,個個月袋走納稅人幾皮嘢,淨係識得博出位,為咗撈政治本錢,日嘈夜嘈,乜都做唔成。

      政府管理商場幾十年,事實擺在眼前,已經證明由政府自己做係失敗收場,當年政府財困,賣走一埋噏噏耷耷商場如是,今日食環署街市年年蝕幾個億都係同一道理。

      我從來都唔認為做生意要由政府補貼。D街市只要收番市值租,庫房隨時可以由每年蝕2.3億(每年有增無減),變成年年賺2.3億,一來一回就有4.6億。反正大家都係買唔到平餸咯,咁不如將嗰4.6億撥作長者生活津貼,加生果金,幫補下D老人家好過啦!做乜要益D做生意嘅人喎?咁咪即是官商勾結?

      刪除
  3. 商場無父子,說甚麼人情味,傻仔才會信,領匯樹大招風,引來很多負面消息,見怪不怪。

    回覆刪除
    回覆
    1. O2同意領匯係樹大招風。

      至於那句「傻仔才會信」呢,則似另有所指,想向「傻仔」挑機咁喎,O2就留番畀個傻仔睇唔過眼時,自己對號入座好了。

      刪除
    2. 02我並非另有所指,只是想講好多人不經大腦,人云亦云,所以才說出「傻仔才會信」之句。

      刪除
  4. Link仔哥,你指名道姓「致集體回憶Chi Ho」,上面個位就留番畀Chi Ho仔同你切磋吧。

    不過咁呀,Link仔哥,你做乜利用我的主場撩事鬥非,你想搵Chi Ho仔出嚟轟炸O2 Blog嗎?

    回覆刪除
    回覆
    1. 吓,玩大左牙,我用字好温馨喎
      我其實唔想打擾你個TVB場,咁ChiHo仔如想洗板,請移玉步往小人ATV場 : http://link823.blogspot.hk/ :-)

      刪除
    2. 喺我個場度玩係冇所謂,不過呢度又唔係高登台,佢loop來loop去都係嗰兩個point,我自己上高登睇都得啦,大家增進唔到野,咪盞嘥精神!

      刪除
  5. pingping & Link仔哥,係O2言重了,唔好意思。諗諗下可能係因為領匯輸咗個「全港 No.1」畀食環署,所以大家咁興奮,好事嚟嘅!

    回覆刪除
    回覆
    1. 02大家都係領匯股東,唔駛咁客氣。

      刪除