(from Yahoo Blog)
2013年1月18日下午4:49｜公開｜累積瀏覽 237
商場業主扭盡六壬, 為旗下商場租戶谷生意, 手法五花八門。
有商場專門招攬星級食肆, 助商場吸客。也有商場喜歡重金禮聘明星仔/ 歌星仔做商場show, 搞吓氣氛, 帶動人流。更大手筆者, 莫如高價贊助電視劇集大結局, 谷一時之人氣。
仲記得領匯搞到一鑊泡的《我們的尋味時光》嗎? 有本事令到全港網民熱血沸騰的, 捨領匯其誰?
吸取經驗, 領匯再做同類推廣活動時, 已低調得多, 反正, 推廣目的係想協助商戶多做點生意, 求財啫, 又唔係求氣, 冇必要再刺激D「未來棟樑」啦。
繼《我們的尋味時光》之後, 事隔多月, 領匯再推出《大廚小傳》, 已無驚無險地完滿結束。依家挨年近晚, 再出多本《領匯美食通勝》應吓景。
聽日至開始換的《領匯美食通勝》, 我等唔切喇, 買咗本《忽周》, 14蚊包埋本《領匯美食通勝》
睇睇吓發覺有幾頁重覆, 原來我嗰本係別注版, 特別釘多4頁。等我好好地收起佢, 睇吓有冇人向我高價收購先
沒有留言:
張貼留言