我的財務自由之路

(from Yahoo Blog)

2012年5月8日下午4:54｜公開｜累積瀏覽 551

 

自己唔係D炒出炒入嘅股民, 所以平時都好少講股票, 買賣次數亦都唔多, 上次買野已經係2011-10-03嘅事咯!

仲有兩三個禮拜, 領匯就會宣佈派息, 得閒都會盤算吓自己大概會收到幾多息。

近期睇咗幾篇有關「財務自由」嘅文章, 打工仔望都望自己有財務自由嘅一日, 唔使再為錢而工作。要達到財務自由, 話難又得, 話易又得!! 有人會搞到懶複雜 (可以寫到成本書咁長), 實情又可以好簡單 (翹埋手等收息)。

之不過, 累積財富嘅過程相當漫長, 期間要盡量減少失誤, 否則走向財務自由之路, 會變成一條見唔到盡頭的漫漫長路。

自幼生活在公屋社區, 睇住D屋邨商場由盛而衰, 乜都冇得賣, 到近幾年, 親身見證到經領匯改革後的屋邨商場死而復生, 買野食野都方便咗。2008年我開始買入第一注領匯房產信託基金, 領會到「收息的樂趣」之後, 自覺我的財務自由之路, 已找對了方向。


(免責聲明：投資有風險，自己衡量，唔好跟人)

＊＊＊

2011-11-10：執死雞