Grassroots O2: 上環站向你請假

2011年8月8日星期一

上環站向你請假

(from Yahoo Blog)

2011年8月8日下午4:02｜公開｜累積瀏覽 71

呢兩日港鐵上環站請假, 周圍都見到有人影相, 留住歷史性時刻。我都唔執輸, 人影我又影。

來回上環同金鐘有免費接駁巴士任搭。噚日成35℃,「天氣先生」都熱到溶, 梗係唔會周街行啦, 喺上環見到有免費shuttle bus, 唔好嘥, 即刻上車, 搭去金鐘行PP, 嘆吓冷氣。

講開又講, 雖然有好多人仍然覺得柴灣係 "山卡啦" 地方, 不過呢D只係陳年舊事, 自從26年前地鐵港島線通車, 同埋1989年有咗東區走廊之後, 已經唔同晒啦, 仲加上愈嚟愈多「點對點」巴士路線呢。以前由柴灣去灣仔, 只可以搭8號車, 行筲箕灣道、英皇道, 瞓醒幾覺都未到, 依家就梗係搭788、789啦, 由翠灣邨站去到灣仔警署, 或者由灣仔碼頭返柴工城, 一個站, 唔係呃你 (你, 係指非柴灣人), 真係10分鐘就到。

所以某D區議員「全力爭取」呢度要停站, 嗰度又要停站, 話幫居民爭取, 話方便居民喎, 話囉, 其實都係攞嚟搞, 愈多站咪愈衰, D站距離咁近, 站站停, 淨係等埋站都嘥晒D時間, 快車都變慢車, 架巴士一開一停又零舍多廢氣, 多嘈音, 咪自己喺自己區內製造污染? 如果cut咗—、兩個距離近嘅站, 人人行多兩步, 減吓豬腩肉, 有益健康得嚟, 對自己區環境又好D, 咪仲好~