總瀏覽量

2011年8月13日 星期六

一個公屋居民看領匯商場

(from Yahoo Blog)
2011年8月13日下午5:43｜公開｜累積瀏覽 1195

噚日, 見到Bittermelon的「回應」, 把我嚇了一跳, 仲話叫我賜教喎! 言重了! Bittermelon經常在《信報》發表文章, 嗰篇《哪有老虎不吃肉》一早已拜讀過, 基於部份觀點有異, 睇完就算。畢竟, 每個人都有自己的思考空間, 各有際遇, 睇法唔同, 一點也不出奇。

賜教真係唔敢當, 我即管又發吓噏瘋, 唔好見怪。文中提及領匯「早前向其租戶大幅加租，其中一個原因就是領匯管理層認為，現水平的租金和市場有一段差距」。依我看, 這是事實, 而且應該咁做, 房署就係咁嘥料, 浪費社會資源咁多年, 益哂D做生意嘅人, 領匯接手後, 只係撥亂反正, 做咗醜人, 收番正常嘅租值啫。

至於要批評「一手將領匯商業化並將其上市的人」, 就要睇你批評D乜野, 我反而覺得係「塞翁失馬, 焉知非福」。那堆爛鬼公屋商場和停車場, 其實當時是房署的包袱, 房署根本就冇諗過要run好D商場, 由得佢殘殘破破, 甩頭甩骨, 求其有人租就算, 但係唔會去 bargain一個好D嘅租值, 冇人租咪由得佢丟空囉。試問D咁嘅爛場, 又點可以叫得起租呢? 但係背後卻要養著一大群高薪厚職, 職系臃腫的房署職員。當年停售居屋, 房署冇咗條大水喉, 在財政緊絀的壓力下, 迫於無奈, 必須求變 (公務員多做多錯, 少做少錯, 不做不錯的潛規則, 大家心照, 唔迫到埋身, 佢地都會一脈相承, 唔會改變o架, 即係因循苟且喇)。房署建商場係免地價的, 政府免費提供土地, 即係納稅人\全香港市民俾囉! 房署現兜兜收咗幾百億上市資金, 袋袋平安, 可以搣甩個包袱, 同時又乘機精簡架構, 根本就有佢著數。房署班人做官做得耐, 慣咗閉門造車, 都唔知自己D商場原來可以咁值錢, 所以盧少蘭婆婆咪話佢地「賤賣資產」囉。 將D商場包裝成REIT公開上市集資, 原本都唔係問題, 所有市民都有機會買, 做番自己樓下商場嘅業主之嘛! 弊在佢俾TCI 睇中呢個弱點, 入股成為單一大股東。TCI 要求管理層收市值租, 係好正路嘅做法, 但係好多養尊處休多年嘅商戶又點會接受到呢? (註：現時TCI 已經全面撤出,「雙鬼拍門」的管理格局已成絕響。)

小商戶找來區議員/主流傳媒吐苦水, 跟住就經常見到「良心老闆執笠」、「領匯瘋狂加租」、「 領匯N宗罪」呢D標題。

我已經廿幾年唔吼公屋商場喇, 行都費事行, 直到2008年見佢俾領匯搞番生, 我至再有幫襯, 如果仍然由「房署」睇場, D商場只會日日陰吓陰吓, 陰乾晒。

摷到兩篇舊網誌及施永青先生的舊文章, 或可表達我對公屋商場的感情和對領匯的觀點, 失禮晒!


＊＊＊
 
 
2011-05-31舊文：家爺仔乸的生​意
 
 
 
標籤：

沒有留言:

張貼留言

訂閱： 張貼留言 (Atom)