怎樣對付這位天天稟神的檔主

超級市場之所以能夠砌低傳統街市的原因, 不外乎在於品種齊備, 貨物擺放有條理, 地方乾爽, 價錢一目了然。

 

傳統街市的優點則在於有坊間so-called「人情味」的東西, 被檔主黑面亦是人情味的一種。

 

小西灣街市變身成「本灣市場」之後, 集合了「超市」與「街市」的優點於一身, 既整潔美觀, 同時又不失街市檔販的「人情味」。

 

眾所周知, 本灣市場係接受八達通付款的, 就算冇入會都一樣可以用八達通買餸, 只不過係冇得儲分啫。

 

 

自本灣市場開幕以來, O2發現有位「人情味」氾濫的檔戶, 每次經過佢個檔口, 都聽到佢好似稟神咁日哦夜哦, 抱怨D小客仔細眉細眼, 買嗰幾蚊野都要嘟八達通 (註: $4/磚豆腐)。O2面皮薄, 最怕畀人黑面, 更加唔想令事頭婆唔開心, 便唯有...

【方法一】幫襯另一檔。行過去i-Chicken嗰邊, 有一檔叫「樂源荳品」的豆腐檔

 

【方法二】以會員身份投票。因為會員除咗儲積分之外, 仲可以投票選出「最佳」服務檔戶, 冠亞季軍檔員會有現金獎賞。所以呢, 如果邊檔係曾經畀氣你受的話, 你只要在check積分的同時, 順便投佢一票, 在「最差」服務檔戶揀佢個檔口名, 順手篤一下, 送個black mark畀佢, 就可以順番條氣了, 哈哈哈~

 

講開又講, O2想提議下建華, 幫「樂源荳品」執一執個Display, 同埋幫佢加番D價錢牌仔, 咁就Very Good喇!!