建華乜乜乜

建華集團榮登雜誌封面, 相信戰友們已經睇過該段報導了。

 

印象中, O2初次認識「建華」這個名字係2012年, 當時香港仔華貴街市剛交予建華營運。

 

而建華響朵之作, 就當然係天水圍天瑞街市攞獎一役啦。

 

也許因為O2在草根Blog裡對該公司表現的肯定, 從而有助建華奪得小西灣街市的營運合約。(註: O2正處於自我陶醉mode, 自以為好巴閉, 請勿打擾, 謝謝)

 

領展手頭上有好幾個街市承辦商, 點解會係建華跑出呢? 點解O2會鍾情於建華呢?

答案好簡單, 係建華的自我定位問題。

 

據O2的觀察, 一般的承辦商會將自己視作「管理者」去管理街市檔販, 而建華則將自己的角色調教成「服務提供者」去serve檔戶。

 

咁有咩分別啫!?

 

自視為「管理者」的公司, 會將「承辦商」與「檔戶」兩個角色推向對立面, 職員會有一股「依家係我 (承辦商) 管你 (檔戶) 呀」的氣焰, 佢地大多是企埋一邊、翹起雙手對檔戶指指點點的。

 

至於定位為「服務提供者」的建華呢, 佢地D職員會滿場飛, 在街市內氹氹轉, 睇下邊個檔戶有需要幫手, 大小事務如地下濕咗、八達通機jam紙等, 都會出手相助。

 

試過有次, O2在巡視完頌安之後, 途經耀安街市, 見到有位魚檔檔戶剛剛完成了一單4百幾蚊的生意, 客人以八達通付款, 也不是小數目啊, 所以當客人離去後, 檔戶隨即向附近客服台的姐姐仔查詢交易記錄：「阿妹, 幫我睇下頭先係咪...」, 大家的關係是融洽的。

 

仲有其他例子, 不過今日唔講住喇...

 

 

自從本灣市場開張, O2就好似多咗件大玩具咁

 

撈緊條龍躉呀, 生劏大龍躉的場面, 已司空見慣

 

地面濕咗, 阿姐即刻做野

 

大家夾手夾腳, 好快就清理好

 

哎呀, O2手慢影唔到, 呢位姨姨用「八達通錶」買餸, 佢快手到呢

 

又失敗, 影少咗兩個字, 其實呢籃係竹絲雞蛋, $10/6隻, O2請教過「我家煮人」, 佢話竹絲雞蛋不常見, 好少有架, 怪不得某日見到一位來自將軍澳的嬸嬸, 一望見就兩眼發光, 差不多成籃畀佢買晒啦

 

~~~

 

飲食男女360 - 名廚RICKY帶你小西灣街市買靚蛋

 

 

＊＊＊

 

 

 

埋嚟睇、埋嚟揀：

 

2015-09-23 : 人怕出名豬怕肥

2015-01-09 :《明報》專訪建華集團