審計署．民政事務局．柴灣青年廣場

(from Yahoo Blog)

 

2012年4月19日下午4:26｜公開｜累積瀏覽 176

 

由「民政事務局」營運嘅青年廣場俾「審計署」將軍, 話廣場使用率偏低。青年廣場嘅建築費用咗7億幾 (已經冇計地價, 係納稅人豪出嚟嘅), 莫講話收回成本, 連自負盈虧都做唔到, 唉.....又要納稅人包底!

民政事務局已經回應咗話會檢討喎! 聽住先啦, 政府部門嘅強項係乜吖.......咪係「意見接受, 態度照舊」囉~

 

 

今日經過柴灣青年廣場, 見個插畫展仲未完, 於是行埋去睇吓 , 幫佢充撐吓場面啦!  展覽主題係《the DREAMER 理想世界．插畫展覽》

 

用 "小貓三四隻" 呢形容都講多咗 ^^"

 

鄭嘉偉的《回憶　便是時間旅行》......唔使帶手信喇, 唔該! 

 

黃卓斌呢幅擺明抽領匯水......雖然展覽題目係《理想世界》, 但係好多作品都係講「回憶」, 講「懷舊」, 唔通返去舊時嗰度, 就係呢班後生仔女嘅理想??

 

民政事務局可以賴選址唔好, 柴灣太隔涉, 但係劃則嗰個都要打"籮柚", 搞到座野一岩一忽, 嗱, 呢兩級樓梯都呃咗唔少人, 唔跌死都偷笑