(from Yahoo Blog)
2012年4月6日下午5:48｜公開｜累積瀏覽 2127
搭港鐵由柴灣站去調景嶺站 (車資$11.8), 出咗A1出口, 先穿過都會駅商場, 上一層有行人天橋直通彩明商場。就算清明時節雨紛紛, 由柴灣去彩明, 落雨都唔使帶遮。
彩明商場 (地址：調景嶺彩明街1號), 面積 131,300呎, 2001年落成, 屬於較年輕嘅領匯商場。
出咗調景嶺站A1出口, 先就見到置富產業信託 (778) 旗下的都會駅商場, 同埋對面香港知專設計學院
知己知彼, 先瞄一瞄人地個水牌....... 大概都知道呢個場係乜野料~
用「快速搜畫」模式喺都會駅兜咗個圈, 最大發現係見到「敏達(都會)文具禮品」(都會駅L2- 35號舖), 平時唔多起眼嘅街坊小店, 原來一D都唔簡單
向前行, 有行人天橋由都會駅過去彩明商場
入到彩明商場, 天橋口第一間係FAMOUS (252號舖), 以前以為佢係單打獨鬥舖頭仔, 唔覺唔覺, 行過幾個場都見到佢, 究竟FAMOUS有幾多間分店呢?
喺將軍澳, 幾乎個個場都有魚米家 (251號舖)
呢個場冇阿信屋, 不過有食神伝說 (250號舖)。阿信屋喺調景嶺港鐵站已經有一個據點
顧客服務台搬咗去商場1期。呢個位旺到爆, 人流駱驛不絕, 唔改做舖位真係嘥咗, 我等咗好耐至影到呢張冇人行過嘅相
就係呢個位, 條通道無時無刻都咁多人
同一位置的另一邊通道, 雖然人流稍遜, 但係都唔弱。認住最抆尾嗰間麥當勞, 一陣間帶你去睇D野~
「領匯傑出商戶」——木各子 (257號舖), 係一間舖面極闊的格仔舖
「木各子」隔離係售賣小飾物的 LI BO (258號舖), 將會有新分店開喺小西灣廣場117號舖
就係呢個「推介位」, 喺麥當勞對出, 有條超少人用嘅扶手電梯, 落下面一個因為政府規劃失誤, 而接近荒廢嘅交通交匯處。唔知邊位仁兄/仁姐咁好諗頭, 索性將呢度裝飾成「外太空」咁樣, 黑蚊蚊, 連電費都慳番.......超正, 要加讚呀~
入番商場, 繼續睇吓其他租戶。正記小廚 (254號舖)
綠盈坊有機店 (256號舖) & Easy Food (255號舖)
商場1期與2期的分界線。啡色地磚係1期, 綠色係2期
天橋裡有7個舖位 (229-235號舖), 以經營服裝生意為主
入到商場1期。 Ma Ma Mia (226-228號舖) 原來係心思思麵包集團, 即係小西灣富怡花園嗰間呢..... 我一路都以為心思思係街坊小店, 呢排見佢俾「豆豆」同「大井」左右夾攻, 等我仲戥佢擔心添, 估唔到人地後台咁勁........係我諗多咗囉!
Ma Ma Mia 對出扶手電梯下面的顧客服務台
中記文具玩具模型行 (203號舖) 外
其他租戶, 壹麵館 (223號舖), 是壹粥麵 & 夏麵館的混合體嗎??
當某些人嫌連鎖店太千篇一律嘅同時, 亦有人特登標榜自己係連鎖企業, 以示後台夠勁。(馥春茶業．216號舖)
惠康超市 (220號舖) 外
美味樂園 (266號舖)
上咗3字樓。嘩! 呢個場認真唔講得笑, 竟然連找換店都有。新城找換店 (308號舖) & 潮家皇宮 (307號舖)
3樓走廊 (通寶行．311-312號舖外)
3樓的天窗及柱身
3樓的小露台
由露台向下望......我覺得呢個造型有D熟口熟面
咁樣睇仲似......似杏花新城, 不過係庶民版。展銷檔後面有幅圖, 好似想表達呢個位將會起條行人天橋咁~
彩明萬有街市喺1字樓, 都頗旺場
街市另一個門口, 靠近彩明苑通道
連接彩明苑的通道
最樓下嗰層。呢度話就話係正門, 但係使用量唔高, 人流都集中喺2字樓行人天橋嗰層
正門入口的天花
正門入口的扶手電梯位
上咗去係街市, 再上係商場
落足成日雨, 唯有喺「知專」條有蓋行人天橋, 離遠影吓彩明一、二期商場嘅外觀。左邊係二期, 右邊係一期。回程都係搭港鐵
返到柴灣站, 忽然間有D感慨, 以前提起調景嶺, 只會聯想到遠...遠...遠...三個字, 今日, 成日落住雨, 竟然可以自由穿梭於柴灣與調景嶺之間, 連遮都唔使開。東區海底隧道喺1989-09-21開通, 加上港鐵將軍澳線2002-08-04開始通車, 將原本只係一水之隔, 但係要去起上嚟又山長水遠的柴灣同將軍澳, 打通咗「任督二脈」。Physically 將地與地嘅距離拉近, 但係人與人之間嘅距離......
＊＊＊
領匯官方網頁對彩明商場資產提升工程(AEI)的描述：
彩明商場毗鄰港鐵調景嶺站，是將軍澳區內著名及最方便的商場之一，為居住附近屋苑的居民供應日常必需。商場在二樓完成擴展行人通道及洗手間工程，大大改善商場的購物環境及氣氛，同時令人流更暢順。
提升工程翻新以往空置的走廊及行人通道位置，改善人流。工程同時善用空間，將部分的走廊位置改裝成為商舖，引入更多元化的零售商戶，成功吸引居民及學生逛街及購物，大大提升彩明商場的受歡迎度。
＊＊＊
沒有留言:
張貼留言