(from Yahoo Blog)
2012年3月29日下午4:47｜公開｜累積瀏覽 429
漁灣邨係柴灣區內現存最古老的公共屋邨之一, 1977-78年間入伙, 數數手指, 都35年了。
講開漁灣邨, 突然間諗起海洋公園...
現代人興玩懷舊, 玩集體回憶, 連海洋公園都唔執輸, 順應潮流砌出一條「香港老大街」, 湊湊熱鬧, 吸吓金。
漁灣邨就係那個「香港老大街」電視廣告的取景地點。
漁灣邨由最初的灰色, 轉過幾次色, 呢期係蝦肉色。高嗰座係漁順樓, 1978年入伙
酒樓屬於獨立式建築物, 依家叫「東方漁港」, 最風光時做過「漢寶酒樓」, 諗起D芝士龍蝦, 都流口水:p
圖左方, 近馬路嗰座係漁安樓, 對面係劉永生中學
呢座係漁泰樓, 即係「講野好大聲的妺妹」跳繩張舊相的背景, 若果唔係起咗 "再生" 柴灣邨, 個廣告鏡頭好可能會向呢邊取景
「講野好大聲的妺妹」的跳繩舊相。我估阿妹都唔會好大年紀, 因為張相都影唔到14座... (14座喺2001年至拆, 除非嗰日好大霧, 又或者張相係造假啦!)
沒有留言:
張貼留言