(from Yahoo Blog)
2012年3月3日下午5:03｜公開｜累積瀏覽 1114
睇報紙話沙田大圍新翠商場嘅資產提升工程將於今年中完成, 見有個所謂「領匯監察成員」喺度嘈生晒, 於是決定自己嚟走一轉, 睇吓係咪佢講得咁衰。
搭港鐵由柴灣到大圍站 (車費 $14.8), 出咗C出口, 之後轉左, 大概行10分鐘左右, 就到新翠邨。
新翠商場 Sun Chui Shopping Centre (地址：大圍翠田街2號), 面積135,800呎, 1983年落成。要特登寫埋英文名, 皆因柴灣都有新翠商場 New Jade Shopping Arcade, 不過嗰個唔係領匯旗下嘅, 而係新鴻基地產嘅。
首先見到呢幾個冬菇亭, 經過領匯翻新活化之後, 乾淨整理, 有粉麵檔, 港式茶餐廳, 小菜館, 任君選擇.....仲連韓燒都有。
街市分階段翻新, 呢邊已經完工。
入到商場, 見到更換地磚工程仍然進行中...(金翠海鮮酒家．1號舖外)
新翠郵政局 (8號舖) 呢邊已經完成重鋪地磚工程
郵局對面的告示...「裝修期間, 所有商店照常營業」, 點解連領匯嘅 "撈稿" 都冇嘅, 使唔使咁低調呀!?
詢問處......完全唔係領匯嘅STYLE
不如睇咗有乜野商戶先......好味店 (9號舖), 仲有隔離嗰間, 不過完全睇唔到佢個招牌~
金翠園粥麵店 (16號舖), 阿姐做到冇停手, 隔離係奇樂快餐店 (15號舖)
奇樂快餐店門外的卡通公仔......我係鍾意影呢D野架喇~
好, 上一層睇吓先......仲未換地磚 (新偶像髮型．19號舖外)
牆身同D柱都砌晒碎石圖案嘅牆磚。最接近鏡頭有條白色柱.....估計商場未翻新之前, 應該條條柱都係咁色。
因為見到樓下冇翻新嘅地方, 都係咁嘅色
基本上, 商場嘅資產提升工程已經大致上完成......唔錯吖~
保留咗小橋流水
個人覺得呢PART整得幾靚, 喺樓梯旁邊, 用白色長條瓦仔砌出嚟嘅圖案, 有少少似藝術浮雕嘅效果, 簡單得嚟又同時可以緩衝一下, 唔使成個商場都係用單一隻顏色, 咁齋~
鍾意嘛......咪影多張囉~
LAST一張, 商場的外觀。跟住過去巡隆亨商場喇~
＊＊＊
沒有留言:
張貼留言