柴灣．新翠商場 @2012-03-01

(from Yahoo Blog)

 

2012年3月1日下午4:43｜公開｜累積瀏覽 2419

 

柴灣同沙田大圍都分別有「新翠商場」, 不過英文名就有分別, 柴灣嗰個叫New Jade Shopping Arcade, 而大圍嗰個係Sun Chui Shopping Centre。

柴灣新翠商場係新鴻基地產旗下嘅商場, 於1986年落成, 喺正港鐵站口, 算係柴灣區的龍頭商場。一個正常嘅商場係會不斷更新, 調整商戶組合, 去配合社會變化, 新翠商場都唔例外。

 

一定唔會好似房署咁, 幾十年前租咗個舖出去, 人地一日唔退租, 房署就一世都唔會收番嚟重新調配商戶組合, 甚至世襲, 連下一代/下二代都要照顧埋, 條邨舊咗要重建, 有D下一代/下二代仲會話要求安置, 要優先配番個舖位俾佢地.........扯遠咗添~

 

入番正題, 新翠商場耐唔中都會轉吓商戶組合, 依稀記得一D... (仲要唔知有冇記錯噃)

 

 

	《依家》	《曾經》	《再之前》
103-104	康泰旅行社	花店
113	自家烏冬	家樂粥麵
114	吉野家	必勝客
125-128	運動家	Bluestar
129-132	catalog服裝店	優之良品
301	建銀亞洲	恒生銀行
302	老行家	恒生銀行	豆咖漿啡便當
303A	(吉舖)	豆咖漿啡	豐澤showcase
305A	Vango便利店	球迷天地
309-311	Image Optical	高登眼鏡
312-315	莎莎	佐丹奴
324	union鞋店	美意屋文具店
330A & 331	聖安娜	溫馨家庭用品
332	SKIN FOOD	時間廊
333	豆咖漿啡	報紙檔	補鞋店
340-341 & 352-353	Adidas	珠寶金行
359	雅麗首飾	阿波羅

 

 

 

最近美心快餐 (111號舖) & 元氣 (112A號舖) 都重新裝修, 執過晒位, 仲會加多間Starbucks.........弊嘞, 豆咖漿啡 (333號舖) 呢勻頭痕嘞~

 

呢條巷嘅舖頭都轉過無數次

 

近第6座呢邊入口, 一早變晒做旅行社

 

第6座地下有個102號舖!? 以前好似唔多覺眼嘅??......呀, 好似係間診所

 

天花, 呢度好似冇乜點變

 

顧客服務中心

 

扶手電梯側邊個位, 轉過幾次都係賣日本野

 

豐澤 (306-7 & 337號舖) 啱啱大裝修完, 今日重開, D職員仲喺入面BRIEFING梗, 閘都未開已經有堆人企喺外邊等開門...... 有乜著數野呢??

 

食正柴灣港鐵站A出口條水, 佐丹奴喺呢個位好多年, 依家已經轉咗做莎莎

 

愈來愈多化妝品店......莎莎, MISSHA, FANCL HOUSE, SKIN FOOD, colourmix

 

4樓唔係新翠商場, 係叫做「新光購物中心」

 

當年新地賣斷咗4樓全層俾「新光集團」, 新光酒樓執笠之後, 集團將4樓間細出售, 就變咗依家咁樣。若果當時新地只租不賣, 今日嘅新翠商場會係點呢

 

轉個頭, 落番豐澤再睇吓......嘩, 搞咗條人龍出嚟添

 

夠鐘開門, 入去湊吓熱鬧先......俾我聽到以下嘅對話：

 

C9	：（同個fd講）半價喎~
肥 Sales	：（搭咀）唔只半價，有4折呀~
C9	：（問肥 Sales）邊D係4折?
肥 Sales	：（指住張紙）呢...............寫晒喺度（跟住就走咗去，完全冇介紹過D產品，咁即係叫阿C9自己睇啦！）

 

老實講, 咁同劉華個電視廣告嘲笑 "說明書寫得好清楚" 有乜野分別呀?? D咁嘅服務態度, 我接受唔到囉~