總瀏覽量

2017年3月6日 星期一

[剪報] 元朗農墟向區議會交Proposal 建議在天耀邨露天劇場搞墟市

2017-03-06|東方|團體倡天耀邨露天劇場設墟市 提供廉價餸菜

天水圍天耀街市去年中關閉後,居民被迫「跨邨」甚至「跨區」買餸,有團體提出在邨內的露天劇場設立臨時墟市作為試驗,建議年中展開為期15個星期的墟市,首月預計每星期舉辦一至兩次,機構預計設立20檔戶,包括10檔常規及有機蔬菓冷凍肉類食材及南北乾貨糧油雜貨分別有5檔,為區內居民提供廉價餸菜。

 
 

元朗農墟向元朗區議會呈交計劃書,建議在天水圍天耀邨內的露天劇場、即天耀邨社區中心旁設立臨時墟市,名為「天耀‧農情墟市」,開放時間為朝9晚5。計劃書指出由於墟市計劃為市民提供廉價餸菜,建議每檔日租200港元不包電力,而檔戶只能以月租形式招租,不得轉租或棄租,使用率不達80%,或會被收回檔口轉租或不再續租。申請檔戶必須持有有效商業牌照或具有售賣食材的經驗

此外,為鼓勵本地漁農產品發展,會建議如申請檔戶售賣由本地出產的漁農產品,將獲優先考慮。所有售賣產品申報方可出售,有機食材亦須持有認可有機標籤。如檔戶售賣魚、豬、牛、雞等肉類,必須將肉類預先屠宰、切割及包裝以急凍方式售賣。

區內一直有意見希望設立墟市以「抗衡」領展,房委會早前回應指天耀邨的公用地方屬房委會領展房地產投資信託基金共同擁有的屋邨公用空間,受地契及公契規管。就有關在天耀邨露天劇場設立墟市的建議涉及改變屋邨公用空間的用途,需向地政總署申請及須取得領展的同意。
 
   
***
 
 
2017-05-29 明報
 

23 則留言:

  1. 如果比我選擇,我仍然是反對,理由是對已付租金的街市商戶不公

    回覆刪除
    回覆
    1. 或者會有街市檔檔戶開埋一份

      刪除
    2. link仔, 你入過天耀邨未?或者知唔知天耀街市已關閉? 天耀街市已被領展強行關閉。

      搶邊度既客先? 搶天盛天瑞既街市商戶? 不如你話搶埋樂富街市商戶既客吖! 天耀去天盛街市要10-20分鐘, 來回係20-40分鐘呀!

      刪除
    3. 天耀天盛一路之隔,行過對面有幾難,使唔使係每座大堂開街市呢?

      刪除
    4. 唔夠,最好係煮埋,餵埋入佢口

      刪除
  2. 2017-03-07|明報|團體倡天耀邨辦墟市 地政總署不反對

    領展發言人回覆稱,該公司對任何合乎地契、公契及相關法例,並獲居民同意及能善用邨內公用空間的建議持開放態度。就設墟市建議,領展正與相關部門溝通。

    據元朗農墟有限公司提交區議會的計劃書,建議在天耀邨露天劇場舉辦為期15周的「天耀‧農情墟市」。墟市逢周日朝7晚5舉辦,設20個檔攤,包括10個蔬果檔,凍肉及乾貨各5檔。每檔日租建議為200元,不包電力,不得轉租,檔戶必須持有商業牌照或具有售賣食材的經驗。元朗農墟為慈善機構,董事包括民建聯元朗區議員蕭浪鳴及元朗區潮州同鄉會主席黃元弟。

    回覆刪除
  3. 露天劇場不屬領展範圍, 要問領展意見係極不合理

    回覆刪除
    回覆
    1. 節錄自以上《東方》的報導:
      房委會早前回應指天耀邨的公用地方屬房委會與領展房地產投資信託基金共同擁有的屋邨公用空間,受地契及公契規管。

      刪除
    2. 露天劇場唔係你屋企範圍,你夠冇權說三道四啦
      仲有你知唔知公共空間領展要夾錢畀維修管理費的

      刪除
    3. 良好嘅社區規劃,應該要考慮居民實際訴求

      天耀居民嘅聲音應該比 非天耀邨居民嘅領展高層重要,呢樣先係由下而上嘅規劃

      刪除
  4. 天耀邨露天劇場舉辦墟市,今起每周日設攤檔,為期15周。

    墟市有10多個攤檔,售賣蔬果及乾貨等。南記有機食品有限公司負責人張小姐表示,早前獲邀加入墟市,日租200元...不過她認為天熱且欠缺宣傳,人流較冷清,至中午僅約千元生意...

    香港有機果蔬農莊的檔主李小姐表示,今日上午僅數百元生意。她指不少街坊已買餸,不知道有墟市,亦認為有機蔬菜較貴...
    (節錄自2017-05-28明報)

    回覆刪除
    回覆
    1. 夏季678月露天市場熱到死,揾鬼買

      刪除
    2. 首先,尋日的氣溫大概係25-30度,乾爽,以香港地來說,唔算係特別熱

      其次,某些人把口講到自己幾咁支持墟市,又話要抗衡領展,咁就算要行多幾步都應該去幫襯啦

      現實係㸃呢,該墟市的生意不似預期,某檔主賴天氣熱,咁一年之中,熱又話熱、凍又話凍,如果落雨仲死多兩錢重添,咁仲有幾多日係適合開檔做生意呢

      刪除
    3. 整呢個水皮墟市都好,可以塞住佢地把口

      刪除
    4. 唔止水皮咁簡單,當日有另一個聲稱撐基層墟市的團體去踩場,雖然兩個團體的目標都係搞墟市,應該同一陣線抗衡領展至啱,殊不知兩幫人在天耀邨墟市現場嗌交,大家鬼打鬼,好好笑

      刪除
    5. 正是每一階層都有各自山頭利益,丐幫都分南北2派,去到最後要公平,唯有自由經濟分配最實際

      刪除
    6. 既然嗰笪地方咁吃香,其實冇理由免費借出嚟畀主辦單位分租畀人做生意賺錢,不如好似年宵攤位咁,公開競投,互相競價,咁樣反而仲公開公平公正啦

      刪除
    7. 響某人眼中貴租就冇平嘢賣

      刪除
    8. 呢個天耀墟市每檔日租$200,夠平租啦,又見唔佢D野有幾平喎

      另,據明報報導,檔主李小姐都認為自己賣的有機蔬菜貴,可能主辦單位認為天耀街坊都是有錢人(起碼唔係某人講得咁窮),食得起啦

      刪除
    9. 其實工聯會每季做的「兩餸一湯指數」調查,明明次次都係食環街市勇奪全港最貴街市的冠軍,但反領展的人(包括某人)卻不當是一回事

      刪除