總瀏覽量

2016年1月4日 星期一

街市熱潮

呢排O2上咗鋪街市癮, 入親街市都會影埋一大堆相, 後尾自己睇番都覺得離譜咗少少。

肥媽和6號的《暖DD.食平D》出街後, 連續幾集都有小西灣「本灣市場」的畫面出現, 令到敝blog那篇4個月前的舊文的瀏覽量近日高據不下。

 
《暖DD.食平D》第一集 (TVB電視畫面)

 
 
領展已翻新了旗下好幾個街市, 亦有為數不少的領展街市正籌備翻新, 期間總會在社會上引起迴響, 包括被指責瘋狂加租導致物價上漲、中產化、超市化、摧毀童年回憶等等等等。

本港有個叫「工聯會」的組織, 打著為基層的旗號, 搞了一個「兩餸一湯指數」。據報導, 該指數係按3至4人家庭的份量, 揀選7項食材作為參考指標 (包括1斤菜心炒6兩牛肉2兩梅菜蒸12兩鯇魚, 以及番茄薯仔瘦肉湯, 材料各半斤), 每季發放調查結果。
 

 
據2015年第4季的數字, 食環署街市包辦了頭6位, 而領展的厚德街市則排第7名 (原文

 
O2有個疑問, 屢次被批評中產化的樂富街市, 點解唔係最貴嘅? 斥資2,500萬翻新的小西灣本灣市場, 點解都冇份架? 乜唔係羊毛出在羊身上咩?

全港的食環署街市, 自從97亞洲金融風暴之後, 於翌年全面減租3成, 例如月租$3,000, 減租後即是$2,100。最離譜的是, 自此之後的十幾年 (1998年至2016年), 年年凍結租金, 一個仙都冇加過, 就算不斷被審計署批評, 我們的食環署亦一於闊佬懶理。

大家動動腦筋, 承租一個食環署街市檔口係幾千蚊, 但係租領展的街市檔口閒閒地都要幾萬銀, 點解會有檔戶仲肯留在領展街市嘅呢? 係咪傻咗?

點解在食環街市買餸仲貴過領展街市嘅呢? 納稅人D錢去咗邊呀? O2唔介意以公帑津貼檔主, 但唔該佢地都唔好咁獨食, 賣番平DD, 同升斗市民有福 (政府福利) 同享吖, 好冇?

 
~~~
 
《今個夏天食平D》第一集 (圖片來源 : TVB電視畫面)
拍攝場地 : 隆亨市集 M.C.Box
播出日期 : 2016-08-08
  

100 則留言:

  1. 睇肥媽,再清楚地重看本灣市場,我基本可以判斷本灣是全香港最靚最正街市。
    另外,食環街市如果在旺位,食品價一D都唔平,只不過係領展街市租金基數低,回到市值租先比人鬧

    回覆刪除
    回覆
    1. 食環署街市的租金平到嘔,街市貨品卻不便宜,那班檔主太獨食了

      刪除
    2. 舊樓嘅生果檔菜檔嘅貨品都平過領展街市,唔需要淨係針對食環街市。

      刪除
    3. 食環街市由公帑補貼,受監察是應份的

      刪除
    4. 街市係市民必要去,受監察都正常,但唔一定要講錢!

      你屋企留下公園,街燈唔收你錢,咁係咪又要計回報?有d公帑用嚟津貼人流少街道嘅街燈喎

      刪除
    5. 咁O2依家咪監察緊食環街市囉,你又話人玩針對。
      去街市買餸唔講錢,咁使乜格價?
      你無端端走去講街燈,章法有D亂,跟你唔到

      刪除
  2. 只不過係領展街市租金基數低,回到市值租先比人鬧 --- 這道理無人會明

    回覆刪除
    回覆
    1. 街市整潔乾爽,幾好呀

      刪除
    2. 表面嘅歌舞昇平,背後就係小商店結業、加租搜刮民脂

      刪除
    3. 你轉台去膠燈,應該會有多些和音

      刪除
  3. 關閉有人流嘅街市點解又唔提下?

    回覆刪除
    回覆
    1. 天水圍天盛街市於農曆年期間全面重開後,天耀街市的濕貨檔口將搬往天盛

      刪除
    2. 與其話搬遷濕貨,其實即係關閉一個有人流嘅街市。呢個完全浪費居民時間步行時間嘅舉動

      刪除
    3. 點解貴區的區議員唔幫你爭取?

      刪除
    4. 議員聲音係其中一樣,自己又唔可以爭取?

      刪除
    5. 冇人話唔畀你爭取,問下點解貴區的區議員唔幫你啫

      刪除
    6. 天耀區議員都有爭取喎

      刪除
    7. 這張圖攝於9-1-2016 18:30
      http://holland.pk/4y8egsn0

      即使天盛街市開幕,天耀街市仍然絡驛不絕,僅餘舖頭仍有很多街坊光顧。這證明領展管理層於二月關閉天耀濕貨街市是錯誤。

      天耀街市顧客已用腳來表態,即使只係「一路之隔」,居民還是會逛天耀街市,所以天耀街市對居民是有存在價值,不應關閉!

      刪除
    8. 其實如果你咁在意天慈居民要行咁遠先買到餸,其實係應該爭取響天慈開街市囉

      刪除
    9. 仲有,你響度磨爛蓆冇用架,O2都唔係領展管理階層,你嘈到幾大聲都冇用架,不如你集合一班要求保留天耀街市嘅街坊去示威抗議,記得call埋傳媒啦

      刪除
    10. 我喺度講, 係因為領展行錯方向, 與民為敵
      保留天耀街市已經係一個好方法

      就關閉天耀街市既示威已經進行咗幾次, 但領展一意孤行囉, 呢種咁唔開放, 無社會責任既公司, 係咪一間上市公司應有既態度?

      刪除
    11. Chi HO Fung, 唔係話聲大夾惡就等如有道理,換個角度看,O2已多番好聲好氣地與你討論,你何嘗不是「一意孤行」嗎?

      刪除
    12. //有居民指天耀街市運作廿多年,加上區內人口老化,要到較遠的天盛街市並不方便,又說未來附近只有天盛街市一個選擇,居民將承受較高物價。

      亦有居民說不需要裝修華麗的街市,最重要是方便和物價便宜﹔又說天耀街市是區內居民回憶,對街市有感情,希望領展不要清拆。//

      希望領展股東在拎股息既同事, 諗下小市民感受

      刪除
    13. 你知道甚麼叫「佔領道德高地」嗎?

      刪除
    14. 大把上市公司冇社會責任啦,包括長實李嘉誠

      刪除
    15. 上市公司最大個老細係股東,明唔明白?

      刪除
    16. http://www.hk01.com/%E6%B8%AF%E8%81%9E/1728/-%E5%A4%A9%E6%B0%B4%E5%9C%8D%E4%BA%BA-%E8%A9%95%E6%96%BD%E6%94%BF-%E5%9B%A0%E7%82%BA%E9%A0%98%E5%B1%95-%E9%80%99%E8%A1%97%E5%B8%82%E8%A4%AA%E8%89%B2%E4%BA%86

      幫襯領展街市最多既係街坊,唔係股東,明唔明白?
      長實李嘉誠無社會責任,咁領展就可以無社會責任?

      領展10年都唔能夠洗底,就係與民為敵

      點解賣腸粉就只可以賣腸粉唔可以賣其他嘢,乜都要俾領展批? 如果某類型店舖過多,就自然淘汰,領展出咩聲? 759想賣其他嘢又要俾領展嘈,街舖就無咁既限制! 一邊由話自由市場,另一邊由追捧計劃經濟,同一類舖有競爭有咩問題?

      刪除
    17. 另外,領展私自更改房署留落嚟既設計, 天慈去天盛買野,一程要20分鐘,來回40分鐘。呢個係生活倒退,領展唔係話要提供優質生活嗎? 原本10分鐘路程變20分鐘, 呢個唔知領展有無考慮過

      仲有,買早餐既人專登走去天盛買?

      記住,幫襯街市既人係街坊, 唔係王國龍或者其他股東

      刪除
    18. O2唯一幫到你的就是嗌多幾聲...

      強烈要求興建食環署街市,打破領展壟斷天水圍街市!!!
      強烈要求興建食環署街市,打破領展壟斷天水圍街市!!!
      強烈要求興建食環署街市,打破領展壟斷天水圍街市!!!

      刪除
    19. 真係話你xx怕你嬲,幫襯街市嘅人係街坊咁又點?交租畀領展嘅唔係街坊,係租戶呀,咁領展揀D畀得起貴租嘅公司進駐,真係無可厚非喎,除非你同你所謂嘅街坊幫果D你眼中「賣街坊嘢」嘅租戶交租囉
      再唔係,你出錢買起領展,咁你就可以想點都得,甚至免晒天水圍街市檔租金,睇下佢哋會唔會回饋街坊

      刪除
    20. 仲有一樣嘢,在下試過由天慈商場門口行去兩個街市,慢慢行去天盛街市要十分鐘,而行去天耀街市要八分鐘,即係來回只慳得果四分鐘,唔通行去天耀街市就唔係虐老?
      如果你口口聲聲話天慈長者行去天盛街市係虐老,其實你需要爭取嘅係響天慈起街市,而唔係保留天耀街市囉

      刪除
    21. 引用長實,係想反駁你話上市公司要有社會責任,請問香港邊條法例規定上市公司要有社會責任呢?
      你咁憎領展,你咪叫埋D街坊唔好幫襯佢,一於餓暈領展囉

      刪除
    22. 仲有港鐵都係上市公司,大股東仲要係政府添,但佢又有幾多社會責任呢?年年只識加價,服務就越來越差,你又有冇幫天慈街坊嘈下佢呢?
      仲有九巴係上市公司載通旗下嘅,佢又有盡幾多社會責任?中電都係上市公司,又有盡幾多社會責任呢?
      不如你又舉D你覺得好有社會責任嘅上市公司同大家分享下啦

      刪除
    23. 1. 正正因為天耀街市既使用者係街坊, 所以所有對街市做既工程, 去留都要依據街市既使用者為依歸。妄顧街坊需要而關閉街市, 就係與民為敵。加裝無障礙設施,改善去水, 係值得做既事, 但關閉濕貨街市, 就係無考慮街坊利益! 領展話:」提供活力的零售體驗,滿足周邊顧客所需,更為租戶提供平台發展業務,連繫好生活」 妄顧顧客所需, 浪費使用者到街市既時間, 就係連繫好生活?

      2. 天慈商場行去天盛街市只需要10分鐘?即使你全部行天橋, 都一定唔可能.. 天慈商場行去到天耀商場都要10分鐘啦

      3. 關於社會責任, 我quote 以下文章
      結合「企業社會責任」而得到成功的例子,星巴克咖啡是其一。它的「公平咖啡」採購方針,循環物料紙杯都受到全球消費者的認同,亦令到它的品牌價值得以提高

      問:麥肯錫又會如何去推行CSR?
      答:以我們公司為例,宗旨是滙集人才,協助其他公司改善運作。最佳人才正正是最明白到商業社會、社福界及政府的運作。我們沒有專職去做CSR的部門,但支持和鼓勵我們的企業顧問到NGO工作9個月至1年,既可發揮專長,幫助NGO,另一方面完善我們的宗旨,使公司人才進步。我們也會有一些Pro bono(不收費或者低收費)的項目,幫助非盈利機構解決問題。這些項目對我們的員工非常有吸引力,也可以讓他們學到現實社會的挑戰,又幫到NGO,一舉兩得。

      舉個例子,你跟受污染影響的群體說,公司在大陸建了很多學校是沒用的。而是透過實際工作,從各方的角度了解,取得社會的信任,CSR才可以達到雙贏效果。

      希望領展學下點做CSR...仲有,周圍街市都係領展,唔通我唔買餸, 或者專登搭車出去買餸?

      4. 法律容許領展清拆天耀街市, 唔代表呢個行為係正確,或者對街坊有利。 法律無要求上市公司要履行社會責任, 唔代表上市公司唔可以履行

      刪除
  4. 在「暖DD·食平D」節目中多次出現無論在設計和裝修上均十分華麗的街市片段,在電視節目中宣傳下,令人一看便知道這是領展旗下的鮮活街市,有助令更多人會改變對於以往傳統街市的環境問題造成的負面形象,同時也會認為領展將旗下街市翻新後的確能夠使市民整體購物體驗更上一層樓,最重要是能夠提升領展的形象。

    回覆刪除
    回覆
    1. O2反而覺得最重要係街市D野唔貴。
      現在是領展建立口碑的時候,港島有本灣市場,九龍有樂富街市,新界有天瑞街市(不過天瑞就快被天盛街市扒頭),要等市民多點接觸,親身體驗下。
      師奶唔易做,絕對是一門專業,她們掌管了一頭家的大小事務,對市場價格非常敏感,那管是一角幾毫,總之買貴咗就係唔爽。這4個月以來,O2緊貼著本灣市場的一舉一動,實地觀察買餸師奶的反應,對街市轉型更有信心。

      刪除
    2. 經過翻新後的街市內所售賣的食品不但不貴,而且質素也較佳,相信市民親身體驗嶄新的購物模式後,一定會感到滿意,之後的反應必定更熱烈,有助領展繼續翻新旗下街市項目

      刪除
    3. 好慘,大元同太和已經畀O2拋棄 lol

      刪除
    4. 大元街市及太和街市都是O2的心肝寶貝,只係不能盡錄啫 ^^'

      刪除
    5. 唔使担心大埔有我睇住,你地想睇乜,請出聲。

      我幾乎每日放工都巡太和一次。

      刪除
    6. 就係因為有你睇住,所以O2非常放心。想問下百佳舊位的舖頭開咗未呀?

      刪除
    7. 仲裝修緊,今晚去睇下整成點。

      刪除
    8. 舊太和百佳已间成5-6個新鋪位,對外街3個舖已租出,足品店,南北行,越秀創興銀行,看照片請至:

      link823.blogspot.hk/2015/12/blog.html?m=0

      刪除
    9. 估唔到係開銀行,唔該晒Link仔哥,麻煩你繼續睇住,等遲D多D舖頭開咗,O2就會嚟太和

      刪除
    10. 太和變左有3間銀行:集友,創興,工銀及數個ATM ,滿足晒銀行公會要求了

      刪除
    11. 但嗰間渣斗銀行仍然冇份,激死人呵 :D

      刪除
    12. 下一個在《暖DD.食平D》出現的領展街市係大元街市

      刪除
    13. 好可惜,肥媽係大元冇得用八達通,個個收埋晒交左月費既八達通機

      刪除
  5. 頌富廣場一期地下舊日本城位Italian Tomato裝修緊。

    回覆刪除
    回覆
    1. 收到,謝謝,到開張時可以再通知聲嗎?

      刪除
    2. 已經開幕,午餐好抵食

      刪除
    3. 收到,謝謝,對面仲會有間上海姥姥 :P

      刪除
  6. 領展社企一定比港鐵多
    =====
    港鐵主席馬時亨表示正在籌劃於西鐵沿線車站提供12個舖位,以廉價租金給非牟利機構營辦社企。

    回覆刪除
    回覆
    1. 港鐵有咩商場想唔要....出聲吧

      刪除
    2. 港鐵有一個死場:新屯門商場,敢唔敢要先?

      刪除
    3. 作者已經移除這則留言。

      刪除
    4. 新屯門近蝴蝶, 可以接受

      刪除
    5. 新屯門其實唔係做蝴蝶客喎,係做龍門客
      龍門居可以撐得起咁多超市,證明消費力好強
      新屯門死症在於入口太衰,搵到個生性嘅anchor tenant入場用返DSC個位其實有得諗

      刪除
    6. 我可以同你講,龍門客(仲有更近嘅富健)唔會去新屯門商場,係都搭506幫襯H.A.N.D.S同市中心堆商場啦,天橋位果度得樓梯,要兜個圈先有升降機去商場(注意:地面係冇扶手電梯入商場)
      龍門居得一間U購Select,仲要響上一層,反而富健有百佳惠康仲有街市,分分鐘新屯門商場同龍門居嘅人仲會去富健買嘢添

      刪除
    7. 其實個頭好多工廠, 唔知會唔會變哂商業用途

      刪除
    8. 工廠離新屯門商場太遠了,要搭幾個站輕鐵,係幫襯都幫襯市中心、H.A.N.D.S甚至山翠啦

      刪除
  7. 呢幅相有趣
    https://www.facebook.com/photo.php?fbid=10153832232412840&set=a.10153832233232840.1073741828.744967839&type=3&theater

    回覆刪除
  8. 大本型:
    L1 SHOP 103 恒生銀行 iPoint 個人理財中心 現已開幕

    長發廣場:
    L2 SHOP 208-208A 譚仔雲南米線 現已開幕

    回覆刪除
  9. 厚德商場東翼:
    E146/E203 百佳超級廣場 將於15/1進駐
    更多資料: http://kenneth0608.blogspot.hk/?zx=96102cc429e50b52

    回覆刪除
  10. 企業天地筆尾數又可以慳番少少

    回覆刪除
  11. 新主席揭曉

    http://www.hkexnews.hk/listedco/listconews/SEHK/2016/0107/LTN201601071336_C.pdf

    回覆刪除
    回覆
    1. 新主席係多間上市公司非執董,驚佢太忙,變左第2個盛智文開9次董事會只出值3次。
      另外,唔知會唔會多D同希慎交流,不過佢地D銅鑼灣商厦太貴了,不適合領展。

      刪除
    2. 貴唔係問題,只要回報率合格,都可以考慮

      刪除
  12. O2 兄, 我有 13 個女朋友, 亂世之中, 只有 823 呢個同我留低, 提供正回報, 真係唔知講咩好.

    回覆刪除
    回覆
    1. 要找到一位能夠共患難的女朋友確實不容易,咩都唔使講,O2心領神會 ^^'

      刪除
    2. 果個已經唔係女朋友,已經係老婆,掌管晒你D財政了,希望佢生生性性

      刪除
    3. 唔係喎,暫時只能稱為「頭號女友」,雖然O2冇再逢場作興,但之前結識落的女友會自動榮升小三,不得了呀。
      Anyway,O2已經公開表示與頭號女友長相廝守,相信佢應該已經冧冧豬,唔會介意那個「老婆」名份啩

      再recap一次愛的宣言冧下佢先...

      終於與領匯長相廝守了
      http://o2and00823.blogspot.hk/2013/12/blog-post_5.html

      刪除
    4. 哈哈師兄今都很好識講笑,是真的,跌市震一震,得823 仲係+10%. 我預料不到

      刪除
    5. 80後投資人,其實823可能遲D都會變成負數,所以你不應用正負選女朋友,建議你用極瑞壓力測試法來選女友,方法是假設恒指下跌一萬點:
      1.你的女友是否仍然有相約股息派送?
      2.你的女友生意有否因而嚴重受損?
      3.你的女友前景有否因而變得不明朗?
      4.你的女友有否停止正在發展的項目,如地盤生產綫停工?
      如所有以上答案都是正面,女友合格可以繼續拍拖。

      刪除
    6. 如果恆指跌一萬點,即係跌一半,咁內地同香港,甚至全球嘅經濟都好唔掂下喎
      到時領展都唔知跌幾多

      刪除
    7. 極端壓力測試是模擬股災,而股災一般是跌多個一半的,約下跌60-70% ,所以假設下跌一萬點,其實不要太過担心股災,因為股災對社會有時是正面的,它可使財富再分配,機會重生。如樹林火災後萬物重生

      刪除
    8. 同意股災有財富再分配的作用,是危機,也是機遇,看誰能把握得到

      刪除
    9. 諗下上次恒指去到一萬點時,香港咩情況先
      唔係只係股災咁簡單架

      刪除
    10. 係呀,上次股災我冇左份工:(
      不過,天要下雨,娘要嫁人,阻不了

      刪除
  13. 《傳聞》市場消息指,領展(00823)最快將於下月標售新一批共五個商場,乃該集團 第四度放售旗下物業,該批商場分布於大埔、沙田及馬鞍山等地,料市值共接近30億元,為歷 來涉資最多的一次。 五個商場中,又以大埔運頭塘邨及沙田穗禾苑等項目較為矚目,領展亦正把多個項目納入標 售計劃,包括:馬鞍山利安商場、鴨脷洲邨商鋪及車位,和慈雲山慈正邨商場。 《編者按》本欄搜羅即市傳聞,惟消息未經證實,ETNet

    回覆刪除
    回覆
    1. 快D換貨,又可滅聲,一舉二得

      刪除
    2. 【on.cc東網專訊】 產業署旺角工業貿易署大樓今日中午截標,領展(00823)入標。

      現場所見,暫錄5份標書,包括已入標的長實地產(01113)、培新、冠君產業信託(02778)、信置(00083)。

      上述項目樓面逾28.4萬方呎,地舖連租約出售,其餘樓面則交吉出售。市場估值逾48億至約65.4億元,料屬政府近年標售最大額商業項目。

      刪除
    3. 新地加入爭奪,形勢不妙

      刪除
    4. 確認獨資投標
      http://www.linkreit.com/TC/investor/Documents/c%20-Clarification%20Announcement%20(Monte)_20160108.pdf

      刪除
  14. 2014年5月 林子峰 東熹苑 0.729
    華貴商場 5.18
    興田商場 2.1
    馬亞木 葵興商場 4.38
    寶熙苑商場 收回
    2014年9月29日 林子峰和陳秉志 翠林 6.5
    天平 5.4388
    兆麟 3.18
    2015年12月31日 馬亞木 嘉福商場 5.88
    譚繼 廣田商場 4.07
    順聯集團 田灣商場 4.86
    林子峰 峰華邨商舖與停車場 1.1
    原偉強 兆安商場 1.25

    已套現: 44.6678億元

    回覆刪除
    回覆
    1. ref: https://zh.wikipedia.org/wiki/%E9%A0%98%E5%B1%95%E6%88%BF%E5%9C%B0%E7%94%A2%E6%8A%95%E8%B3%87%E4%BF%A1%E8%A8%97%E5%9F%BA%E9%87%91

      刪除
    2. 2014年8月 現崇山 13.8
      2015年1月 觀塘商業地 63(總投資額)
      2015年4月 歐美匯 25人民幣
      2015年8月 企業天地 66人民幣

      支出:近190億元

      刪除
  15. 唔係搞寫字樓 ...

    香港文匯報訊 本地零售業吹淡風,惟仍無阻發展商對政府推售的旺角工業貿易署大樓之熱情,產業署昨日公佈,一共收到9份標書。現場所見,有份入標財團包括新地、長實、領展 、培新 、冠君產業信託,以及信置夥拍麗展及帝國集團。領展公關部表示,入標競投項目是對香港整體零售前景有信心。

    回覆刪除
  16. 有緣來到敝Blog的你,係搵緊肥媽和6號新一輯《今個夏天食平D》第一集的街市嗎?

    答案是:隆亨市集 M.C.Box

    http://o2and00823.blogspot.hk/2016/07/2016-07-23.html

    回覆刪除