Chi Ho大爺對領匯恨之入骨, 見到「領匯」兩個字就眼火爆, 猶如遇見殺父仇人。
日前O2 post咗一篇柴灣興華廣場的巡視遊記, 又再次觸動了Chi Ho大爺的神經。
大爺已不只一次挑剔領匯將興華街市改建, 摧毀咗佢心目中的集體回憶喎。今次, 佢仲聲稱自己有份在興華街市一役進行過抗爭添, 孰真孰假, 天曉得了!
房署當年硬性規定以「一邨一商場、街市」政策興建公共屋邨, 執行了幾十年, 一直墨守成規, 沒有因應實際情況作出調整, 到了今時今日, 事實已證明是超錯。
以柴灣的興華邨為例, 興華邨分山腳的興華一邨及山上的興華二邨, 房署按既有政策分別建了兩個街市。
山腳的一邨街市即現時的領匯興華商場, 亦即是Chi Ho大爺狂吠領匯將街市變超市之位置。
當日房署保留了山上的二邨商舖及街市, 冇賣畀領匯, 咁二邨的街市下場又如何呢?
若果根據Chi Ho大爺的邏輯, 只要冇畀領匯搞過, 世界一定會很美好!
現實係, 在山上的二邨街市已被房署改建成護老院。之前O2曾反問過Chi Ho情願要「超市」還是「老人院」, 不過佢冇答我。
與Chi Ho大爺交手多時, 擾擾攘攘, 恕O2得罪講句, 個人對Chi Ho大爺的評價, 只有「庸·人·自·擾」四個大字囉!
＊＊＊
2007-07-14《太陽報》報導, 房委會打算將興華二邨的街市改變用途
2007年的興華二邨街市 (太陽報)
街市已被房委會改成護老院 (O2攝於2013-04-24)
＊＊＊
2001年啟用的柴灣市政大廈
柴灣市政大廈內的街市佔地三層, 改寫了其他街市仔的命運
＊＊＊
沒有留言:
張貼留言