久居柴灣的O2乃市井草根, 慳得就慳, 錙銖必計。
由柴灣遠赴天水圍, 一來一回要50幾60蚊車錢, O2是肉赤的。但基於對823的厚愛, O2曾以外區人身份多次走訪天水圍區的823場。
眾所周知, 天水圍被冠上「悲情城市」之名多年, 所以, 每當走進天水圍時, O2會特別留意街坊的神情及行為舉止, 試圖探測一下悲情的程度。
就個人對天水圍的感受及觀察, 早前已記錄於以下兩篇劣文, 以及多段與天耀Chi Ho大爺的對話當中。
2014-03-06 O2眼中的天水圍
2014-07-17 O2眼中的天水圍 (2)
今日無意中睇到一篇正宗天水圍人的網文, Blog主Ivan與O2不謀而合地認為天水圍並不悲情, 而且Ivan似乎對AEI後的頌富廣場也頗受落。
有人將O2、Link仔哥、LINK忠实粉丝、linksuperfans一干人等, 視作領匯打手, 一味在領匯的臉上貼金, 覺得信我地一成, 雙目會失明。咁, Ivan以第一身天水圍居民身份寫的個人感受, 應該比我地更有說服力吧!
連結Ivan的網誌
一些商場的現況：
回覆刪除厚德：Slicity & soul即將開業
尚德：Everlasting accessories即將開業
瀝源：華潤已結業, kawaiiland已開業, 阿信屋即將開業
黃大仙：Arnold palmer已結業
現崇山：美聯已結業
慈雲山 : 味千拉麵已開業
刪除多謝兩位報料，
刪除對現崇山美聯結業有點驚訝！
受落的只是富戶... 只能能光顧平價店價的, 你是看不到
回覆刪除他們可能要到新北江或者俊宏軒先可以買到平價物品....
原本屋邨居民好地地落樓下就可以用相宜價錢消費, 變咗耐走去第二度... 呢個係領匯貪錢造成! 錢唔係唔俾你賺, 賺都要賺得有良心, 例如成立小店區咁, 收廉價租金
一個手機殼, 喺領匯商場買係貴過新北江一倍
證明領匯加租轉嫁至消費品
1.熱血的Chi Ho大爺, 你咁耐冇出現, 仲以為你去咗「佔鐘、佔旺」, 追逐更崇高的理想, 唔得閒揪O2後腳添
刪除2.天水圍的商場人頭湧湧, 是不爭的事實, 而據Ivan所形容係「要排隊畀錢」。以你的邏輯, 豈不是天水圍區係富戶多過窮人?
3.新北江 & 俊宏軒的租金一點也不便宜, 手機殼賣得平, 係因為店主都是你口中的良心老闆; 反觀領匯場內的商戶因為要供血畀吸血鬼, 咁咪貴D囉, 你不嬲都係咁演繹架, 再講, 商戶有訂價的自由, 消費者自然識揀
4.你話「成立小店區, 收廉價租金」, 呢個提議唔錯, 因此特區政府亦回應了你的訴求, 搞咗一個超級平平平租、專for小商戶、求生不得求死不能的天秀墟, 請多多捧場
5.貧與富是相對的, 老實講, O2從來未試過好似你咁1,500蚊食一餐, 如果以你咁嘅消費能力都叫做窮, O2無話可說
作者已經移除這則留言。
回覆刪除