淨飲雙計 vs 任坐唔嬲

(from Yahoo Blog)

2012年12月7日下午5:30｜公開｜累積瀏覽 211

 

租金高, 人工貴, 食材價格上升, 餐飲界無不叫苦連天。

 

「淨飲雙計」、「最低消費」之類的by-law會出現於被諭為有「人情味」的茶餐廳, even有幫襯, 街坊亦會識趣地「唔好意思坐咁耐」。

最乞我憎係某D舖頭好似「唔憂做」咁, 只選擇性地對個別顧客相對友善, 對生客卻一副唔志在的嘴臉。

 

有D仲衰, 入到去俾人當成入侵佢地頭的侵略者, 俾人用人肉紅外線scan一次, 個個望實晒, 一個唔覺意, 坐錯咗人地熟客個位, 就仲大鑊。食到周身唔自在, 簡直係貼錢買難受。傳說中的「人情味」? Sorry, 我 feel 唔到囉!

 

大佬呀! 冇生客又何來熟客呀?!

 

這些年, 是連鎖快餐店發揮她的「社區功能」的時候了...

 

不設最低消費, 就算冇幫襯, 亦任坐唔嬲, 悠然自得。街坊歇腳吹水, 保險經紀 sell 燕梳, 學生哥做功課, 上網, 打機, 霸個位幾耐, 都唔會俾人眼超超。

 

誰說連鎖快餐店沒人情味?

 

 

每日總會有群街坊在快餐店聚腳打躉

 

雞啄唔斷, 我食飽佢地都未傾飽