Grassroots O2: [領匯商場] 沙角商場 @2012-12-15

2012年12月15日星期六

(from Yahoo Blog)

2012年12月15日

目前嚟講, 領匯已獲批並正在進行中嘅資產提升工程有以下幾個項目：

今日去咗沙田沙角商場巡視。

交通：港鐵柴灣站 → 沙田圍站

沙田圍站附近有３個屋邨商場, 各位其主, 形成一個鼎足三立的局面...

房協　　　乙明邨商場

房委會　　博康邨商場
領匯　　　沙角邨商場

睇個勢, 我唔信沙角商場會鍊唔贏嗰兩個場。

沙角商場 (地址：沙田沙角街5號), 面積156,400呎, 1980年落成, 數數手指, 已有32年歷史了

出咗港鐵沙田圍站, 望過去對面馬路, 就係沙角商場熟食中心。呢幾個冬菇亭裡面嘅大排檔, 本身已經有一定嘅叫座力, 都可以話係沙角商場嘅皇牌。

我以前都講過, 業主與租客嘅關係是唇齒相依的。小商戶有好野, 又未必識得宣傳, 領匯最近嗰本《大廚小傳》, 就有為金沙角大排檔 (熟食中心2, 3, 4, 6號檔) 呢類租戶加強宣傳推廣。

劉萬利咖啡小食 (熟食中心7-9號檔) 喺上次嗰本《我們的尋味時光》都有推介, 但係個活動後尾俾人玩串咗啦。係好野就唔會怕嗰D激進人士搞搞震嘅, 使驚你呀!! 我今日就鎖定咗先幫襯劉萬利, 補償番上次尋老味活動俾人搞到要腰斬嘅損失, 勁呢?! 哈哈哈~~~

埋單用咗34股領匯嘅股息, 叉滿電, 開始巡商場咯喎。沙角商場位於三樓平台, 可以搭扶手電梯上去, 不過條扶手電梯啱啱做緊更換頂蓋工程, 冇得用。見到個新上蓋有D娘娘地, 心諗：點解領匯會咁bad taste架?! 後尾睇到張房署告示, 原來呢度唔係歸領匯嘅, 冇辦法喇。

商場外牆, 佈滿銹漬, 殘爆!

商場內, 顧客服務台 (惠康超市．36號舖外)

顧客服務台對出

跟住會順住冧巴巡。第1間係衡泰五金家庭用品 (1號舖), 呢行係1至8號舖。

連續3間華字頭的舖頭。(左至右) 華興電器中心 (14號舖), 華強文具書局 (13號舖), 華昌影音中心 (12號舖)

另一條商場通道。彩虹書報社 (18A號舖), 八方社 (18B號舖)

恒安表行 (24號舖) 外

晶瑩美容纖體 (25號舖) 外有個保安崗位

明角麵家 (27-28號舖)

25號舖外保安崗位的另一端, 有幾間社福機構, 但係我唔清楚呢邊歸唔歸領匯。最末端係沙角社區會堂。

平台上的中國銀行 (39號舖)

最後係7-11便利店 (47-48號舖) & 波仔 (46號舖)。雖然呢兩間舖係排到40幾號, 好似係最尾, 其實呢度係天橋口, 靚位呢架。

商場以外, 喺住宅樓下仲有D地舖。(沙燕樓地下)

沙角街市位於熟食中心側邊, 現正進行資產提升工程。工程期間, 檔戶照常開檔做生意, 但環境比較混亂。今日冇乜點行, 暫時開住張期票先, 翻新完之後, 我會再嚟。

你可能已經發覺點解個場會冇酒樓。樂福大酒樓 (38號舖) 已經執咗笠, 而呢間「家樂大酒樓」更加係執咗幾世耐。今次優化工程亦似乎著重喺酒樓附近範圍, 睇過D舊相, 發現酒樓個舖位係要上幾級樓梯架喎, 好唔方便啫, 唔知領匯會唔會改為扶手電梯呢?

＊＊＊