[領匯商場] 瀝源廣場 @2012-02-18

(from Yahoo Blog)

2012年2月18日

自從柴灣星展執咗笠, 要四圍打遊擊打簿。

今日打算去沙田巡視「瀝源廣場」&「禾輋廣場」, 搭港鐵由柴灣站出發去到沙田站 (車資$14.8), 先去咗沙田廣場嗰間星展打簿。搵咗一輪, 入到去..... (心中暗罵, 頂.......壞機!? 有冇搞Ｘ錯呀!? 唔通呢間野真係同我有仇!? 嘥晒我D時間)。冇辦法, 唯有死死地氣去counter排隊等打簿。

一出閘就脫腳, 打完簿即刻急急腳向瀝源進發...

唔知係乜野原因, 瀝源廣場並唔係集中喺一座建築物內, 而且零零散散咁分佈喺不同角落, 東一笪、西一笪, 搞到我頭都暈埋。

瀝源廣場 (地址：瀝源街6號), 面積178,700呎

人生路不熟, 見到盛記個招牌, 知道冇搵錯地方嘞! 招牌下面嗰座野, 睇嚟睇去都係得間酒樓同補習社, 心諗, 瀝源廣場冇理由得咁多多架?? 於是兩頭岳, 跟住人潮再向前行

行到商場新翼, 同上網睇過2007年嗰張舊相差不多樣

經過新翼, 仲要再行, 至見到呢個見得吓人嘅商場入口

入到去係咁樣

2樓的走廊 & 天花 ( 7-11便利店．3號舖外)。商場入面, 人流唔算太多

唔知係咪因為業權關係, 地下分開兩截色, 用咗唔同款嘅地磚。升降機位附近, 極殘 (柏匯牙科診所．210號舖外)

商場外圍超多樓梯, 四通八達, 商場內的扶手電梯則只此一部 (善學教育．109號舖外)

落到樓下。1樓的走廊及天花 (思諾電器．106號舖外攝)

有個比較另類的顧客服務台.....是房署的遺物嗎!? (1樓中國銀行．FH2-3號舖側)

瀝源街市, 尚算整潔, 不過就好舊, D所謂保育人仕應該冇得挑剔

整座瀝源街市

向正巴士總站的小小商店 (NK4)

領匯辦事處瑟縮於福海樓14號地下, 內外都相當簡陋.....Good, 算你冇亂使錢啦~

準備離開商場, 由番呢個門口出去 (2樓天然護髮用品．208號舖外攝)

對正商場門口的3rd move triathlon shop (SHF4), 眾多商戶中, 以呢間3項鐵人專門店較為特別。後尾去吹水區睇過, 聽講話呢間D野都幾抵.....嗱, 講明先呀, 我冇幫襯過架, 係「聽講」架咋~

今日睇住咁多先, 走喇, 仲要趕住去禾輋嗰邊

沿住呢條走廊去禾輋。呢排商舖唔係喺商場裡面, 而係黐住福海樓, 我唔肯定業權係歸房署還是領匯。不過呢度係通往禾輋邨嘅主要通道, 所以人流量有一定保證

睇完水牌, MAKE SURE咗金百樂麵包西餅 (FHS20號舖) 係屬於領匯商戶, 於是入去買咗個合桃蛋糕 ($3), 一邊食, 一邊趕路, 去下一站「禾輋廣場」

商場外觀。在東華三院馮黃鳳亭中學外攝

瀝源廣場外觀

(網上圖片) 瀝源商場舊相

領匯官方網頁對瀝源廣場資產提昇工程(AEI)的描述：

瀝源廣場位於沙田區及鄰近主要公共交通網絡–港鐵沙田站。瀝源廣場剛完成資產提升工程，將商場舊有的飲食區及面積過大的零售區重新間隔規劃，以提升商場的商戶組合及引入更多元化的零售選擇。在新加盟的商戶開業後，瀝源廣場現成為區內居民一個現代化及具吸引力的購物點。

領匯在瀝源廣場完成了資產提升工程，在改善場內的扶手電梯設施及空調設施後，令瀝源商場更具吸引力，並成為區內居民的購物及餐飲新選點。商場內新增了更多設有空調的零售區，並引入更多服務行業如髮廊、包餅店及凍肉店等。新增設的扶手電梯讓顧客上落樓層更見方便，而商場外牆更重新粉飾設計並加裝燈箱，讓顧客對瀝源廣場更為耳目一新。總括而言，資產提升工程令瀝源廣場更具美感及有助商場內外顧客的人流，成功吸引顧客光臨惠顧。

＊＊＊

　

　巡視日程表