柴灣．星展．領匯

(from Yahoo Blog)

 

2012年2月14日下午2:18｜公開｜累積瀏覽 148

 

呢個BLOG講嚟講去都係關於「柴灣」、「星展」&「領匯」。

無他嘅, 既然身為柴灣人, 自不然會關心柴灣野啦, 而我喺「柴灣星展」上過當, 好想同其他人分享吓經驗, 引以為鑑, 就好似《警訊》咁啫。

 

因為柴灣區公屋/居屋林立, 而陪住我成長的屋邨商場亦載著不少成長的印記。變幻原是永恆, 我樂於見證著「領匯」為屋邨商場重拾朝氣。不過今日唔講領匯住, 講吓雷曼苦主先...

 

 

(網上圖片) 有人以為雷曼事件已經告一段落, 銀行已經賠番晒錢, 其實唔係架, 到依家仲有好多苦主被銀行摒諸門外。圖為上星期六 (2012-02- 11) 雷曼苦主於星展銀行中環分行, 繼續爭取賠償 (問心講, 我都好佩服佢地嘅毅力)。大家都係上咗賊船, 同樣係買咗「星展毒債」, 見有人可以賠足百份百本金, 仲賠埋利息, 但係自己仲要辛辛苦苦咁上街爭取賠償, 俾著你.....條氣都唔順啦!!