隱憂

(from Yahoo Blog)

2012年2月2日下午5:29｜公開｜累積瀏覽 98

領匯係我嘅頭號愛股, 我由2008年開始分段買入, 喺過去嗰四年, 領匯為我的投資組合貢獻咗唔少。

2003年「沙士」之後, 內地明醒香港的「自由行」政策, 不知不覺間推高咗本地零售店舖租值, 基於水漲船高、水向低流的大自然定律, 亦帶挈埋領匯啲二三四線「山卡啦」商場舖位嘅租值得以提升。

呢排有人開始提出「自由行效應見頂」之言論, 畢竟租金亦不會無止境地上升, 租金水平都係因應整體經濟環境去釐定, 唔係話業主想收幾多就幾多, 所以領匯嘅租金收入亦都係「可升可跌」的。

領匯於2005-11-25上市, 經歷過幾次管理層變動, 由零開始, 最初致力SET-UP公司章程\接收房署商場, 繼而要應付ＴＣＩ壞孩子基金的苦苦相迫, 要領匯一步到位, 將房署商場極速市場化。直至壞孩子基金於2010年全面撤出, 領匯才得以一個較正常的步伐前進。

不過, 俾壞孩子基金咁樣搞一搞, 普羅大眾對領匯已經有咗先入為主的睇法, 將領匯描繪為「吸血鬼」、「見錢開眼」, 變相亦令領匯唔可以再購入房署商場作為發展路向。

投資總會有風險, 我持有領匯的終極目標只為收息, 只要年息有4厘幾, 便於願足矣, 假使可以資本增值, 我會視作額外的BONUS。皆因領匯REIT受條例所限, 派息率不能低於90%, 必定要派息; 又有信託人託管資產, 唔怕俾人「托水龍」; 最重要係高透明度, 自己日日都睇到啲租戶好唔好生意, 又有議員、傳媒幫手監察, 我真係諗唔到目前有邊隻股票可以有呢種優勢。


領匯管理層：

．2005年04月鄭明訓應香港政府邀請, 出任領匯董事會主席。2005-11-25領匯成功上市。及後, 英國對沖基金ＴＣＩ入主董事會, 力主極速市場化, 鄭明訓因租務策略與ＴＣＩ唔啱KEY, 在任期界滿前劈炮唔撈, 於2007-01-29宣佈辭職, 2007-04-01正式生效。

．前任行政總裁蘇慶和亦於2007-04-30以個人理由決定2007-07-15約滿後不續約。不過市場傳聞, 鄭明訓及蘇慶和都係被ＴＣＩ迫走。

．作為對沖基金, ＴＣＩ務求於極短時間內賺取最高回報, 要慢慢咁經營一堆商場, 根本唔合ＴＣＩ嘅胃口。 之後ＴＣＩ亦因應自己嘅財務安排而減持領匯, 直至2010年底全面徹出領匯。

．蘇兆明 (Nicholas Robert Sallnow-Smith) 為現任主席。

．現任行政總裁則為王國龍。


（免責聲明：投資有風險，自己衡量，唔好跟人）