點解房委會D舖咁賤?

(from Yahoo Blog)

 

2011年7月8日下午4:27｜公開｜累積瀏覽 446

 

西醫賴雪雲交番漁灣邨個舖位俾房屋署, 依家房署攞出嚟招標。個舖位有 64平方米 (即係大約 690呎), 仍然係規定做西醫診所, 但係睇到個參考租金就O晒咀, 10,500蚊? 使唔使平成咁呀, 話晒都係街舖喎!?

對面樂軒臺D街舖仔, 得嗰2百呎左右, 舖面一定唔夠10呎, 起碼都租16,000蚊喇。張尚年匿埋喺翠灣邨入面, 都唔只呢個數。如果喺永利嗰邊就仲誇張添, 嗰D展銷檔6呎闊檔口仔, 要日租600-750蚊 (等如月租$18,000至$22,500, 得6呎咋)。

 

咁點解房署要搞到自己D舖租咁賤呀? 因為公務員冇賺錢包袱呀? 求其唔使掉空, "鑑平鑑賤" 租出去, 就唔使俾審計署 "鋤" 呀? 呢D舖租收入係香港市民嘅錢嚟架, 房署收到租可以搞好D邨內嘅設施, 又或者可以用嚟起多D公屋俾輪候冊嘅人快D上樓, 點解要益D生意人? 咁樣算唔算係 「官商勾結」、「利益輸送」呀!

 

 

柴灣漁灣邨漁安樓 1號舖位公開招標

 

呢個位本來係「賴雪雲醫生」的醫務所