做生意 講門面

(from Yahoo Blog)

 

2011年7月4日下午4:51｜公開｜累積瀏覽 137

 

我幾時都話做生意要講門面, 顧客會追求新鮮感, "噏噏耷耷"千載不變嘅鋪頭只會喺佢地臨執笠時, D人至會同你講懷舊, 講集體回憶, 講舊時的人情味 ...

市場是殘酷的, 杏花新城「名苑」裝修得七七八八, 就快燒炮仗, 附近的「稻香/迎喜」亦不敢怠慢, 執靚個樣嚟迎戰, 局部已裝修完峻, 也得到不少C9的芳心, 猛咁話好靚。有競爭至會有進步, 我信架!

 

如果唔係有「領匯」鞭策, 要求D商戶執番靚個look, 相信好多公屋商場的舊/老商戶仲係烏啄啄, 溫水煮蛙咁俾人KO咗都仲矇盛盛。有D養尊處優咗好耐, 已經失去晒戰鬥力嘅商戶, 要佢轉變有一定困難, 與其一路陰乾, 不如快 D自己執咗佢好過咯~

 

 

杏花新城的「稻香/迎喜」新 look, 好多C9都好buy

 

「名苑酒家」已經裝修得七七八八, 好多人行過都 "裝" 吓

 

間補習社執得咁快嘅 ? 「青苗」租咗呢個位, 咁「藍灣」嗰間仲要唔要呢?

 

吓 !? 乜「上書房」都唔做嗱 ?
 

唔肯定「冒險樂園」係咪撤退, 不過就已經圍晒板, 見佢啱啱租多一個舖位, 仲以為佢好勁添