總瀏覽量

2011年7月16日 星期六

請小心看管財物

(from Yahoo Blog)
 
2011年7月16日下午5:08|公開|累積瀏覽 210
 
噚日轉載 Bittermelon嗰篇《認購 iBond奇遇記》, 但係冇時間講我嘅「閱後感」, 今日補番。我係因為同意佢所講, 銀行搞咁多野, 只係流於形式, 同埋係保障銀行多過保障銀行客戶。

你幫襯銀行, D職員會機械式地叫你呢度簽個名, 嗰度簽個名, 再喺呢度簽多一個, 諸如此類 ..., 你要幫襯就要簽, (冇理由將D錢放喺枕頭底架!) 問佢簽咁多名做乜, 佢會答你係因應監管機構嘅要求, 保障投資者吖嘛! 老實講, 我唔覺得簽多幾個名, 錄吓音就保障到我囉。實情係點? 銀行汲取了「雷曼事件」的教訓, 亡羊補牢, 要封晒客戶嘅後路, 簽晒名, 錄晒音, 冇得拗。
 
將隻產品吹到天花龍鳳嗰part又唔見佢錄低喎, 錄埋晒D保障銀行嘅乜乜聲明, 物物聲明, 而且仲會講定你知:呢D都係例行公事啫。你已經落咗叠至會幫你錄音啫, 你估佢地得閒過頭, 唔係幫襯都自己無端端搵野嚟做咩!?
 
銀行有好多 "Selling Skill Workshop" 嚟train班「sell 屎」架, 教佢地點樣湊客, 點樣sell到個客close deal, 唔好以為同個銀行職員傾多兩句, 就以為同人地好熟, 愈熟人地就愈容易入手呀!
 
仲有呀, 唔好咁天真咁傻, 以為你簽嗰D只係Standard Form咁簡單, 諗住人人都係咁簽架喇, 就好似我上次講嗰份「風險評估問卷」咁, 到銀行要同你計數時, 就 "真係一D都唔簡單呀"!! 亦有銀行唔想講得咁白, 唔再用「風險」兩個字咁礙眼, 而改叫「財務需求分析」, 小心D呀, 好蠱惑架 ~
 
 
溫馨提示:小心看管自己的財物
 
 

沒有留言:

張貼留言