個個都爭住認係「全港最貴街市」，唔通個個都係全港最貴咩

【新居屋2018】東涌項目出入靠巴士　買餸只得「全港最貴」街市 (原文)

 

 
據HK01記者王潔恩報導, 東涌將會有新居屋落成, 鄰近逸東邨, 提供約1,200個住宅單位。

該報導以《東涌項目出入靠巴士　買餸只得「全港最貴」街市》做標題, O2即刻心諗, 個個都爭住認係「全港最貴街市」, 係真唔係呀!?

工聯會砌領展, 一向都不遺餘力, 所以O2傾向相信佢地做的「18區2餸1湯指數調查」肯肯定唔會放水畀領展。

只可惜工聯會玩咗幾年, 都證明唔到領展D街市是全港最貴, 反而鋪鋪都係畀食環街市中晒, 真冇瘾。

結果呢, 持續咗幾年的2餸1湯調查被放棄, 最LAST一次的調查是2016年第4季。

  

工聯會的「18區2餸1湯指數調查」結果

 

 
逸東街市由建華承租後, 經過翻新, 於2016-08-01重開, 現稱「香港街市」, 即是話, 上述2餸1湯指數的最尾兩季是包括埋逸東街市翻新後的物價水平, 裝修完喎, 懶係靚咁, 羊毛出自羊身上噃, 咁係咪「全港最貴」先??