總瀏覽量

2017年12月12日 星期二

李兆富的「心中所想」

"我覺得如果香港人認為,任何人都是因為受了錢才會為某件事或某間公司發聲,這個現象也反映了這個城市的一種悲情。"  - 利世民


  
大姐大要造勢, 咁啱咁蹺撞正某君疑似「被恐嚇」, 大姐大乘機食住上。

入稟狀已出, 當事人不方便再講咁多野, 只好在專欄寫一些無傷大雅的「心中所想」。

文中提到『我覺得如果香港人認為,任何人都是因為受了錢才會為某件事件或某間公司發聲,這個現象也反映了這個城市的一種悲情』, 對於這點, O2極之認同。

自從2008年購入小量823開始, 之後O2才稍為留意領展這家公司, 逛屋邨商場的次數多咗, 大約1-2年後才憑Blog記事, 記下自己在領展商場遊走時的所見所聞。

經過好多好多次實地觀察後, 愈睇愈鍾意, O2逐步加碼買入823, 但這已是後話了。

寫Blog多年, 在這個虛擬世界裡, O2亦不時受到他人質疑, 一口咬定O2是「領展打手」, 收錢替領展講說話;一係就認為O2既然是823的Unitholder, 根本是為了「唱好」這隻「股票」而講野, 說到尾都是為錢而已。

某長輩教落, 佢話「海上扒龍船,岸上有人見」, O2是否單純為了一個「錢」字而寫Blog替領展說好話, 有緣來到敝Blog的朋友們大可自行解讀。

好喇, 呢筆講完, 也想說說《明報》劉進圖先生今日在「領展壟斷可一擊即破」一文中, 所提議的「一站一車一亭」。

在O2眼中, 劉生好明顯是中產階層, 佢寫字樓在柴灣明報大廈, 但係佢唔去小西灣廣場食早餐, 亦唔係去藍灣廣場食喎, 而係專登由柴灣揸架呠呠車落番西灣河鯉景灣的Soho東搵食。相對於O2呢D貼地草根來說, 感覺上有點離地, 最起碼係唔夠O2咁貼地吧。

O2真誠相信劉生的提議是出於良好意願, 而劉生所講的「一站一車一亭」又的確係不難做到, 問題是政府&/or房署做唔做, 希望劉生可以以佢媒體的力量, 推動政府&/or房署做番多D野啦。

一站 = 網購物流站 *
一車 = 流動蔬果車
一亭 = 互助茶水亭

* 其實公共屋邨已經有數之不盡的自提櫃

除了「一站一車一亭」外, 其實好似房署的油塘「大本型」商場咁, 起喺領展的「鯉魚門廣場」隔籬, 讓居民有得揀, 鍾意幫襯房署定領展, 各適其適, 自己歸邊, 咁咪大家都安安樂樂囉。

沒有留言:

張貼留言