總瀏覽量

2017年3月31日 星期五

要房署主動出賣親生仔,領展才有可能買得到

 
 
【象山邨舊物】未經領展洗禮 尋白底紅字老招牌 (蘋果原文)
 

仍然有人不明白當年房署何解要將「商業資產」打包套現。

有人天真地以為「要領展有興趣亅, 至會購入象山商場呢類舊屋邨商場, 但其實唔係話領展想買就買, 都要房署肯賣先至得㗎。

一般人唔明都算嘞, 但身為新聞從業員的記者及編輯則責無旁貸, 有責任報導/傳達事情的真確一面囉。

房署於2003年開始籌備將「商業資產」變賣, 這主動權全在房署一方。至於沽出那個商場? 保留那個商場? 全由房署單方面決定, 當時「領匯」這家公司仍未出世。

2003-07-15 行政長官會同行政會議通過分拆出售計劃 (全文)
 
那個場要賣? 那個場會留? 全由房委會決定
 
 
房署出售資產是經過「行政長官會同行政會議通過分拆出售計劃」, 之後又有盧少蘭的官司, 由終審庭裁定了房署勝訴, 多番擾攘後, 房署終於在2005-11-25將一堆殘破不堪、半生不死的屋邨商場成功套現了幾百億, 成為全港首個房地產信託基金 (REIT) 在港交所掛牌上市。

領匯, 現稱領展 (823), 是面對全世界的REIT, 已經不再是「閂埋門打仔」, 任由房署亂嚟的層面。現時仍然由房署話事的商場, 例如:象山、南山、彩虹、華富....., 當然可以由得嗰堆商場繼續殘殘破破, 養住一群但求過日辰、在正常情況下已經被淘汰的租戶, 房署有本事用公帑 (即是香港人的血汗錢) 補貼商戶, 但領展邊有咁好命水呀!!

若果袁先生稍有留意新聞時事的話, 應該有聽過TCI狙擊領匯事件吧。TCI的全名是The Children's Investment Fund或戲稱為「壞孩子基金」, 該基金曾派員入主823的董事會, 力迫當時的管理層加快改革步伐、極速追加租金至市值水平, 甚至要將823的資產拆骨, 如果未聽過的話, 可以上網search下。

雖然TCI後來已全身而退, 但若果領展現時的步伐是行得慢一㸃, 未能發揮所持資產的應有價值, 就會惹來「TCI 2.0」垂涎, 這又是香港人所樂見嗎?

鍾愛重溫昔日情懷的朋友們, 機會還是有的, 去房署旗下的舊商場找吧, 唔使急, 最緊要快, 那些舊式商場雖然逃得過被親生娘親--房署賣豬仔的厄運, 但亦有機會隨時成條邨 (包括商場) 被拆卸重建, 唔係換走白底紅字招牌咁小兒科, 而係整條邨湮沒啊, 到時就連渣到冇㗎喇!!
 
 
***
 
 
埋嚟睇、埋嚟揀:

招標公告 - 象山邨
中標個案 - 象山邨
2004年的蘋果

26 則留言:

  1. 如果慢d,我們可能有埋大本型

    回覆刪除
    回覆
    1. 唔係講房署分拆商業資產的進度,係講緊領展的改革步伐

      刪除
    2. 其實保護文物,無論領展或房署都唔應該做

      刪除
    3. 最初有諗過同當時領匯合作發展的,後來因為當時領匯形象太差,所以房署先決定自己搵人搞,結果整咗大本型呢個失敗商場

      刪除
    4. 點解大本型咁失敗

      刪除
    5. 關於買不到大本型,個人認為「塞翁失馬,焉知非福」,如果領展不是被TCI搞臭個朵,可能到依家仍然是「看守型」,做緊房署的「二世祖」,印印腳等房署pass後期興建的新商場

      正正因為房署不再賣商場,領展需要自力更生,才發展到放眼於收購私人商場、寫字樓項目及內地資產市場

      刪除
    6. 失敗有好多原因,個人覺得其中一個主要原因係搵承建商全包,由承建商搵人設計,承建果個仲要係中國建築,結果設計受承建商限制,甚至有唔少瑕疵承建商都賴係建築設計

      刪除
  2. 清拆人流極多嘅街市,這是香港人樂見嗎?

    回覆刪除
    回覆
    1. 畀你得閒發下癲,舒發下情緒,點都好過畀「TCI 2.0」狙擊

      刪除
    2. 其實呢,都要多謝房署主動出賣天耀,領展才能合併兩個街市

      刪除
  3. 當時仲細個,唔記得 TCI 最後點走? 賺夠走? 敗走? 迫走?

    回覆刪除
    回覆
    1. TCI是對冲基金,目標是在全球尋找賺錢機會,她看中823有水位,自領匯在2005年尾上市後便不斷增持,到2006年中便派員入主領匯董事會,向當時的管理層施加壓力,要求領匯極速提升資產價值,TCI之後在2009年引退,雖然不是賺大錢,但仍然是賺住走的。

      借用那句「同一件事,可以有不同看法」,如果從負面角度看,TCI入主領匯董事會期間,是小商戶最最最難頂的時候,甚麼吸血鬼/瘋狂加租/迫走小商戶的形象就是從那時開始;但從正面角度看,TCI是喚醒了領匯當時的管理層,由「看守型」轉化成「進攻型」,只是在速度上比TCI所要求的有點分別而已。

      刪除
    2. TCI入主領匯董事會期間,相信是所有人最最最難頂的時候

      刪除
  4. TCI入主領匯原本想拆骨賣場,快速提升價值,後來因社會回響太大放棄了。

    但領展最後仍是拆場售出了。

    回覆刪除
  5. 房署其實都有撞AEI的,安基商場就係好例子
    坪石佢就將部分停車位改做商舖

    回覆刪除
    回覆
    1. 其實有時都諗,點解留起安基唔賣呢

      刪除
    2. 果陣安基好殘喎,同埋印象中果陣領匯有得揀邊D場要邊D場唔要
      P.S.上面打錯字,應該係「搞」

      刪除
    3. 或者係關安基商場的洗衣店Lisa姐事,佢老公以前是房署高官,可能有份揀賣仔名單 XD

      刪除
    4. 其實個人覺得南山條件唔差,有條件做翻新

      刪除
  6. Tko gateway:美心小品在明天開業

    回覆刪除
  7. 好可惜,而家好多人只會覺得領展趕走小商戶
    寧願要殘破十室九空的商場

    回覆刪除
    回覆
    1. hk01曾訪問居於啟業邨的長毛,內容非常寫實,有興趣可以睇下,題為:【隔「離」鄰居】虛假的公屋舊情懷 長毛:走了懷念 住時想走

      刪除
  8. 樂富:美康经已開業
    海富:爭鮮即将開業

    回覆刪除