823大好友再添一員

好開心, 戰友80後東昇在《80後 東昇之投資生活》裡明志, define自己晉升為領展大好友, 真真希望東昇可以在網誌上寫多點佢由小好友變成大好友的心路歷程。

東昇說, 佢「一口氣看了十年年報，親身走了幾個大場」, Good, 貼身感受一下我們的米飯班主 (商戶) 和財神爺 (消費者) 的即場Feedback, 一定好過聽某些二三流講股佬講東講西, 同埋嗰D為Hit Rate而寫稿的所謂「新聞工作者」。

O2本身對投資不在行, 也不懂做數據分析, 自己重倉823的原動力全因領展的業務可以親身接觸到、感受到, 接收到第一手資訊, 快過嗰D所謂「股評家」和「分析員」。

至於主流媒體對領展的報導, O2也不會照單全收, 就像近日領展要賣場, 某大報又走出嚟寫文具老店不敵霸權之類的東西, 對對對, 就係講緊穗禾苑嗰單。

如果戰友們未上過呢個場, 都會傾向同情弱者, 這是人之常情。

睇番O2在2014-08-30去穗禾苑的巡視遊記, 你會發覺O2只係隔遠影下呢間文具店, 點解嘅!?
 

 

寫財經版都要用D咁嘅表達手法嚟寫, 好悲哀囉!!! (原文)

圖片來源 : 蘋果日報

 

文具店內貨品疏疏落落, 並非因為快將執笠而如此, O2上次 (2014-08-30) 行過時都係咁上下, 冇乜野賣, 一D都唔似做緊生意的舖頭 (圖片來源 : 蘋果)

   

 
話說, 當日上到歷史悠久的穗禾苑, O2當然想搵D老店嚟影下啦, 但發覺嗰間文具店入面冇乜貨, 展示出來的貨品像是道具佈景咁, 當時又有人在舖頭門前 (即商場通道上) 擺咗張長枱, 同埋易拉架, 以及多名貌似區議員樁腳的人行來行去, 間舖似是區議員辦事處多過似文具店, 始終O2是生面人, 為免誤會, 也冇謂專登走埋去影相了。

所以呢, 如果你想買823, 就一定要自己去睇多D, 唔好信晒嗰D為交稿而寫新聞的所謂「新聞工作者」, 再退一百步講, 唔想自己行的話, 咪睇O2 Blog囉, 呵呵呵!!!