總瀏覽量

2016年1月28日 星期四

順便 @興華廣場

網購已不是甚麼新鮮事物, 經已滲透到每個角落, 較早前O2首次 (2015-08-05) 在鯉魚門廣場門口發現了HOP!的Locker時, 仲懶咁出奇咁, 冇幾耐就四圍都見到不同字號的Parcel Locker出現, 甚至連洗衣公司也利用智能儲物櫃作交收。

網絡改變了人類的生活模式, 買餸都可以唔使落街, 今晚要劏雞還神。
 
   
興華廣場的順便SF Parcel Locker即將投入服務

位置在民華餐廳 (101-102號舖) 側
  
  
轉個話題, O2曾經是生果報的忠實讀者, 但近呢幾年, O2對生果報的支持度今非昔比, 以副刊為例, 改版為果籽後, 老是sell懷舊, 總是將舊東西捧到上天, 看得人也膩了, 强烈地感受到小記者們「為賦新詞強說愁」的味道。
 

  
生意各有各做 (生果報也是一盤生意, 要追求銷量、要追逐Hit Rate), O2冇打算批評生果報, 只係忽然有感而發, 事關今日見到這個走了樣的懷舊包裝, 有點"UN"眼而已

~~~
 
2016-04-05
 
2016-04-05
 

45 則留言:

  1. 唔係個個都識網上買餸架!
    所以傳統街市係有保留既需要

    回覆刪除
    回覆
    1. 1.請勿睇小長者,大把人識上網
      2.網上買餸,現時以維基做得最多,不是領展,你唔好亂咁吠

      刪除
    2. 大把長者識上網, 但有好多人都唔識上網

      //領展正研究於天盛街市推出多項全港街市首創的服務,例如為迎合居民下班後買餸的需要,特別與物流公司合作,提供網上落單買餸的「順嫂」服務,方便市民下班後到街市領取已預訂的餸菜。

      仲有盧炳松話要摺埋D 街市
      //盧炳松表示,相信即使少了街市,市民仍有其他渠道買餸:「現在已經有很多地方,有不同的渠道甚至有網購。

      有網購唔代表要關閉街市囉!

      刪除
    3. 該服務係方便在職的居民,請勿混淆視聽

      刪除
    4. 咁盧炳松講咩嘢少咗街市都仲可以網購?

      關閉街市前應該大規模諮詢當區居民(喺屋邨做問卷, 一戶一問卷, 落區問下街坊), 而唔係領展一意孤行話關閉就關閉.. 你有私有產權又點? 居民先係主角, 先係使用者

      刪除
    5. 咁你地嗰份「7成人反對」的問卷,係咪一戶一問卷?

      刪除
    6. 係領展話要關閉, 問卷緊係領展做
      點解本來由領展要做既工作, 要交由民間組織做

      唔係民間組織提出要關閉喎

      刪除
    7. 作者已經移除這則留言。

      刪除
    8. 仲有, 領展話做過市場調查, 佢同向邊D人做? 完全無向公眾或者地區居民交待.

      民間組織做問卷都有話你聽向邊D人做啦

      刪除
    9. 其實好簡單,只要新改動不乎合市民需要,消費者就唔會幫襯,領展放咗咁多錢落去,一定蝕死佢,你咪放長雙眼睇佢點死囉

      刪除
    10. 咩叫做不乎合市民需要? 而家關閉街市係影響居民生活, 居民有得揀唔買餸嗎? 餸一定要買, 就要被逼去其他街市買。

      所以關閉街市前一定要諮詢當區居民

      刪除
    11. 你們關注組的fb專頁有位小晴天,佢叫你地去蛇口買野、理髮,好抵喎,仲教埋你搭咩車添

      刪除
  2. 仲有, 懷舊嘢有咩問題? 好多事物其實無因為時代變遷而取代
    只係大財團過份sell 包裝

    例如文具店, 玩具店一直有需求, 但領展嫌人哋老土, 裝修唔靚, 逐步由精品店取代... 但呢個年代唔通買玩具都要去百貨公司先有?
    屋邨就唔可以買玩具

    回覆刪除
    回覆
    1. 你去問下文具玩具店老闆,是誰迫佢地賣精品

      刪除
    2. 仲有,你鍾意懷舊,請隨便,但你唔可以叫所有人陪你

      刪除
    3. 懷舊唔使人陪, 但唔需要逼人裝修得靚囉

      裝修唔靚, 但做到生意, 俾到$領展駛點解又唔得? 要俾領展指指點點?

      刪除
    4. 唔裝修唔得,因為成個商場是有規定形象的,你入來領展開檔就要跟規則辦

      刪除
    5. Chi HO Fung, 唔係個個都好似你咁天天要懷舊,日日戀舊物,正常的消費者好現實,舖面糟糕的舖頭好趕客

      刪除
    6. https://www.facebook.com/DialogTSW/photos/a.398589080345290.1073741828.332463703624495/410924015778463/?type=1&theater

      我覺得好似呢幅圖咁先係好
      一式一樣既商場, 你唔怕厭咩?

      香港好多本土特色都俾領展破壞咗, 而呢D破壞講唔上係時代既需要

      刪除
    7. grassroot, 你去下多D 舊區, 好似天水圍新北江商場, 裝修唔靚, 但一定多人過領展商場..

      又話者赤柱市集係多人行過赤柱廣場囉...
      赤柱市集裝修一定無赤柱廣場咁靚

      刪除
    8. 你很獨裁,要你覺得好先至係好

      刪除
    9. 你話唔裝修就趕客嘛, 赤柱市集都無咩裝修, 一樣好多人幫襯

      刪除
    10. 咁咪好囉,你鍾意新北江,鍾意赤柱市集,你咪行飽佢囉,仲有乜野好嘈

      刪除
    11. 問題係領展將好多商場華麗化, 令商場單一化, 小商戶營運少咗

      刪除
    12. 都係嗰句,領展係做緊D乎合市場需要嘅野,如果居民唔受的話,領展自然會蝕到攤攤腰,你咪放長雙眼,睇佢點死囉

      刪除
    13. 問題係居民有無得揀先.... ? 你開金舖有錢收租有錢賺, 食個晚餐要$60-70, 即使領展有錢賺, 唔反映到市民真正需要....

      消費得起既街坊係代表唔到 消費力低既人喎
      開晒貴價餐廳有人幫襯又如何? 窮人選擇只有少咗

      刪除
    14. 平貴都有,range更廣,才是有選擇,請勿以偏概全

      刪除
    15. 你話?當出面仲有廿幾蚊飯嘅時候,領展商場仲有廿幾蚊飯食?商場(唔計街市)有好多連鎖店喎!

      刪除
    16. 舉第二個例,觀塘廣場同apm都係觀塘站一步之遙,觀塘廣場可以容納更多小店,更多小食店(雖然都有兩三間連鎖店),佢哋都一樣無華麗裝修,但人流不絕。以前屋邨商場都係咁嘅格局,所以即使時代變,舊式商場仍然有好多支持者,亦都唔見有吉舖。

      一個港鐵沿線附近都做到基層商場,點解領展唔試下唔好限制商舖點裝修?咁樣可以做好公關形象

      刪除
    17. 1.你呢排猛咁叫領展做好公關形象,唔明你點解,都話咗只要有你D咁嘅人存在,無論做咩公關也是枉然啦
      2.O2經常都幫襯連鎖店,真係唔覺得連鎖店有咩問題
      3.觀塘廣場賣散咗,同新北江一樣,冇單一大業主,於是乎合你心水,所以呢,領展早前賣走部分商場,畀其他人發揮,這決策是正確的

      刪除
    18. Chi HO Fung, O2在網絡世界與你交流了幾年,多多少少都了解到你一丁點,你喜歡的新北江、觀塘廣場、葵涌廣場,都是差不多的類型,恕O2大膽講句,就算你嗌破喉嚨,領展場都唔會改到好似嗰D場咁樣,始終領展場係做一家大細的生意,有老有嫩,係要走大眾化路線

      刪除
    19. 新北江商場唔夠大眾化,唔啱一家大細咩?

      刪除
    20. 你會拖住父母及祖父母行新北江嗎?

      維基這樣形容新北江:商場內的通道十分狹窄、並且放滿雜物,部分食店的環境衛生堪憂。商場的品流複雜亦造成區內的青少年及童黨問題。到了2012年,在欠缺監管下,業主更在入口通道範圍設置多個檔位,使場內的通道更狹窄,形成安全隱憂。

      刪除
    21. 品流複雜? 你又離地淨係上網唔落去街
      個商場好多一家大細去喎

      同埋我既意思係領展可以參考下佢哋既格局, 唔使華麗既裝修一樣可以好多人幫襯

      其實當有一個人反對領展,可能是那一個人的問題,但當有好多人討厭領展,領展應該好好反省,到底自己錯咗喺邊

      刪除
    22. 咸魚白菜各有所愛,O2就係唔打算以自己的主觀印象來批評你心儀的新北江,所以才引用維基,這不等如O2未去過新北江

      刪除
    23. 當有相當嘅人反對領展,唔該領展管理層反思

      一式一樣,倒模式嘅商場,真係市民要嘅咩?

      因為領展咁多商場,部份可以考慮用紅磡廣場、觀塘廣場、葵涌廣場嘅格局經營,一樣可以有好多人流。記住,市民先係用家,股東未必係用家

      刪除
    24. 謝謝你的意見,O2既是用家,也是股東

      刪除
    25. 幫索馬里海盜就業既木村講過: 「做生意不能只顧眼前利益、不能只想賺錢。必須先想清楚如何讓客人高興、客人要求的又是什麼,再依照這些答案去規劃,這才叫『做生意』。」

      刪除
    26. 同意,O2希望你不是文抄公,而是真正領略到箇中道理

      刪除
  3. 作者已經移除這則留言。

    回覆刪除
  4. 屯門 蝴蝶廣場
    2/F R211-R213 759阿信屋 現已開幕
    2/F R214-R215 759 Kawaiiland 現已開幕

    回覆刪除
  5. 沙田禾輋廣場AEI update
    3樓圍板己拆 仍未能進入
    暫時見到間左4間鋪
    有更大面積仍在裝修 有另一圍板封閉

    回覆刪除
  6. 頌富:italian tomato cafe 經已開業,滿記及上海姥姥即將開業
    天盛:聖安娜经已開業Joyful electric 及大新銀行即将開業

    回覆刪除
  7. 黃大仙中心 北館
    Pizza Hut 將於3月上旬進駐

    回覆刪除