領匯Ｎ宗罪 專恰小商戶 招攬大集團

緊接尋日的《有人學領匯，證明領匯做對了》。

 

要數領匯的衰野, 真係3日3夜都數唔晒, 其中一宗罪就係, 領匯鍾意招攬大集團, 專恰小商戶, 將D屋邨商場搞到懶高級咁, 即所謂的「村姑扮上菜」呢。

 

事實上, 領匯D咁嘅所作所為, 根本就係秉承房委會的傳統。

 

信手拈來幾個實例：

 

油塘　　大本型　　　SU-PA-DE-PA

將軍澳　厚德商場　　八佰伴

橫頭磡　樂富中心　　吉之島

慈雲山　慈雲山中心　吉之島

沙田　　禾輋商場　　吉利市

沙田　　瀝源商場　　瑞榮大市場

 

 

 

房委會開頭話唔想將大本型租畀大公司, 不過最終都係開咗間「先施+百佳」的SU-PA-DE-PA

 

房委會曾經將厚德商場租畀「八佰伴」

 

樂富曾經有「吉之島」

 

慈雲山都曾經有「吉之島」

 

再歷史悠久D, 瀝源曾經有間「瑞榮大市場」。要上歷史堂, 香港舊時的4大百貨公司包括有先施、永安、大新、瑞興, 而瑞榮就係瑞興百貨的副線。