總瀏覽量

2014年12月10日 星期三

O2唔舒服

在Yahoo Blog玩咗一陣子, 冷不防Yahoo Blog突然宣布執笠, O2匆匆搬到嚟呢度, 轉眼已1年有多了。

從一開始, O2已抱著遊戲人間的心態寫blog, 以文字記低生活事, 有時寫吓自己野, 有時copy吓報紙, 留番腦退化後慢慢翻閱, 後來才漸漸加一兩張照片襯托, 這對於電腦盲的O2已經是一個大躍進。

回顧過往經驗, 當O2出「非巡視業務」的博文時, 就好似在一個自閉空間裡自言自語, 冇人會睬我的, 但O2依然自得其樂 (作嘔D都要講:O2唔係職業blogger, 寫blog但求自己過癮, 並公諸同好, 絕非為名為利, 都不知幾高尚! 哈哈!!)。不過到記錄巡視活動時, 反應卻相對熱烈 (留意番, 只係相對咋), 就因為咁, 信奉「市場主義」的O2就逐漸將博文內容偏重了823的相關資訊。

資深blog友可能仲會記得, O2在Yahoo Blog時的heading係「變幻原是永恆」, 這正是O2當初寫blog的原意, 希望記錄低周遭的變化 (O2雖然學習新事物比年輕人慢幾拍, 但仍然認為新舊交替是理所當然的)。

到了blogspot後, 不避嫌地改成家陣的「Grassroots O2 - 與領匯同一陣線的草根」, 當時已預咗要與領匯共榮共辱, 紮好馬畀人插。

各位都知, O2最怕寫千字長文, 今日之所以破戒, 皆因早幾日瀏覽某交流網站時, 見到有人話自己:「果個領匯fans網誌先好笑,自稱草根,實質咪又係揸住股票既既得利益者」, O2有D嬲嬲地, 心諗:有乜咁好笑!?

當時有一道氣湧上心頭, 唔多舒服, 於是立刻登記做會員, 想邀請那位仁兄多點了解草根O2。

好可惜, 該網站非常嚴謹, O2的status成日都係「審批中」, 等咗咁多日, O2已經下咗道氣, 唔想再回應佢咯。

 
***
 
 
 

19 則留言:

  1. 睇題目以為你病左,原來為草根2個字勞氣,其實邊個話草根唔可以揸領匯,今個星期一領匯入恆指開始,全港大部份供MPF嘅打工仔,好多都立即間接持有領匯(因很多被動基金都必須持有),所以全世界個個都係既得利益者

    回覆刪除
    回覆
    1. 「其實邊個話草根唔可以揸領匯」這就是問題所在,O2從來都唔覺得呢2個身份有抵觸囉!

      刪除
    2. 我都以為02兄病左,好在原来系有度氣chok住,小事啦。有啲人可能認草根系無錢買股票,就算買一股都吾得,02大方啲,吾好上心,留番精神做有益事好過啦!另一方面,823已经比较少左俾人鬧,公关有改進。

      刪除
    3. 鬧領匯唔緊要,預咗
      不過佢笑我個blog,O2唔開心,但係出完氣之後,已經放低咗了 :-)

      刪除
    4. 感謝你的內心分享! 草根只係形容相對成個社會較少收入的一群, 草根們本絶對有自由通過自身的努力而往上走。

      親愛的O2兄, 請不要原諒取笑你付出努力的人, 應當同情和嘗試開導他們。無視他們改善不了任何東西, 但當你解釋你立場時, 你會是第一個聽到的, 你也會即時受惠。不竟你只可以為他人指出你認為正確的道路, 但你卻不能為他們而行。他們能否從了解你的立場而增長智慧, 就要看他們的造化了。和笑點高低一樣, 這都不是你能控制的。

      刪除
    5. 多謝你的鼓勵,好有深度,O2睇完再睇,吸收裡面的精華。正如你所講,O2從不打算反駁那位仁兄,只係想邀請佢多點認識O2,可惜吖,該交流網站唔受我玩,事件只好告吹,就當我同佢無緣吧。
      (Henry哥,你那句"親愛的O2兄"的稱呼,令O2好冧呀!)

      刪除
    6. 人地話現代英文唔用 Dear O2 ,話老土 out out 地,老土你都受牙

      刪除
    7. 「潮」呢家野, 已經離開O2好遠好遠, out out 地, 老老土土至襯我 =.="

      刪除
    8. 現代人在淘寶興講單字一個:親
      例如:親,有木有付款?

      刪除
  2. 點解今日留言唔使入確認密碼咁方便,以前打英文字,睇到眼突,數字就好D

    回覆刪除
    回覆
    1. 係咩?唔知呀,我冇改過setting喎

      刪除
    2. 試過打左一大堆野, 之後要入睇到眼突的英文字, 入完之後唔見晒我打堆野囉... 宜家好好多!

      刪除
    3. 咁你以後可以放心打一大堆野回應O2了 :D

      刪除
    4. 經一事長一智... 我以後按發佈之前都先ctrl + c 一下先, 咁消失左都可以即刻再PASTE過

      刪除
    5. 有時左度右度思前想後,跟住按制,然後消失的密室,真係想死,ctrl+c真係唔小得

      刪除
  3. 把口生喺人地度都無法,但證明你個blog多人睇,相信大家睇到o2嘅努力,係真心想823好

    回覆刪除
    回覆
    1. 多謝你留言鼓勵!!

      O2講咗出嚟,消消氣,依家條氣已經順番晒。正如你話齋,O2是真心認同領匯的理念,衷心想領匯好的。

      或許有人會將O2定性為見錢開眼的股民,又或者係因823股價上升而受惠的既有利益者,更甚至乎係領匯打手,刻意唱好,唔緊要,清者自清。

      容許O2再講多少少,領匯於2005年上市,幾年後O2才開始儲823。當日買823時,但求收息,而唔係一心想發達。收息股多的是,點解要揀823?理由好簡單,就係因為觀察到屋企附近幾個公屋商場有所改善,因此感覺到領匯走對了路。

      領匯上市前,乜野衰野都冇做過,但已經揹住好多負評。到TCI成為單一大股東,因步伐太急進,而搞到領匯個名臭到冤。雖然TCI已引退多年,領匯的改革步伐已重投正軌,但好多人仍然一嚿雲,仲係戴緊舊嗰副有色眼鏡看領匯,尤其是嗰D少去屋邨商場的人,瞎子摸象,睇幾段媒體報導就以為得天下。民情如此,O2估計要再過一大段時間,佢地至會領會到領匯係好野囉。

      刪除