敝Blog有位小朋友讀者, 成日好似冤鬼咁, 整天嚷著甚麼「集體回憶」, 嗡嗡嗡的在耳邊叫, 令人煩透了。
O2一把年紀, 回憶定必比小朋友多, 但O2絕對明白甚麼叫做「新陳代謝」、「與時並進」。過去便是過去, 正所謂「舊嘅唔去, 新嘅唔嚟」；回憶就是回憶, 過去了才稱得上回憶。
曾在此Blog說過舊式的小街市在現今的消費模式, 要尋找生存空間是困難的, 轉型是其出路之一。
我們的「集體回憶」super icon——譚玉瑛姐姐也轉型了, 你還停留在幾十年前的時間與空間嗎?
說到底, 一樣米養百樣人, 有人喜歡抱殘守缺, 也有人熱衷於轉變, 各人取態不同, 沒分甚麼對與錯, 你走你的陽關道, 我過我的獨木橋。
O2好低層次, 在此虛擬空間裡寫Blog只求自娛, 沒有你那麼高尚的情操, 請不要再煩我!
我也總覺得回憶不能當飯食，社會最重要的功能是讓個個都有飽飯食，生存以外的東西都是其次。如果為了回憶而令到社會運作的效率降低，不能夠好好利用現有的資源，那受害的一定是一班市民。
回覆刪除（如果有人說領匯又如何受惠市民，那請他看看現在多少阿公阿婆靠領匯股息食飯再講）
回憶是要保留，不過亦要適可宜止。難道話想保留香港過往漁村的風味，而將香港推倒重來嗎？
所以非常支持 O2兄的看法，一點都唔覺得係低層次！領匯加油！
1. O2兄開始有火了, 證明還老當益壯, 寶刀未老, 各位領匯fans請為O2兄打氣.
回覆刪除2. O2兄今個星期有多件優質作品發表, 證明他能將煩惱化為巡場動力, 各位領匯fans我們亦應多報料為他分憂.
其實重有好多回憶，例如小弟以前住在彩园，在彩珠楼地下一半以上鋪头都是由1982年入伙做生意到今天。吾知外面非业主經營的鋪头有幾多可以連做32年？彩园系个重点商埸，但业主还是可以俾小家庭生意長期生存，用來雪汽水啤酒既水柜好多小朋友都未見過。例好永記辦館，个名已好經典，整个鋪裝飾32年無变過。有些公益事情領匯做左，例如特平租俾教育，慈善，捐款，赞助社区活動，但吾会有人出声贊你。
回覆刪除大家不必介意有不同觀点，其實可以触發反面思考。又例如置富產业可以為多收拾萬捌萬月租，把長期租户幼稚园趕走，业主有無想過背后几百个學生及家長处景呢？商铺同學校不应該以相同商业考虑續租條件，对吗？
02，加油，我撑你！
往事只能回味，歌都有得唱啦！
回覆刪除領匯在天盛(如果無錯的話)應該有一間六個課室的幼稚園吉咗係度, 加埋天慈5,887sq.ft.之吉舖, 如果領匯的話事人夠專注於香港之業務的話, 幼稚園結業之事件為千載難逢的良機, 領匯的話事人如果辦事的熱情有像O2兄身內所發出之一團火一樣熱度的話, 只要稍為發功, 全世界都會讚好, 以後的政棍都幾難埋身.
回覆刪除結論1. 領匯有做善事, 但手法不高明, 行事鵪鶉. 受益機構無感激之心, 老馮一樣.
2. 置富產業之趙大俠又攞錢又攞彩, 高手也.
謝謝各位對O2的認同！
回覆刪除也許O2再說多一點點，其實O2並不介意別人保留回憶，小朋友大可留起自己用過的奶樽、幼兒班的畫作、兒時的玩具、小中大學的獎狀......等等，在不滋擾別人的大前題下盡情回憶。佢屋企可以永世唔換梳化、唔換電視，保留回憶，自己的東西自己話事，冇人會干預，但絕對唔可以將個人情懷加諸於別人身上囉！
多月以來，各位有目共睹，O2自問對這位小朋友的態度是包容的，可是小朋友冥頑不靈，O2被打擾雅興多時，煩厭到極，容忍也有個限度，發此宣言乃逼不得已。
由始至終，O2堅持著一個基本原則，就是「集體回憶」絕不可凌駕於「私有產權」，講晒。
對的，好像說海富街市轉型超市需公眾咨詢，均是瘋語，完全把公產跟私產分不清，如真需要集體回憶，請自行拍照起Blog留念
回覆刪除1.小朋友鑽進了牛角尖，又何必與他斤斤計較呢？所以每次佢嚷著甚麼「公眾諮詢」時，O2都費事睬佢
刪除2.早勸你唔好再撩小朋友，佢唔受得刺激，又撒野了，看看下面，出現了千字長文，O2暈倒了 @@
為何不可以公眾諮詢? 街市不是領匯/領展, 是海富苑居民的街市? 領匯/領展知道海富苑居民要甚麼嗎?
刪除貿然將街市變超市, 你有想過窮人生活嗎?
私產又點? 你咁講就好似日軍侵華咁, 想點就點, 不理百姓死活。咪搞到樂富有個商戶自殺囉!
因為領匯/展 既私產, 令到邨民受害, 唔通唔出聲要啞忍?
暈了，翻新街市，在抗日70週年放假前夕，變成了抗日戰爭，日軍侵華，再往前推應是匈奴人五胡亂華了，到底是誰思覺失調？
刪除相隔１年零４個月，又發作了！！
刪除致Chi HO大爺，
謝謝你咁睇得起O2，不厭其煩在敝blog留言。
O2一再重申：政府部門做的叫「公眾諮詢」；而領展所做的是「市場調查」。希望你有朝一日能參透出兩者的分別，幸甚！
「物競天擇、適者生存」原是生物的生存法則,無人可阻擋。
回覆刪除但是, 有很多生物及生態就是人類文明出現後遭到滅絕或破壞。難道人類因為比大象強,就可以任意殺戳嗎? 人類一直比植物強, 就可以任意砍伐嗎? 我們不可以因為人類比動植物強, 就可以任意妄為. 否則生態平衡出了亂子。
領匯本身不是自然產物, 而是政府把公屋的街市、商場、停車場等資產售給這個沒有經招標程序的公司。但是享用這些設施原本就是給屋邨居民。如果這些設施因為轉手而屋邨居民不能享用, 就會有反對聲音。
誰說街市不合事宜? 領匯過往有個手法, 就是在先透過加租, 把部份不能繳交昂貴租金的租戶. 或不願把加幅轉家給消費者的租戶請離開, 寧把檔位刁空, 也不以便宜租金租出去, 這樣, 就可給人一個理由, 就是出租率不足。因為攤檔減少, 人口減少。在適當時候, 領匯就說沒有太多人光顧街市, 就把陰乾了的街市關閉, 轉作有利可圖的商場或租給連鎖超市。
你說, 這是人為破壞, 還是街市不適應自然定律。過往能經營, 但被人加租, 就是被淘汰的理由嗎?
另外, 領匯接管了屋邨商場街市, 但要做資產提升時, 就毫不諮詢邨民或公眾意見, 就會得到使用者的反對。沒錯, 按道理, 領匯做任何翻新工程是毋須諮詢公眾, 但是, 在情上, 如果做多些諮詢公眾的工作, 就可令多些市民受落。
為甚麼領匯開個facebook 會被人圍攻? 領匯做些甚麼就給傳媒攻擊? 是領匯本身有問題, 還是傳媒有問題?
早說過O2有個老毛病，遇到千字長文會暈佗佗，呢段留言分明是大整蠱啦。
刪除Chi Ho仔，原本只打算以「謝謝你的留言」幾隻字來打發你，諗諗下，又覺得你有可塑性，加上全文是用自己的文字寫出來，好歹也有幾分誠意，O2只好啪一粒暈浪丸，死頂，勉強儲足能量來回一回你！
要回你這篇長文也說來話長...
話說，97亞洲金融風暴時（你可能還在求學時期），當時經濟低迷，股市跌、樓市跌、裁員減薪、公司執笠....等等，無日無之，揾食艱難，日子一點也不好過，這樣的蕭條日子持續了好幾年，完全看不到翻身的迹象，人人苦口苦面，樓價賤過地底泥，負資產、銀主盤多的是，物賤鬥窮人，平一平都冇人敢買樓。
後來政府宣布停建居屋，減低樓宇供應量，但出售居屋是房署的重要收入來源啊！要管理及維修幾十萬戶公屋，在在需財，怎麼辦？怎麼辦？
解決辦法唔係「開源」就係「節流」。
開源啦，向公屋戶加租，收回成本咪得囉！作死咩？依家咁好環境，人人有工做，加租都畀人鬧啦，更何況當年個個都水深火熱呢？
咁節流囉，房署推出「肥雞餐」利誘一群房署職工提早退休，再自組公司來承接房署工程，力圖瘦身。
咁都唔慳得幾多咋喎，香港經濟又一路都冇起色，咁點算呀！點算呀！正所謂屋漏兼逢連夜雨，2003年的世紀疫症，你應該有印象吧！冇人敢出街，全港彷如死城，唯獨是賣口罩同漂白水的最好生意。
身陷愈窮愈見鬼的大時代，房署只好賣家當了。房署將一堆商場+街市+停車場打包套現（你可能要惡補一下這方面的財務知識，因為唔係你所想的甚麼公開招標）。那堆商業資產就如此這般的被房署分拆了出來，而成為之後的領匯（這是先後及主動權的問題，係房署主動成立領匯，而唔係先有咗領匯呢間公司，然後去買商場。希望你睇得明。）
至於街市檔的存亡，你可以去問一問檔主們，超級市場自70-80年代開始流行後，對他們的生意有沒有影響，便知分曉。
說到公眾諮詢，房署出賣天耀商場時，有向你諮詢嗎？應該賣天恩、留天耀嘛！咁咪唔使搞到你人都癲囉。哎呀，賣天耀商場咁大件事，房署都唔諮詢你呀，太無情無義了。
O2雖然是領匯的粉絲，但還是理性的，我也覺得《尋老味》事件的處理手法有不善之處，領匯亦因此上了重要的一課。死者已矣，來者可追，這次的經驗極之寶貴。
至於你問到是傳媒的錯嗎？O2覺得某程度上是，但某程度則否。在O2眼中，跑前線的記者大都是初出茅廬的小朋友，有著80-90後的特性，我對他們寫的東西，不會照單全收。況且在商言商，辦報也是一盤生意，小記者都係打份工，要老總收貨，要迎合讀者口味，將故事寫得煽情點，爭取市場，無可厚非，但讀者本身也應要有基本的分析力。
這篇千字長文寫到呢度，暈浪丸的效力漸漸散去，又有點暈佗佗喇，O2也要收筆了。Chi Ho仔，下次唔好再寫咁長，拜託晒！
(1) 沒有經招標程序 : IPO公開發售是比公開招標，更公開，更公平，因為人人可買，你我他一萬幾千都有交易
回覆刪除(2) 因為轉手而屋邨居民不能享用 : 領匯商場並沒有限制特定顧客人群，所有人都可享用
(3) 關閉街市轉租給連鎖店：大方向也，容易收租，容易規範，可套餐租務，帶活小場，有何錯，全世界如是，房署也如是，為什麼不鬧大本型
畀D時間佢消化下先啦！
刪除Link仔只會寫短文，萬語千言唯有靠O2了 :D
回覆刪除要靠啪丸去寫長文，此風不可長，可一不可再 =.=
刪除支持草根02，也受你啟發假期去巡領匯場。
回覆刪除多謝，多謝，歡迎分享你在領匯場的所見所聞 ^^
刪除回憶可以適當保留，但也要有一些新事物架；O2，我支持你，以後你要多寫文章！領匯其實並唔係錯晒嘅！題外話:嗰位小朋友係邊個呀！？有冇地址睇嗰個小朋友嘅Blog！？
回覆刪除多謝支持！
刪除係講緊上面發千字長文的朋友仔。
不平等條約領匯踢走小商戶
回覆刪除http://orientaldaily.on.cc/cnt/news/20140429/00196_001.html
領匯賺錢重要, 但要市民捱貴餸, 魚肉百姓, 推高通漲就唔好啦
雖然有人消費力高, 但消費力無咁高既人, 係咪有得佢地餓死?
《東方》將呢段野放在「投訴版」而唔係「港聞版」，成件事即刻downgrade晒，即是《東方》都覺得冇新聞價值。
刪除Chi Ho仔，你可以$1,500食一餐，我唔覺得你係「消費力無咁高既人」囉！貧與富是相對的，O2從來都唔認為公屋人算好窮，比起未上到樓的劏房戶，我地D屋租平到離晒大譜，恨死好多人，所以我地公屋人的可支配收入（Disposable Income）絕對唔輸蝕。大個仔喇，係時候學下感恩了。
根據工聯會的最新調查，食環署的香港仔街市才是全港最貴，「領匯街市賣貴野」的說法已經唔入流，你要update下。（數字人生 之 領匯跑輸了：http://o2and00823.blogspot.hk/2014/03/blog-post_25.html）
據《東方》所講，街坊曾小姐依家都成日去元朗買餸，即是話天瑞街市裝修後，就算加到100蚊一隻雞蛋都影響唔到佢啦！
通貨膨脹？「最低工資」會直接推高通脹，你唔好加人工吖！最低工資搞到D有能力做野的長者冇工做（本來茶餐廳阿伯以時薪$20送外賣，還可以投入勞動市場，實施最低工資之後冇人請；原本月薪$5,000的單幢樓看更阿伯，有咗最低工資之後被淘汰），想買野食都冇錢，咁同想餓死佢地冇乜分別？
最後，謝謝你的通知，天瑞加租，即是領匯可以增加派息，我要趕住去入多幾手823呀，賺到錢，跟住要去領匯街市斬料加餸，好忙呀，拜拜喇！
呢單只係外判商的問題，唔應該入領匯數
刪除冇所謂啦，承包商處理不善，係領匯錯！
刪除小商戶經營不善，係領匯錯！
。。。。。，係領匯錯！
。。。。。，都係領匯錯！
無論如何，領匯都要硬食。做得823股東，冇得斤斤計較，一定要有這方面的氣量，否則好難坐得穩。