總瀏覽量

2014年4月15日 星期二

109,700*個單位以外的823月供寶盒 @2014-04

見人地D網絡潮文改個水蛇春咁長的標題, O2也扮晒野。

資深blog友都知道O2已經將手頭上的109,700個823基金單位, 盡地一煲地提取成實物股票。因為某些前述原因, O2在機緣巧合之下開始了一個823月供股票計劃, 繼續增持823。

不知不覺, 這個月供計劃已經行到第4個月。剛收到銀行的statement, 現在就來一個中期結算吧。

 
買入價 買入單位
2014-01-13 35.60 280
2014-02-11 35.40 281
2014-03-11 35.90 277
2014-04-11 37.95 262
 

單位總數量:1,100 units
平均買入價:$36.184
今日收市價:$38.05
賬面賺/蝕:+$2,052.40


(溫馨提示:109,700乃由Link仔哥虛構出來的數字,切勿當真)


***
 
 
2013-12-05舊文:終於與領匯長相廝守了
2013-12-17舊文:月供股票計劃
2014-01-16舊文:心動
 

42 則留言:

  1. 我呢幾日比個自以為跨國企業大哂既公司玩到死,完全冇哂mood,貼左系地上。 原本唔想講嘢,但見到O2講大話,我即刻彈起身爆O2身家,根據我天羅地網雲瑞資料顯示,O2的823持股量報小了一個0,正確實股是1,097,000
    講完,心情放鬆了一點....

    回覆刪除
    回覆
    1. OK,最緊要開心,咁我改番...
      (註:1,097,000乃由Link仔哥虛構出來的數字,切勿當真 x 10)

      刪除
  2. 查實寫少左至少兩个零!不過02吾想甘扬,费事俾人話系幕後話事人呀!~_~

    回覆刪除
    回覆
    1. 畀幾位自己友連環玩,既無奈,但開心。

      各位太抬舉了,見你地愈講愈大,O2死死地氣篤下個計數機,睇下究竟即是等如幾多錢啦,嘩,原來109,700股加多兩個0即是4億幾銀,嚇死我,真係有4億銀的話,Grassroots O2呢個爛鬼blog都要收檔啦,仲使乜再做草根,日日行屋邨商場,走去酒店歎English Tea,狂加10個茶包都得啦 ^^'

      刪除
  3. 02你個823月供寶盒夠唔夠大?遲些裝唔晒的823股票,我建議你去日本城買個大些的。

    回覆刪除
    回覆
    1. 好的,好的,我接納你的意見,我會去領匯場內的日本城揀定個最大size的膠箱 :D

      刪除
  4. 利益申報: 小弟無持有領匯基金單位5%或以上之權益, 故無申報為重大基金單位持有人... (我希望我講緊大話)

    回覆刪除
    回覆
    1. 講呢個大話的門檻很高,O2也恨不得有此資格 =.=

      刪除
  5. 好緊張呀,等多1個月又有業積,又有得主動場內增持喇,我個領匯份額又大左0.0...01% :-)

    回覆刪除
    回覆
    1. 我都要去日本城揀定個大D的膠箱先 :P

      刪除
  6. 領匯10商場 破天荒部署放售

    市場消息指,持有本港182個物業的領匯房產基金(00823),已委託測量師行,部署放售旗下多達10個商場物業,若屬實將是領匯破天荒放售物業。

    商場價值高 回報穩

    商舖物業受市場重視,惟大型商場罕有放售。據地產界人士透露,於本港持有最多商場物業的領匯,近月積極與外資測量師行商討,部署放售旗下個別商場物業,預計涉及5至10個商場,分布於港島筲箕灣等。據知情人士透露,領匯仍在研究適合放售項目,故正式放售的名單料在下周進一步確認。自從領匯上市後,多年來只有零星收購,從未沽出任何物業,今次料首度正式啟動出售動作。

    領匯旗下商場物業分布港九新界,多鄰近大型屋苑,消費群集中,因此商場價值高,回報率穩定,故相信若放售物業,本港發展商、外資基金等亦有意競投。其中一間外資基金,過去兩年曾在港投資商場物業,該基金負責人證實,已收到測量師行的相關物業資料並研究收購,惟表示資料較為敏感,不願透露涉及商場項目。

    回覆刪除
    回覆
    1. 雖然好耐之前領匯已經講過會賣野,但係睇完呢段新聞之後,個心仍然係有D唔捨得,希望佢係搵到好貨,想套現換馬啦!

      刪除
    2. 如果真係有好機會換好貨,俗語「賣仔莫摸頭,摸頭眼淚流」忍痛捨棄一樣心頭之好,就要把心一狠放手,不要依依不捨,再三摸撫話別,徒惹傷心

      刪除
    3. 我都知係「賣仔莫摸頭」,到時賣到好價,我會拍爛手掌添 ^^

      刪除
  7. 《星島》話領匯以暗標形式放售五個商場,當中包括香港仔華貴商場,其他物業分別位於筲箕灣、深水埗、藍田及葵涌,估值合共25億元。

    回覆刪除
    回覆
    1. 筲箕灣 -- 耀東?
      藍田 -- 廣田/平田?
      深水埗葵涌估唔倒

      刪除
    2. 我最想係賣走興田商場 ><'

      刪除
    3. 千析唔好賣啟田,個場有得救

      刪除
    4. 啟田係會生金蛋的鵝,唔賣得;我唔鍾意興田,一於賣走佢啦!

      刪除
    5. 我都估会系興田,賣走系好事,费事俾人話823吾理个場,前幾年曾有人抗議過。呢个糸過去蕪存青過程,旗下十大应絕对不会賣走的。

      刪除
    6. 當大家睇完O2的《巡視業務.領匯.興田商場 @2013-11-16》,就明白我點解咁想賣走佢:
      http://o2and00823.blogspot.hk/2013/11/2013-11-16.html

      刪除
    7. 深水埗地胆話李鄭屋之可能性甚高.

      刪除
    8. SSP区內南昌个場好細,話吾定可能会有机会賣走。

      刪除
    9. 富昌係南昌站對面, 應該救得番
      葵涌行過石蔭和石籬,都應該做得住,難估...

      刪除
  8. 我認為有的埸又細又旧加上無AEI潜力,应該賣左好的。交俾私人做,可能比較靈活。領匯可以集中資源做好現在物业同投资其他更好新目標。如果真系賣,我觉得是正面。

    回覆刪除
    回覆
    1. 變咗私人擁有之後,等D人領略下甚麼叫做「市值租」,甚麼叫做「自由市場」,咁D人就會懷念領匯年代的日子了 ^^

      刪除
    2. 看來佢地係內地已經搵倒目標

      刪除
  9. 如有埸被賣走,我敢講一定有人包括政治演員走出來反对同搅野。

    回覆刪除
  10. 眾望所歸無得留低

    領匯房產基金(00823)暗標放售商場,消息指,首階段推藍田興田商場、香港仔華貴商場、葵涌葵興商場以及筲箕灣東熹苑舖位共4項物業,估值約7.6億元,回報率逾5厘,下月截標。

    興田商場2.8萬呎 年租860萬

    早前有消息指,領匯有意放售旗下非核心資產,屬基金自從上市後,首度放售物業。

    據了解,近日基金已初步落實,委託測量師行先推出旗下4項商場及商舖項目,分布於港九新界。九龍區商場料為藍田連德道興田商場,該商場略為偏遠,商場客群為興田邨及附近屋苑居民,據領匯2013年估值報告顯示,商場總樓面約2.8萬平方呎,每年租金收入860萬元,估值約1.67億元。

    回覆刪除
  11. 29/04/2014 08:13

    領匯(00823)暗標放售4商場,下月截標估值七億六

      領匯房產基金(00823)暗標放售商場,消息指,首階段推藍田興田商場、香港仔華貴
    商場、葵涌葵興商場以及筲箕灣東熹苑舖位共4項物業,估值約7﹒6億元,回報率逾5厘,下
    月截標。
      據了解,近日基金已初步落實,委託測量師行先推出旗下4項商場及商舖項目,分布於港九
    新界。九龍區商場料為藍田連德道興田商場,該商場略為偏遠,商場客群為興田邨及附近屋苑居
    民,據領匯2013年估值報告顯示,商場總樓面約2﹒8萬平方呎,每年租金收入860萬元
    ,估值約1﹒67億元。
      港島區兩項目方面,以香港仔華貴商場較貴重,資料顯示物業逾4萬平方呎,租戶包括有酒
    樓、便利店等,主要客群為華貴邨居民,商場每年租金收入達1880萬元,估值約3﹒1億元
    ,為4項物業中估值最高。港島另一項目為居屋東熹苑商舖,涉及舖位不多,估值約3200萬
    元。
      新界區唯一標售項目料為葵興商場,位於葵涌道及禾葵里交界,客群除了葵興邨居民外,附
    近亦屬工業區,消費群包括有附近上班人士。
      據消息人士指,買家可以全數購入,或個別進行競投,而是次業主並沒設定意向價,由財團
    入標出價。因項目租金收入穩定,預計每項物業回報率達5至6厘,相信仍可吸引追求高回報厘
    數的財團入標,項目料於下月截標。《香港經濟日報》

    回覆刪除
    回覆
    1. 各高人: 有無比較過領匯之前公報的估值報告同宜家放售價? 有無MARK高左? 同埋呢D場係咪政府話要重建的公屋場?

      刪除
    2. 1.投暗標,唔知有冇mark高,要等高人解答你
      2.華富邨重建會影響到華貴商場,其他場暫時未聽過有重建計劃

      刪除
    3. 通常暗標唔會在文件寫價錢,但會枱底講意向價,然後比基金番去計願付價錢,各方入標鬥高價,都算公平
      各場中只有華貴令我有摸頭眼淚流感覺 :(

      刪除
    4. 高人,你又教我賣仔莫摸頭嘅!?

      刪除
  12. 講就易,但當真有人比錢你話要帶走你愛兒就唔係咁講喇:*《

    回覆刪除
    回覆
    1. 哈哈哈,原來係講就天下無敵嗰隻 :D

      刪除