(From Yahoo Blog)
2013年8月29日下午5:20｜公開｜累積瀏覽 355
素來對信置 (0083) 旗下的小西灣藍灣廣場冇咩好感, 商場定位高不成低不就, 成日想扮高檔。
美心大酒樓已換上富臨皇宮 (1/F, 2號舖)
信和趕走咗間洗衣店 (G9A號舖), 租埋畀隔籬間餐廳 (G9B-C號舖)
海藍專業洗衣 (G9A號舖) 健在時 (2013-07-25)
仲記得「拾柒號冰室」嗎? 信置掃走拾柒號冰室, 租咗間舖畀美心集團的元氣壽司 (G17號舖)。點不知隔籬的韓食家咁短癮, 執得咁快, 依家拾柒號冰室以「百份百餐廳」(G16號舖) 的名義, 強勢回歸了。（拾柒號冰室 @藍灣廣場 2012-03-14）
Bakery 28 (19-20A號舖) 的舊位, 又成為美心集團的囊中物, 將會開美心西餅
Bakery 28 (G19-20A號舖) 未執時 (2013-06-14)
信和向麵包店發出追租信 (2013-07-02)
著數店 (UG5號舖), 唔想咒佢, 所以冇野講
eCosway 特惠店 (UG15B號舖) 玩完了
原先話6月租約到期的貢茶 (UG43號舖), 依家又話extend到9月至執喎
Tutti Frutti 的舊位丟空多時, 終於由美心集團的東海堂 (UG58號舖) 承租
富臨皇宮 (1/F, 2號舖)
成個場都係唔夠冷氣
藍灣廣場漸漸不再藍了 (2013-08-19)
晴翠時裝 (UG52A號舖) 已經搬咗去北角 (2013-07-05)
見到呢種情況，你覺得私人商場好D？(唔包領匯)還是房署商場好D？？？
回覆刪除若果你認識O2深些少，你就會知道「百花齊放」才是我的最愛。
刪除藍灣係私人商場，自會靈活走位，毋須O2操心。佢只係初時自視過高，扮晒高檔，依家已經漸漸面對現實，將檔次稍稍降低，詳情可參考O2較近期有關藍灣廣場的post。
至於房署商場，因為牽涉到公帑的運用，即是話，O2係7百幾萬位持份者之一，見到D商場死氣沉沉，烏蠅多過客，總有點恨鐵不成鋼之悲痛。由公務員主理，可以想像到，反正做又36，唔做又36，公務員那會自找麻煩，主動求變呢？邊個會咁蠢，無端端走去拿屎上身，搞那些「得罪人多，稱呼人少」的甚麼優化商戶組合／提升工程？久而久之，個場與時代脫了節，咁咪即是迫街坊行遠D去買野囉！
介紹你睇一篇專欄文章，今日的am730《食環街市貴到爆》，作者與O2的見解不謀而合
http://www.am730.com.hk/column-251123
2015年02月16日｜am730｜不是定理 - 何民傑
刪除食環街市 貴到爆
食環署街市空置率高，營運差，人所共知，但原來還有租平卻物價貴問題。上周發表「團年飯指數」，揭示食環街市近八成檔位以低於市值租金營運，其中6個公營街市物價比民營街市和路邊市集高6.4%至13.5%，反映租金高低不代表物價平貴。政府每年用逾兩億元公帑補貼營運街市，但街市物價高於民營街市，納稅人是在作雙重補貼。
由官僚管理商業街市注定失敗，官員欠缺動機靈活變通，就算營運虧損也只會按章辦事才可保續升官。民營管街市就有利潤推動創新，店舖布局、創新推廣、裝設八達通等只在民辦街市出現，無怪乎食環街市蝕本，貨又貴。
作者為107動力召集人及大專通識講師
我真係唔想見到一個烏蠅多過客嘅房署商場！我希望終有一日會見到希望，始終用公帑起商場架！
刪除其實只要班官僚識得靈活走位、善用多餘空間、唔好只懂花錢找幾個歌星/明星仔嚟唱唱跳跳而令到O2嘔血、多D利用腦筋、參考下其他人氣商場等等……都有機會改善屋邨商場的死人氣氛！
刪除823以前搵過小豬
刪除你講起又好似有D印象。不過O2始終認為，搵幾個藝人9唔搭8地唱唱跳跳，谷幾個鐘頭的人流，對商場／商戶的幫助不大，況且羊毛出自羊身上，無謂花D咁嘅錢了
刪除