總瀏覽量

2012年7月21日 星期六

[領匯商場] 順安商場 @2012-07-21

(from Yahoo Blog)
2012年7月21日

睇完順利商場, 就過埋嚟順安商場巡視。都係差幾步路啫, 相對嚟講呢邊就靜得多咯!

憑種種舊痕跡, 可以追溯到某些舊式舖頭, 因為追唔上時代步伐, 而一路路被市場淘汰。


順安商場 (地址:觀塘利安道1號), 面積99,500呎, 落成年期同順利嗰邊差唔多

 
差不多全邨嘅舖頭都係叫 "順安乜乜" , "順安物物"。(左邊) 已結業的順安辦館 (安群樓G9號舖.484呎), (右邊) 順安電業公司 (安群樓G8號舖)。順安邨呢邊冇所謂的地產霸權超市, 只得間殺傷力最低嘅華潤, 間辦館竟然咁都做唔住

人人辦館 (安群樓G14號舖) 係就係好古色古香, 但係D街坊欣唔欣賞呢? 會唔會專登唔幫襯超市, 而嚟呢度糴米呢? 檔生意有冇人承傳呢? 還是個老闆都係諗住做一日和尚敲一日鐘呢? 另外我想講嘅係, 點解房署咁樣阻住人地做生意, 都冇人咋型呢? 點解咁雙重標準呢? 嗰班乜乜監察嘅懵炳, 係咪淨係識得針對領匯呢?

安群樓1樓走廊。巨舖可以做護老院, 細舖就做補習社啦! 唔係你話仲有乜野好做吖?

曾幾何時, 呢度係有各式各樣舖頭, 俱往矣! (左邊) 前文峰書局 (安群樓1樓102號), (右邊) 源豐百貨時裝 (安群樓1樓101號舖)

源豐百貨時裝已經專注做校服喇~

又係叫順安 (順安酒樓)

酒樓外的瓷磚, 經典呢!

做獨市生意的華記報攤

房署正在為安群樓安裝升降機。會唔會好似白田邨咁, 一裝好就成條邨都要拆卸重建架! (安群樓)


***


2013-06-26跟進:

網上消息, 有人話順安酒樓 (上圖 7&8) 執笠了, 網民當然又係賴領匯啦。

記得數月前《東張西望》訪問過呢間酒樓, 主題大概係講古老點心/酒家之類, 當時負責人表示佢地租金已經 "比出面平", 唔係就好難做...

送番首歌俾嗰幾位網民先.....誰會珍惜,當你還擁有,將要逝去總想挽留,想挽留,想挽留,看似荒謬…


***



2 則留言:

  1. 「順安邨呢邊冇所謂的地產霸權超市, 只得間殺傷力最低嘅華潤, 間辦館竟然咁都做唔住」

    事實是順安辦館在華潤出現前已結業,而家順安商場係房署管理時根本沒有吉鋪,二樓本為一些小食店、家品店及一間診所,全邨沒有任何一間安老院,自從領匯接管後所有小店紛紛結業,二樓亦所改建成安老院,後來因為所有零食店都已結業,領匯才引進華潤。

    回覆刪除