總瀏覽量

2012年7月17日 星期二

服咗你咯!

(from Yahoo Blog)
 
2012年7月17日下午5:50|公開|累積瀏覽 302
 
領匯已經完成咗25個資產提升項目, 但係到今時今日, 都仲未輪到環翠商場。

目前嚟講, 環翠商場只係做過改善防火工程及照明設施, 街市則改成幾間食肆。人流的確係比以前多咗, 但係泊埋去興華廣場, 或者小西灣廣場度比較, 又唔算太理想, 總係覺得環翠商場仍然有大幅進步的空間。
 
領匯接手公屋商場之後, 乜鬼野窿窿罅罅位都劃出嚟租, 俾人話佢賺到盡。站喺股東立場就梗係多多益善啦! 不過如果係站喺消費者立場, 我又覺得都冇壞喎, 商場多D野賣, 多D競爭, 消費者選擇多D, 買野集中D, 我覺得仲方便咗添。我承認有陣時領匯嘅手法係比較進取, 房署嘅舊租客向來都係「受保護動物」, 佢地未必頂得住, 所以咪成日俾人抨擊囉。
 
「不招人妒是庸才」呢個道理, 我明喎! 如果領匯同房署一樣咁hea, 就唔會俾人話啦! 但係冇理由要領匯放軟手腳, 去遷就嗰堆「爛泥扶唔上壁」嘅受保護動物架!?
 
 
環翠商場有間日本城 (F20號舖),  日本城對出有條扶手電梯, 樓梯底呢度本身人流唔多, 我從來都冇諗過呢度可以做展銷檔。今日行過見到, 咁都俾佢租得出, 真係不得不向領匯寫個「服」字咯~
 
扶手電梯附近的商戶——新麗乾洗 (F19號舖) 已經駐守環翠商場好多好多年
 
最新係呢間 3 DAY COMPUTER CO (F18號舖)
 

沒有留言:

張貼留言