旺舖出售

(from Yahoo Blog)

 

2012年6月7日下午4:36｜公開｜累積瀏覽 242

 

睇睇吓報紙, 見到個地產廣告, 望落去有個舖位好鬼熟口面。睇真D, 原來全部都係星展銀行嘅舊舖位。

星展銀行一手包辦的「 星展毒債」(包括產品設計, 託管人, 零售及分銷), 原本賺到盤滿砵滿, 但係一場金融海嘯, 令銀行露出了狐狸尾巴。

 

正所謂「財到光棍手」, 銀行點都唔認衰, 幾大都唔肯賠償。幾經波折, 銀行俾有關當局捉到痛腳, 不賠不賠還須賠, 最尾都要開倉 (在不承認責任的條件下) 賠番錢俾部份存戶。

 

根據種種跡象顯示, 經此一役之後, 銀行亦改變咗經營策略, 唔再以家庭主婦及退休人仕為目標顧客, close咗D舊區 + 住宅區嘅分行, 轉攻高端客戶 (要識字嘅, 唔可以係文盲, 唔可以係老弱婦孺, 仲要係上錯咗賊船, 都要顧住面子, 唔會抓爛塊面上街示威嗰隻)。

 

 

星展銀行柴灣分行舊舖, 叫價6千萬放盤。其餘幾個星展舊舖, 依次序係元朗分行, 柴灣分行, 大角咀分行, 大埔昌運中心分行, 筲箕灣分行, 紅磡北帝街分行, 以及長洲分行。