總瀏覽量

2015年3月10日 星期二

領匯街市的改革路

大元街市係領匯第1個翻新的街市, 之後有愛民、耀安、樂富...等等。
 
經過不斷摸索及實踐, 累積經驗, 天瑞街市於2014年叻叻豬地得到國際級獎項的肯定。
 
自從天瑞街市攞獎之後, 彷彿已升上神枱, 成為領匯街市翻新的示範單位。

以目前所知, 正籌備翻新的領匯街市包括小西灣、彩明、蝴蝶、太和... (如有遺漏, 煩請補充)。
 
坊間可能會聚焦於新街市的裝修靚唔靚仔、領匯有冇乘機加租、街市貨品平定貴...等等等等。
 
而O2卻著眼於另一亮點。在天瑞街市的翻新過程中, 領匯+建華用咗9個月時間去策劃, 而施工過程只係用咗2個月, 將對居民及檔戶的影響減至最低。大家試諗下, 一個普通住宅若要大裝修的話, 閒閒地都要1-2個月啦, 何況係咁大個街市, 要協調咁多野呢。
 
有一個例子, 食環署的柴灣漁灣街市當日只係加裝空調, 都要成個街市關閉半年呀!
 
說遠了, 其實今日想介紹大家去睇下天瑞街市的facebook專頁。貴為領匯街市的示範單位, 承辦商建華力推自己的代表作, 紛紛組團讓四方貴客認識新街市的優點, 令居民對自己區內即將翻新的街市有所了解/期待, 與此同時, 亦為天瑞街市的檔戶帶來客源, 一舉幾得。
 
 
2014-12-16小西灣街坊遊天瑞
 
2015-03-05太和街坊遊天瑞
 
 
O2有個一廂情願的諗法, 如果接待能力 (so敏感的字眼) 許可的話, 可以將呢類「一日遊」推廣至非領匯場的坊眾, 畀佢地親身感受下個新街市, 令佢地對食環署/房署旗下的公營街市有所比較, 從而令兩大官僚部門都要做番D野。
 
 
~~~
 
 
2016-03-09 明報:辦街市一日遊 長發街市商戶:領展只為「粉飾太平」

2020-10-27 : 有政黨要求「加快公共街市現代化」

41 則留言:

  1. 之前講應有10個街市會做翻新工程。
    不過蝴蝶要做1年呀
    =================
    http://www.on.cc/hk/bkn/cnt/news/20150121/bkn-20150121193608961-0121_00822_001.html
    【on.cc東網專訊】 領匯計劃為屯門蝴蝶街巿進行全面翻新及優化工程,預計街市須封閉1年,期間會設置22個臨時攤檔讓檔戶繼續經營,料屯門碼頭區多個屋苑共約11萬居民將受影響。不過,有部份商戶與居民對工程的開展時間及臨時攤檔數目存有不同意見,最終領匯以方便商戶及居民作考慮後,決定訂於今年3月、農曆新年過後才開展工程。

    回覆刪除
  2. on.cc 20150223
    領匯(00823)街市資產管理助理總經理吳鴻揮表示,旗下約有九十個街市,當中樂富街市翻新後,年輕客戶增加六成,未來會再有十個街市進行翻新。另領匯早前已資助香港知專設計學院舉辦街市室內設計比賽。
    ============
    街市重組計劃 重新構思  預計2015年底開始翻新
    領匯向利東街市全體租戶發出信件,指3月1日起將由新的街市管理公司「宏安集團」(即「萬有街市」)負責管理利東街市。
    民主黨南區區議員區諾軒連同副主席羅健熙,日前與領匯開會及視察時,獲悉之前領匯力推、欲將商戶全數遷至街市一半位置的計劃,已經擱置。而新管理公司進場後,將重新開始與各租戶商討街市翻新工作,期望在2015年底展開翻新,2016年初完成。
    民主黨歡迎領匯收回計劃,因該計劃勢必大幅影響商戶生計,亦令街市整體面積減少。
    區諾軒表明,應先照顧現有商戶,呼籲領匯必須避免大幅加租,否則居民將會百上加斤,並強調將連結商戶、居民、領匯、新管理公司,共同商討街市未來。

    回覆刪除
  3. 各位師兄弟 您們好。在下想請教各位 街市裝修翻新D錢點來?咪又係靠加租收返來。搞到街市好似超市咁 不如索性租俾超市仲好啦 吾洗煩。

    回覆刪除
    回覆
    1. 你好!
      既然你都自問自答咯,仲使乜請教呢!
      「煩」就梗架啦,但唔代表唔使做(你估仲係房署年代咩),咪由得領匯班手足去煩囉,823戰友繼續做花生友可也 ^^

      刪除
    2. Chi Keung兄,你好似邏輯錯左,街市裝修翻新D錢應該好大部份係銀行提供,至於加租係完成翻新後,街市環境改善,人流增加,跟着收入增加,所導致市場定律。
      關於是否似超市,呢個其實係參照香港及其他城市街市受歡迎模式設計,即是做一個客人想要的街市

      刪除
    3. 咦?我仲以為翻新係營運商負責添,原來係領匯借錢?

      刪除
    4. 追影族師兄。Link仔師兄好似冇話边嗰同銀行借錢㖞。边個借都好 始終都要還㗎。錢從何來呢?咪加租啰。加租之後商戶賣嘅貨品咪要加價啰

      刪除
    5. 裝修完街市,光猛涼爽,加租正常不過,就正如以前九巴有2種巴士: 熱狗巴同冷氣巴,熱狗巴平車費D,2架巴士同時到站,你估大部份人坐邊架車?

      刪除
    6. 追影族 : 外判承辦營運商一般不會負責資本性翻新費用,除非合約有這安排,但外判商很難支付由數千萬至億元翻新費用

      刪除
    7. 吓原來興華舊位係街市

      樂富, 大元, 愛民, hands街市應該係823自己翻新

      刪除
    8. 關於街市變超市,運頭塘都好似係。

      個人覺得轉做超市還是翻新街市,須要因地制宜,這方面O2對領匯團隊有信心。

      興華分一、二邨,有關興華邨的2個街市,O2早前曾與網友Chi Ho傾過...

      2014-10-24:沒有街市,只有超市的興華邨
      http://o2and00823.blogspot.hk/2014/10/blog-post_24.html

      刪除
    9. 小弟住区內,睇住運頭塘商场变化。而家惠康位置,包括吉野家,MARIA餅店,都是原街市部分。但付近已有大埔区域街市大楼,改造前已十室九空,無作為。重新整合后,多左選擇,几年來,埸內所有租户好稳定,未見有吉鋪,証明是成功的。

      刪除
    10. 係,O2諗起你之前有講過,原來咁就過咗1年了

      巡視業務.領匯.運頭塘商場 @2014-04-26
      http://o2and00823.blogspot.hk/2014/04/2014-04-26.html

      刪除
    11. 領匯咁多個商場同街市,就算係問銀行借錢,都有咁多個商場同街市分擔,唔會話由一個街市食晒借貸,正如營運連鎖店一樣,一間舖頭既資本開支係由成個集團又或某區分擔的。至於話外判商好難支付咁大筆錢既問題,宏安係上市公司,你睇下佢市值幾多先講。(我用左商舖續約要自己出錢翻新舖頭理念去睇,如有錯誤請指正)

      刪除
  4. Link兄。銀行D錢要還㗎。咪喺每個月收多D租慢慢攤還。至於話翻新后人流增加 吾代表個個都喺度買嘢。街市吾同大型商場 喺彩明住嘅市民吾會特登走去天瑞街市買餸。但係天瑞嘅市民会特登走去但係天瑞嘅市民会特登走去尖沙咀買個LV啰。

    回覆刪除
    回覆
    1. 其實打開門做生意,各有各算盤,你可以30年唔裝修唔加租,如食環處公共街市很多檔販仍在交1998年的租金,政府多年來一直「零加租」,每年虧損2億。政府不敢加租;商戶又無動力改善服務質素,大部份街市的營運猶如一池死水。但領匯不是慈善機構,要走市場營運方向,改善街市,自然是市場租金

      刪除
    2. 數年前O2曾受施永青先生某篇文章啟蒙,大家分享下:

      2007-02-01 C觀點:領匯有必要益商戶嗎?
      http://o2and00823.blogspot.hk/2010/01/2007-02-01-c.html

      刪除
  5. 大家傾得咁高興,O2也插把咀。

    做生意要打本,本錢可以係來自銀行融資、股東資金、公司儲備、企業發債...等等。

    世間上沒有穩賺不賠的生意,翻新後的街市能否回本,要靠領匯團隊事前的計算。

    街市翻新可視在資產投資,可以每年計番折舊(有錯請指正)。至於能否加租,也要看看有冇人肯承租,若果個場係拍烏蠅,就算$1租都要蝕人工,會有人租嗎?始終都係嗰句,業主與租客是唇齒相依的。

    回覆刪除
  6. 近日似乎多咗新知舊雨留言。O2乃市井草根,自幼家貧書少讀,一換成人身份證就即刻投身社會,冇受過高等教育,也沒有甚麼專業知識,睇年報更加是O2的weakness(所以非常依賴第三把膠椅),個人特點是看到千字長文會暈陀陀(所以讀書唔成),寫blog的原意係記低身邊事,留待腦退化後慢慢品嚐,敝blog以圖片為主,文字為副(唔夠墨水寫咁多字),有時會天馬行空,激發下blog友的思維,以收抛磚引玉之效。

    老實講,O2份人不愛爭辯(自知唔夠料同人拗),「世事無絕對」、「人人頭上一片天」乃O2的修身格言,當初純粹諗住在這個自閉空間記低生活事,估唔到整下整下變成823場情報交換平台。

    實體世界裡的種種事情,已教香港人的精神狀態拉得緊緊的,難得在這個虛擬世界裡有緣相遇,大家就輕輕鬆鬆交換情報吧!

    回覆刪除
    回覆
    1. (1)O2用blog做腦退化記事簿,有D危險,你唔記得Yahoo牙,佢地一冇錢就收檔
      (2)你唔可以話讀得書小架,好多成功人仕都係靠自學(Bill Gates曾說過:我是公司裡學歷最低的),不斷進修,其實我地用緊嘅知識,大部份讀書時都未發明。

      刪除
    2. (1)記得呀,如果blogspot係同一命運的話,O2就會灰飛煙滅,同你地講再見架喇
      (2)讀得書少呢個係事實(讀得書多亦唔見得好巴閉),O2只係講事實,一點也冇自卑

      刪除
    3. google係靠廣告收入營運架,所以我個blog都會放D google廣告,一方面幫補下google,另一方面自己又會有少少錢收

      刪除
    4. 追影族 : 假如好似我個blog低流量,廣告收入可能幾拾蚊都冇,但裝左廣告,個畫面出左好多你控制唔倒廣告,會影響大眾讀者流覽感覺 ?
      O2 : 你個"卜"人氣夠,可考慮裝廣告,將收入月供股票,咁樣主動+被動收入加埋,仲勁過復息增長

      刪除
    5. 追影族:O2好buy你話"幫補下google"呢個concept
      p.s. 我已經即刻在你個blog click咗幾個廣告睇,希望自己冇咁易灰飛煙滅啦

      Link仔哥:O2之前都係咁諗,唔想D廣告阻頭阻勢,又收唔得幾多錢,但依家畀追影族點醒咗,有少少改變主意了

      刪除
  7. 灰飛煙滅 ~~~ 你變左pm2.5 ,好嚴重呀,要揾柴静訪問你*o*

    回覆刪除
  8. 作者已經移除這則留言。

    回覆刪除
  9. 樂富: 盞記已結業, Veeko即將開業
    彩明:街市翻新工程已展開

    回覆刪除
  10. 前商户系《生活电氣》大鋪,工程做左至少2个月,似要間开2-3間鋪,应还有空间俾其它商户。

    回覆刪除
  11. 2016-03-09|明報|辦街市一日遊 長發街市商戶:領展只為「粉飾太平」

    實情呢,呢D被商會主席李先生喻為「粉飾太平」的一日遊,由2014年起已經舉辦過多次,不是長發街市獨有的

    回覆刪除