總瀏覽量

2014年4月30日 星期三

823賣仔莫摸頭大行動啟動了

好耐之前領匯已經放風, 話會賣走部分物業。

2014-04-25有報導指「823賣仔莫摸頭大行動」經已啟動, 話領匯打算放售5-10個物業喎。嘩嘩嘩! 這下可不得了, 823戰友們紛紛起哄, 踴躍地在O2 blog裡玩猜猜猜遊戲。

4日之後, 2014-04-29的最新消息係以下4個囝囝on-list (排名不分先後):

香港仔 華貴商場
筲箕灣 東熹苑商舖
藍田  興田商場
葵涌  葵興商場

*2014-05-05《星島》再有報導, 話寶熙苑商場係其中之一個on-list的囝囝。


O2整理一下手頭上的資料, group埋一齊, 以便綜合了解幾位囝囝的狀況: 
 

華貴商場 葵興商場 興田商場 寶熙苑商場 東熹苑舖位
內部樓面面積 41,878 24,664 28,313 13,686 6,340
車位數目 413 277 387 0 146
AEI 資本支出n/a $17M (2014) n/a n/a n/a
估值 (2013-03-31) $311.8M $252.6M $167.6M $104.5M $32.3M
市場估值 * $940.0M $700.0M $440.0M $230.0M $130.0M
合共月租 * 236 175 110 57 33
* 來自《星島》的資料
年收益($M)
2011-03-31 16.5 13.3 6.4 5.5 2.3
2012-03-31 17.4 (+5%) 13.4 (+1%) 7.4 (+16%) 5.2 (-5%) 2.0 (-13%)
2013-03-31 18.8 (+8%) 14.9 (+11%) 8.6 (+16%) 6.0 (+15%) 2.2 (+10%)
 

O2按:
- 華貴街市曾於2012年做過小型翻新工程
- 葵興商場AEI正在進行中
- 準買家可以獨立挑選, 或者一炮過買起晒4位難兄難弟
- 新買家不能以公司轉讓形式, 即是話, 新買家須繳付雙倍印花稅



《O2's 巡視紀錄》

華貴商場  2012-06-16 > 2012-11-03
東熹苑舖位 n/a
興田商場  2013-11-16
葵興商場  2013-01-12 > 2014-04-12
寶熙苑商場 2013-06-08



《官方's 簡介及業權詳情》

簡介: 華貴商場,於1991年落成,包括華貴邨內一幢4層(包括2層地庫)高商業╱停車場大廈(商業╱停車場大廈連同相關地方)及綜合商業╱停車場大廈、位於華愛樓(6座)地下的1及2號診所及位於華廉樓(3座)地下的部分儲物單位(作商業用途)及部分露天泊車位。華貴商場總共有413個泊車位。
業權詳情: 該物業由領匯物業有限公司持有。該物業包括香港仔內地段第443號A分段中23,148份均等且不可分割份數中之15,518份以及其增批部分,並根據政府租契持有,年期自1998年4月8日起計,為期50年。該物業亦包括香港仔內地段第443號餘段中144,409份均等且不可分割份數中之681份,並根據政府租契持有,年期自1998年4月8日起計,為期50年。

***

簡介: 東熹苑商舖與停車場,於1995年落成,包括位於東熹苑A及B座(景熹閣及逸熹閣)地下的一間幼稚園以及苑內一幢2層高停車場大廈(停車場大廈)。東熹苑商舖與停車場總共有146個泊車位。
業權詳情: 該物業由領匯物業有限公司持有。該物業包括筲箕灣內地段第834號整個A分段以及餘段中122,407份均等且不可分割份數中之690份,並根據政府租契持有,年期自1989年6月20日起至2047年6月30日止。

***

簡介: 興田商場,於1988年落成,包括興田邨內一幢2層高商場大廈(包括一個街市)(商場)、位於美田樓及恩田樓地下的多個商舖單位、一幢2層高停車場大廈(停車場B)、一幢4層高停車場大廈(停車場C)以及鄰近美田樓及彩田樓的多個熟食檔。興田商場總共有387個泊車位。
業權詳情: 該物業由領匯物業有限公司持有。該物業包括新九龍內地段第6377號149,828份均等且不可分割份數中之15,570份,並根據政府租契持有,年期自2001年2月8日起計,為期50年。

***

簡介: 葵興商場,於1991年落成,包括葵興邨興國樓地下及第2層的一部分(即房委會綜合設施)、一幢2層高商場、一幢3層高停車場大廈及多個露天泊車位。葵興商場總共有277個泊車位。
業權詳情: 該物業由領匯物業有限公司持有。該物業包括葵涌市地段第489號102,732份均等且不可分割份數中之9,824份,並根據政府租契持有,年期自2002年1月24日起計,為期50年。

***

簡介: 寶熙苑商場,於1993年落成,包括寶熙苑A及B座地下的商舖單位。
業權詳情: 該物業由領匯物業有限公司持有。該物業包括新九龍內地段第6117號20,256份均等且不可分割份數中之1,354份,並根據政府租契持有,年期自1992年7月17日起至2047年6月30日止。

64 則留言:

  1. SSP地胆老友記來電, 話佢由05年揸領匯直至現今才見到領匯擁有之SSP商場第一次有AEI工程進行, 他期望元洲邨商場大變身, 而且為了大局着想, 希望龍哥將長沙灣區無發展空間之屋邨商場趁有價盡快沽出, 沖淡房署屋邨商場之公司形象, 向世界房產基金之路邁進.

    回覆刪除
  2. 我有一提議, 請龍哥考慮將Link哥哥仔之愛兒華貴商場與O2兄最僧惡之衰doi(台山話=仔也)興田商場, 兩個綁住一齊賣,既能收到錢, 亦能將衰仔送走(龍哥請注意: 衰仔要半賣半送才可以成事).

    回覆刪除
  3. 呢四个場我從未去過,参考02報告,只有華贵觉得有点可惜。街市如可至少間开部分,应可做超市,好以運頭塘成功例子。付近可能無其他街市,完全取消街市的反响可能会好大。其他三个為它找新主人是好事,新业主改造佢三个会比823做靈活的。

    回覆刪除
  4. 大約二, 三年前, 陽光房產基金曾將包括紅磡區在內之一籃子街舖放出市場, 讓買家落標出價競投, 但因價錢不理想而將物業收回, 最近市場傳出買家態度轉趨積極, 出價理想, 而恒基則因沙中線快將完成, 此等舖位前景秀麗, 因而惜售. (傳聞是真是假, 各位請參看435近期之走勢圖, 便略之一, 二.) 因此領匯此時推出四個物業, 時間fit到應, 如果話事人能夠掌握到市場真正之脉膊, 見好即收的話, 流標之機會很微.

    回覆刪除
  5. 很好的資料,等待blog主弄一個總結領匯收購的文章...

    回覆刪除
  6. 先多謝上面眾823戰友(包括由"領匯fans"做代言人的SSP地膽)的留言,O2也想講些少個人意見...

    1.半賣半送:咁點得架?少個崩我都唔制架!O2最想踢走的衰仔包唔係話因為佢冇得救,而係嗰度有班惡爺打躉,阻住領匯做野。正所謂好佬怕爛佬,同爛佬硬併好蝕底,好佬至索性賣咗佢乾手淨腳咋。新買家冇歷史包袱,可以有咁盡去咁盡,唔使理D塘邊鶴阿支阿左,呢樣就係個衰仔包的潛在價值。所以呢,O2重申,一定唔可以半賣半送,少個崩都唔得呀!!

    2.流標:領匯賣仔並沒有迫切性,純為調整資產組合,今次招標,試試市場水溫,唔啱價的話,O2情願流標,繼續收租可也。

    講住咁多先,歡迎各823戰友繼續發表意見 ^^

    回覆刪除
    回覆
    1. O2兄大師大喝一聲少個崩都唔淮賣, 就當我前世欠這個衰仔嘅債啦! 各823戰友立刻雞飛狗走, 不敢表態話已搵到嗰好人家收留此衰仔, 連我地龍哥都驚到騰騰震, 今晚都幾難瞓得著.

      刪除
    2. 唔係唔准賣,如賣左換靚貨就冇問題,總之價到就賣,唔到價就繼續收租,唔好免強,揸住磚頭唔怕等架

      刪除
    3. 大家吹下水,交流下啫,乜O2語氣重咗咩?唔好意思呀!
      親生仔不如近身錢,所以O2好緊張會收少咗架。今次係第一lot貨,唔可以開壞個頭,畀人以為領匯不問價掟貨,影響好深遠架!

      刪除
    4. 對對對!Link仔哥太了解我了,係到價就會賣,但係"少個崩"就唔賣!

      刪除
    5. 尋晚我做小生意已經去咗賣咸鴨蛋的老豆向我報夢,佢話你地真厲害,嗰個死仔包嘅清息傳通巷,連下面都收到風,現在想搵人收留佢都難啦!你嗰位老友唔想平賣,想為你哋儲返個近身錢絕對正確,我唯有過你一,二招幫幫你哋,睇你哋有冇褔氣啦!寫陰間啲嘢很嘥陽氣,小弟要先回氣,稍後再續……

      刪除
    6. 巧驚呀,以下情節須要家長指引…

      刪除
  7. 呌足一晚後元氣恢復, 現在继續: 老竇話既然衰仔包的嘢已經揚晒出來, 佢建議龍哥順水推舟, 立刻宣佈興田之意向價為1億9千萬, 現在以估值價減60萬(意向價88折), 實收1.67億元賣比政府. 條件係政府要還富於民, 現今店舖經營者可優先認購, 餘下留給興田居民購買, 如此扣除車位價值每個15萬5千元後, 一個500呎舖位只賣189萬, 現今一個天水圍新北江6 X 10呎嘅劏舖都要依個價錢, 興田的居民實會搶住買, 從此自力更新, 實現自己做老板, 當家作主. 政府又可多收差餉. 如果居民成功創富的話, 將來所有爛場只要稍為包裝一下的話, 很快便會搶購一空. 若政府仍然抱殘守缺, 話不可拆散來賣, 继續做個怪獸政府, 咁即是阻住居民發達, 後果非常嚴重.
    以上為陽謀, 三win也.

    回覆刪除
  8. 跟著老竇想講第二招, 但被狗吠聲吵醒, 我所收的料就這麼多,
    希望今晚再有夢發, 現在趕住去练功回氣, 就此收筆.

    回覆刪除
    回覆
    1. 日有所思,夜有所夢,你太掛住衰仔包了。想請教下,連數目字都可以記得咁清楚,係咪夜晚要拎定紙筆上牀瞓嘅呢 :D

      刪除
    2. 我靚仔時候發夢夢見多次有5個數字出現, 全部記得晒, 結果中了多次三獎, 現在記憶力已經比較遜色, 但以後若有6個字出現, 我一定會寫低, 第一個醒給你點話呀! 最緊要你happy!

      刪除
  9. 我就簡單D,冇想到陰陽界咁遠,其實今次賣場可能只係給外界一個訊息,是但賣一個場,咁樣領匯就變成有買有賣,完全市場化,等D人去關心下個D已賣出商場,到時佢地冇得鬧領匯了

    回覆刪除
    回覆
    1. 我都覺得賣唔賣得成都冇所謂,慢慢來,第時邊個場畀人鬧得最甘,就放聲氣賣邊個

      刪除
  10. 從某日報得知,待售的深水埗物業是寶熙苑商場

    回覆刪除
  11. 先多謝linksuperfans提供寶貴的資訊。找到了2014-05-05《星島日報》的相關報導,O2已在上面補充了一些資料。

    回覆刪除
    回覆
    1. 補充星島日報華貴商場資料 :
      月收153萬 / 面積41878 ft (25個舖) = $36.5 尺租價低水
      月收83萬 / 車位413 個= 每個月租$2010

      刪除
  12. 《蘋果》財經版話市傳今個星期四(2014-05-15)開標,好緊張呀!

    回覆刪除
    回覆
    1. 重有一樣,原來4/6除左示威游行外,仲可以好緊張咁等中午發放既全年業績呀!

      刪除
    2. 有巿場的估值作參考時, 就唔洗再睇以往過份低估的估值報告啦! 小弟估計五個盤暗標價會到九億八...呢下子真係不得了!

      刪除
    3. 領匯發《澄清公布》話2014-05-15係截標日期,未講幾時開標喎
      http://www.thelinkreit.com/TC/investor/Documents/c-Daniel%20Announcement%20(12May2014).pdf

      刪除
    4. 企業都唔知幾時截標....反而有興趣知道寬限印花稅會唔會使領匯有機會係番香港買野

      刪除
    5. 如果我冇理解錯,咁今次話政府考慮放寬雙倍印花稅,暫時只係話放寬樓換樓的限期,我唔覺得對領匯買港貨有咩影響喎

      刪除
    6. 其實個澄清公布係叫大家買定離手,好怏D入飛,通常開標1-2日就知

      刪除
    7. 佢會唔會唔公開d標架?

      刪除
    8. 反而覺得張公告只係確認呢幾日的傳聞。入面都講左截至尋日未收到標書,其實最後賣唔賣得出係唔知,不過呢單deal對以後的派息應該無咩影響

      刪除
    9. 1.我覺得D人會睇定D先,last minute至去入標
      2.Reits有規定賣仔錢唔可以用嚟派畀股東。假設嗰5兄弟沽清,而領匯又搵唔到心水貨買,理論上於再一期會收少咗息。

      刪除
    10. 係,5兄弟佔去年收入1%左右,如果買到舊好似東港城咁的物業已經可以cover倒

      刪除
  13. 好期待呀!大家可以又估下呢次派多少,6月3日截止,最近磅為冠軍。

    回覆刪除
    回覆
    1. 最低要求0.83元,即增加10%

      刪除
    2. 單單看領匯在聯交所網業公佈業績的時間已經令你充满信心了,是12:01 04-06-2014,不要小看這安排,只有充满信心的公司才敢中午公佈,並選12:01而不是12:59,大部份垃圾公司都是晚上11:00才公佈,因過了大部份報紙截稿時間,不用見報。
      回頭說,看見$0.8552,我满意地笑了 :D 雖然達不到我的預測0.855563 :D

      刪除
    3. LINK仔好野!同意,呢的又系企业管理之示范!投資一定要睇系点樣既公司作風同主事人。

      刪除
    4. Link仔哥果然係神算子,竟然準到小數後4個位,佩服!佩服!

      刪除
    5. Link仔哥... Link仔哥... (膜拜ing...)

      刪除
    6. 今次又不設以股代息,一个月后就派錢,過程快左。估計中期业绩時已預備賣仔,所以不需要太多现金,吾發新股代息。

      刪除
    7. 王國龍對今年續租情況樂觀

      刪除
    8. 你地唔記得我係第三把膠椅牙,內線過料比我架 :D
      以前次次都係等2個月,今次1個月就出糧,領匯真係大把錢,費事食你果小小息,好快又有錢落袋比我場內掃貨喇 :D

      刪除
    9. 戀棧權位的令大人呀,怪不得你咁鍾意坐呢張第3把膠椅啦 XD

      刪除
  14. 領匯旗下5個商場明日截標,意向本地客購入外資拒門外
    2014/05/14 08:11
      領匯房產基金(00823)放售數個商場專案,將於明日(15日)截標,消息人士透露,是次屬私人招標形式,而業主方面意向由本地人購入,故所有外資基金將不獲邀入標,令潛在買家減少。
      領匯把旗下5個商場,交由外資測量師行進行私人招標,截標日期為明日。是次推售商場屬地區商場,分佈於葵湧、香港仔及深水埗等,而商場物業一向多為外資基金作投資重點,透過為物業翻新,提高價值,故原先預計專案可獲一批基金入市。不過,兩間曾在本港投資商場及銀座式商廈的外資基金,表示不獲邀請。
      消息人士透露,是次業主把物業招標,有權選擇合適買家,而為免外資基金購入商場後,隔兩至三年即沽出物業套現,影響民生及商戶,引來居民不滿,故所有外資基金將不獲邀競投,暫只會招攬本港長線收租客入標,無疑令潛在買家減少。《香港經濟日報》

    回覆刪除
  15. 今日星島話獲邀有英皇,紀惠,宏安,資本策略同科达地產,亦有一些外资基金。

    回覆刪除
    回覆
    1. 領匯對賣仔呢壇野非常之小心,星島仲話「其中有意入標的準買家指,領匯要求入標者代表律師,必須到其代表律師樓睇契。」

      刪除
    2. 我估最後咩都賣唔出,哈

      刪除
    3. 寶熙苑 & 葵興有機會跑出

      刪除
    4. 2014-05-15 16:50:00 蘋果即時新聞
      資深投資者黎永滔表示,有入標寳熙苑商場
      紀惠集團行政總裁湯文亮指,有入標其中一個商場,但未有透露是那一個

      刪除
  16. 世界變,賣野比人,唔睇價,睇樣,炒友唔得,鬼佬又唔得,查三代。
    最後賣唔出,但唔緊要,咁就比左個訊息出去,大家有眼睇,我地幾咁負責任,唔係淨係識加租。

    回覆刪除
    回覆
    1. 咪係囉,想一腳伸個衰仔包出街都唔得,嗚嗚~~~

      刪除
    2. 嚇呀個死仔包, 希望佢可以學乖, 珍惜睇前人

      刪除
  17. 生果即時:

    上市近九年被人鬧足九年的領匯(823),今日是旗下五個放售商場的截標日,消息指項目將於一個星期內開標。五個項目當中,以可拆售的深水埗寶熙苑商場最受注目,市傳收到約10份標,其中表明有入標的包括資深投資者黎永滔,另紀惠集團行政總裁湯文亮亦表示有入標其中一個商場,據悉也是同一個商場。

    回覆刪除
  18. 來自《星島》的料:領匯五商場截收逾20標書
    http://o2and00823.blogspot.hk/2014/05/20_16.html

    回覆刪除