呢幾日, 823的價格持續下跌, 今日最低見過$34.60, 若果係以上一期分派$0.8022嚟計, 即是有4.64%的息率, O2有點心動啊, 有D想入番些少貨壓壓倉呀。
搭多句豬頭骨先, 雖然以下只係O2的個人投資取向, 大家未必有興趣.....O2已啟動了中銀的月供股票計劃, 捧下中銀場, 已於2014-01-13以$35.60買入了280 units的823, 即是在我原先的109,700個基金單位的基礎上, 下次會再多$224.61的被動收入喇。
免責聲明：投資有風險，自己衡量，唔好跟人
＊＊＊
2013-12-05舊文：終於與領匯長相廝守了（re : 109,700 units 之由來）
收市升返上去lu…
回覆刪除HSBC 入貨價係35.625
心動價稍縱即逝，O2還是以月供方式機械性地操作好了 =.='
刪除我預期來年領匯單位派息總額為HK$1.646, (我估)基金沽領匯備錢買港燈IPO, 所以領匯價跌了不少。如果領匯的息率要與港燈看齊(6.26% ~ 7.23%), 領匯價可跌至$26.3 ~ 22.8。但基於領匯的資產價格仍然很平 (NAV 38.04), 我估要跌至2X蚊的機會唔大, 所以我都係$35.5入左貨 :)
回覆刪除我目前係睇息率做野，有接近4.5-5%我自己已可接受
刪除我睇王國龍個35.9買入價做野 XD
刪除況且, 李生賣(港燈)時你去買(佢個IPO), 與李生作對 is not a good idea!
回覆刪除我就唔會入新錢，我只會用領匯息買領匯，自己養大自己
回覆刪除我依家都係用緊股息嚟供
刪除我同意Henry分析。 李生賣時你去買，没有好下场。例子有 匯賢產業信託. 我不会买李生公司股票。
刪除領匯风险是不知以后投资大陆有几大和点玩。希望龍哥一步一步小心走路。
刪除領匯35元可以入啦，有4.5厘息，我都有入，用領匯的息買的，變相以股代息。
回覆刪除原來咁多人等住買野，怪不得我的心動價稍縱即逝啦 =.=
回覆刪除我揾到領匯狅插原因喇，因為今日係各領導出糧日子，option定價日，收市出糧價係35.2
回覆刪除CEO 龍哥袋187K 》肥肥仔
CFO 民哥袋52K 》肥仔
同你講笑咋龍哥，如果你做得好，莫講187k, 就算1.7m都冇所謂，不過基佬同你真係好friend
話說認真，大插可能又係老原因，下個禮拜又講減QE
更正：
回覆刪除(1）係同基金佬好friend
(2) 應該係187k x2 , 52k x2
係芬佬，唔係基佬，嚇死我，以為你爆龍哥私隱 :O
刪除我个人猜算2月18日EGM之前，領匯股价都会不太稳定。
回覆刪除其實股價方面我唔係太著緊，只要派息穩定，一次多過一次，就已經好開心 :D
刪除發口痕噏多兩句，雖然間中會有人質疑O2的真正身份，或者係覺得我發錢寒，甚至乎係食咗人家茶禮，又或者係特登寫blog催谷股價等等，清者自清，老實講，O2實際上好少做買賣，對上一次主動買野已經係2011-10-03。雖然我喺《O2被監視？》一文裡老點WICKY要在七七四十九小時之內睇晒我的網文來認識O2，仲話要佢一篇都不能少添，講笑啫，邊會有人咁儍仔吖！
回覆刪除睇晒就真係無謂喇，與話題有關連的，睇一篇半篇又何妨，2011-11-10的舊文《執死雞》，或許可以對O2知多一點點
http://o2and00823.blogspot.hk/2011/11/blog-post_10.html
我也好少做買賣。但过往9过月，股價上落好大。个人心理EQ要好好才可克服。
回覆刪除股票市場波濤洶湧，要坐得穩的確唔易
刪除