(from Yahoo Blog)
2013年5月24日下午3:43｜公開｜累積瀏覽 797
■阿信屋挑戰超市，五公斤裝越南米僅售$37.8。資料圖片
2013年05月24日【蘋果日報】
759阿信屋挑戰超巿，前日首賣越南白米，五公斤裝售37.8元，較其他超巿賣同級越南米平近三成，爆發搶購潮，其中沙田禾輋旗艦店昨日三小時內售罄1,200包白米；網民瘋狂「讚好」，指阿信屋「進行公平貿易」、「打倒超市聯手標價霸權」。阿信屋預計首批10萬包米月底前沽清。
領匯禁售日用品
阿信屋創辦人林偉駿昨日表示，周三開始100間分店售賣越南白米，反應熱烈，各間分店半小時內已經售罄。
其中禾輋旗艦店前日售600包，甫上架即沽清，昨加碼至1,200包，三小時內被搶光，「越南白米定價42蚊，我再減價九折賣37.8蚊，比其他超市賣同級越南白米平近三成」。林預計10萬包白米月底前沽清，會繼續入貨，稍後推長者優惠。
位於赤柱領匯商場的阿信屋分店，遭領匯禁售洗衣粉等日用品，有街坊指不便；林偉駿無奈說，與領匯簽約有規限售賣日用品數量，「領匯話我哋賣日常用品多得滯，要收起一啲唔賣」。
林偉駿指領匯不敢嚴管超巿，對小店較嚴苛。該商場有百佳超級廣場。
＊＊＊
(網上圖片)
＊＊＊
回應：
Coils 2013年6月1日上午1:22
O2，您好！非常抱歉已經個幾月無睇Blog，今晚一睇不得了！報告下買越南米原先是得5萬包，試下給街坊多一個選擇，但想唔到出現熱賣！另外赤柱店是可以賣日用品的，今次事件不過是要放少的近門口，同事反應以為有人投訴，便急急打包退回總倉。其實阿信屋賣日家本日用品，是一年多前已在街舖開始因效果唔錯，所以向領匯申請新舖加5至10%日韓制日用品，我地賣的是日韓制水貨，與其他家品店實有所不一樣的。放心我做生意是有我的目標，不會唯利是圖！多謝您一直的支持！阿信屋林偉駿
O2 2013年6月1日下午6:36
尋日至有人同我講, 話好耐冇見林老闆留言, 嘿~你即刻就出現了, 又會咁蹺嘅?!
其實823與759兩者的經營理念有點相近, 都係以合理價錢提供相對優質的服務/產品俾普羅市民, 所以O2一早已經對呢兩間公司著了迷 (其實係迷了魔比較貼切)。
也說說赤柱店, 畢竟阿信屋係以零食為主打, 該店「大堆頭」式將日用品陳列於櫥窗最當眼處 (而且係最貼近a&m門口的櫥窗), 我之前行過, 也覺得唔多妥。
作為消費者, 對阿信屋提供多點選擇, 當然萬二分歡迎 (但係你嘅競爭對手就唔係咁諗), 也明白街舖與商場舖的營運策略會有分別, 反正租約早已講明, 依約辦事便是了, 實不用介懷O2這隻塘邊鶴阿吱阿咗。
最後要順便讚讚領匯, 根據林老闆所講, 赤柱店一事只係一場誤會, 而唔係有人投訴, 即是話係領匯職員主動做野, 保持場內的生態平衡, 沒有隻眼開隻眼閉, 當冇野發生,「執行力」確是一流。
Link 2013年6月4日下午7:02
支持林老闆越南米德政
*****
自動大懶蟲 2013年5月26日上午8:45
"唔比賣" 同 "唔好賣咁多" 係兩件事, 同埋做乜唔炳李+x ... 緊係百x 出聲啦.... 係唔係領匯好蝦D
carrot_86 2013年5月26日下午5:24
領匯出晒名好蝦... 乜都入領匯架啦
O2 2013年5月27日下午5:33
1. 真要佩服領匯的執行力及草擬租約時的周全考慮, 報導話「林偉駿無奈說，與領匯簽約有規限售賣日用品數量」, 既然一早講明, 領匯跟合約做野, 冇咩唔妥啫!
2. 個人直覺, 我諗未必關百佳事, 事關阿信屋隔籬係一間賣美國雜貨的a&m US Groceries, 有賣來路日用品, 阿信屋踩過界兼賣洗頭水等日常用品, 對a&m有一定影響, 領匯作為負責任的商場營運者, 有必要平衡各商戶之間的利益, 我覺得領匯做得好稱職喎。
Link 2013年5月27日下午10:55
如果租約已平衡租戶間利益，確是一德政。
O2 2013年5月28日下午5:02
商戶組合是經過規劃的, 唔係話個商戶鍾意賣乜就賣乜, 阿信屋簽赤柱廣場時, 本來只係間零食店, 後尾至賣埋日用品, 估唔到領匯草擬份租約咁有前瞻性, 一早估到阿信屋會撈過界。
沒有留言:
張貼留言