(from Yahoo Blog)
2013年4月20日
今個星期日 (2013-04-21) 領匯會同麥記攜手, 喺天瑞商場搞一個叫「麥當勞．領匯開心彈跳樂」的推廣活動, 於是我山長水遠、長途拔涉, 由柴灣過嚟天水圍同佢打氣, 算有心喇啩?!
交通：港鐵柴灣站 → 葵芳站 → 轉九巴69M
1. 天端商場 (地址：天水圍天瑞路9號) 1993年落成, 啱啱好齊頭20歲, 商場面積159,300呎, 於2012年完成資產提升工程, 比起之前巡過某些噏耷場, 天瑞商場絕對唔失禮架。
2. 24小時營業的麥當勞 (G1號舖), 仲有埋McCafe添。又話聽日有function嘅? 又唔係好覺場內有乜野特別宣傳咋喎?!
3. 睇睇759阿信屋 (G6號舖) 嘅營業時間先, 係朝9晚11, 已大概揣摩到呢個場的客流量。
4. 阿波羅 (G8號舖), BBS博雅圖書文具 (G9號舖)
5. 商場內的中庭。商場人流量最高的通道分佈咗好幾間服裝店, 以黃色招牌的 iConic (G10號舖) 最有小店feel, 最有個人風格。
6. 另一時裝店 EG Fashion (G11B號舖) 則是連鎖式經營。自從喺鯉魚門廣場 (領匯) & 大本型 (房委屋) 都同時見到呢個招牌出現之後, 開始有留意呢個寶號。
7. 名視眼鏡中心 (G12號舖) 對出有個疑似執過位的顧客服務台。
8. 天河體育用品 (G14A號舖)
9. 仲以為賣文具玩具的千年史 (G16號舖) 只集中火力喺將軍澳區, 原來喺天水圍都有插旗。
10. 美利鞋店 (G17號舖) 對出, 有兩部恒生ATM機。另外, 30號舖亦有間中國銀行支行, 咁都幾方便。
11. 都係時裝店, 走薄利多銷路線, 廿零卅蚊有交易, 款式不差。舖頭中文名寫得好潦, 唔識睇, 商場水牌叫佢做「Shop 1」(G22號舖)。我棟喺度研究咗好耐, 中文名好似個「荷」字, 又似係「如何」兩個字加個問號, 再加3點, 即係叫「如何?...Shop 1」, 古靈精怪。不過叫乜名都唔重要, 反而佢D貨好熟口面。吖! 我諗起嘞...同小西灣廣場嗰間「衫 Style Fashion」, 無論係款色同定價都一模一樣, 我覺得佢地一定係有關係。
12. 未巡完商場架, 不過我順住D舖頭冧巴介紹。最前面係G24至G29號舖, 呢截係醫務所專區, 偏離主商場範圍, 同主商場之間俾個街市隔開咗。
13. 睇番主商場。續杯 (G32號舖) 賣台式飲品及小食, 對出就係大大個的歡樂廣場, 亦即係某年大年初三, 領匯搞百人單車舞火龍的位置。
14. 跟住搭扶手電梯上1樓。(名視眼鏡中心．G12號舖側)
15. 上到1樓。圍繞住「八角形露天中庭」的落地玻璃, 周圍都放滿五顏六色的長凳, 呢邊係粉紅色。
16. 百佳超級廣場 (L101號舖) 外用桃紅色長凳。
17. 寶發洗衣公司 (L104號舖), 皇后 Queen's Salon (L105號舖)。呢邊D凳係鮮黃色。
18. 瑞亨參茸藥行 (L106號舖) 外係檸檬黃色。
19. 生記山西刀削麵 (L111號舖), G4 Computer 資科電腦 (L110B號舖)
20. 生記山西刀削麵 (L111號舖) 外的扶手電梯, 就是領匯加裝的嗎?
＊＊＊
領匯官方網頁對天瑞商場資產提升工程的描述：
天水圍天瑞商場的資產提升工程已於2012年3月間完成。 商場內部及露天「八角形中庭」均已全面翻新。 為方便顧客往來穿梭各樓層及加強空間感， 場內的行人通道及空間佈局都已重新規劃， 當中在商場地下增設兩條扶手電梯直達商場一樓及將近「 八角形中庭」的地台位置已升高至與商場相連接， 改善暢通無阻通道設施之餘，令通道四通八達，人流更加暢旺。 翻新後的商場裝潢間隔時尚，讓人耳目一新， 透過引入不少特色商戶進駐， 為顧客居民提供一個不一樣的舒適消閒體驗。
＊＊＊
| 天瑞商場．商戶名單 @2013-04-20 | ||
| G1 | 麥當勞 | |
| G2A | 大快活 | |
| G2B | Vango便利店 | |
| G3-4 | 聖安娜餅店 | |
| G5 | 天瑞中西藥房 | |
| G6 | 759阿信屋 | |
| G7 | Arumi (鞋店) | |
| G8 | 阿波羅 | |
| G9 | BBS博雅圖書文具 | |
| G10 | iConic Family Wear | |
| G11A | PHD薄餅博士 | |
| G11B | EG Fashion | |
| G12 | 名視眼鏡中心 | |
| G13 | 歌婷寢室用品 | |
| G14A | 天河體育用品 | |
| G14B | 美心西餅 | |
| G15 | 美心香港地 | |
| G16 | 千年史 (文具玩具) | |
| G17 | 美利 (鞋店) | |
| G18 | 八方社 | |
| G19 | 大運河體育用品 | |
| G20 | 創藝 Show Art Salon | |
| G21 | 大昌食品專門店 | |
| G22 | Shop 1 (時裝) | |
| G23 | 包點先生 | |
| G24 | （吉舖） | 420呎 |
| G25 | 天躍醫務中心 | |
| G26 | 天慧琴行 | |
| G27 | 牙醫王維知 | |
| G28 | 牙醫黃志榮 | |
| G29 | 西醫何建忠 | |
| G30 | 中國銀行 | |
| G31 | 萬寧 | |
| G32 | 續杯 | |
| G33 | OK便利店 | |
| 恒生ATM機 | ||
| L101 | 百佳超級廣場 | |
| L102 | 稻香 | |
| L104 | 寶發洗衣公司 | |
| L105 | 皇后 Queen's Salon | |
| L106 | 瑞亨參茸藥行 | |
| L107 | 波仔 | |
| L108 | 吉野家 | |
| L109 | 公文式賞湖教育中心 | |
| L110A | （吉舖） | 473呎 |
| L110B | G4 Computer 資科電腦 | |
| L111 | 生記山西刀削麵 | |
| L112 | 抵記$8.8百貨 | |
| L113 | 歡樂電業 | |
| L114 | eCosway 特惠店 | |
＊＊＊
天瑞街市已全面改造翻新。最近去過，有的似耀安街市，乾淨，整齊，人流好多，生意不錯。可似改造的旧街市，823都会盡力做，不一定用大超市取代之。呢个系一現實例子。
回覆刪除改唔改做超市，其實唔可以一概而論，要配合埋周邊的社區設施，簡單Ｄ講就係因地制宜，呢樣野冇人清楚得過領匯。
刪除不過有細路仔唔識野，一聽到話街市轉超市，就好似黐咗總掣咁發晒癲，都唔知好嬲定好笑。
而家天瑞街市變哂做開放式, 一D 都唔似以前既街市
回覆刪除根本以前天瑞街市都運作得幾好, 又有冷氣... 無人話有問題! 人流亦都幾好 !
而家天瑞個街市整到成marketplace/ 360 咁 , 背後咪又係領匯想cap 水, 魚肉小商戶! 你睇呢則新聞就知,
=======================================
領匯豪裝公屋街市，小商戶被加租八倍！服務全邨逾二萬五千人的天水圍天瑞街市裝修在即，「大執位」後將加入高科技設施，惟豪裝背後卻潛藏大幅加租隱患。部分檔戶不但面對舖位面積大減、日後租金數以倍增，還須繳付數萬元裝修費方獲續租。立法會議員與區議員狠批領匯亂設「不平等條約」逼小商戶離場，居民最終難逃「捱貴餸」，要求政府介入事件。
300呎變160呎租3.1萬
「加到成三萬幾蚊一個月，仲要搬去角落頭位，仲點租？」劉先生受僱於街市一間裝修店多年，透露裝修店將不敵加租打算離場。劉指舖位面積約三百呎，但領匯竟要求店東於翻新後遷往約一百六十呎小舖才獲續租，租金則由約六千五百元大增至三萬一千元，呎租變相勁升近八倍。
至於經營車仔麵檔的戶小姐則說，領匯表明擬將其舖位「一劏四」，如欲續租便需遷往面積「細一半」的舖位從頭開始，現有設備將全部報廢，新舖呎租不但增加一倍，入場時更要一筆過繳交四萬元「裝修費」，「呢四萬蚊淨係包電掣、風喉同八達通機，舖面裝修仲要我哋自己再畀錢做！依家係領匯要豪裝個街市，點解要將成本轉嫁去我哋度？」
議員擔心居民「捱貴餸」
「領匯逼走晒啲小商戶，最終受害嘅都係街坊！」元朗區議員周永勤擔心街市租金上升，最終會令居民「捱貴餸」，要求領匯慎重考慮街市租金加幅，並以明細表形式交代「裝修費」涵蓋範圍，以確保收費合理。立法會議會陳恒鑌則狠批領匯亂設「不平等條約」逼小商戶離場，做法極不負責任，要求政府介入事件，「當年房署賣產畀領匯，議員擔心居民「捱貴餸」
「領匯逼走晒啲小商戶，最終受害嘅都係街坊！」元朗區議員周永勤擔心街市租金上升，最終會令居民「捱貴餸」，要求領匯慎重考慮街市租金加幅，並以明細表形式交代「裝修費」涵蓋範圍，以確保收費合理。立法會議會陳恒鑌則狠批領匯亂設「不平等條約」迫小商戶離場，做法極不負責任，要求政府介入事件，「當年房署賣產畀領匯，雙方都承諾過會履行社會責任，但依家就將啲公屋街市豪裝加租，又亂咁巧立明目收錢，仲點提供價廉物美嘅貨品畀市民？」
==================
無啦啦要人裝修自己又唔貼錢, 呢D 改動根本毫無需要!
領匯只係想自己賺多D, 漠視邨民既需要!
你話「根本以前天瑞街市都運作得幾好, 又有冷氣... 無人話有問題! 人流亦都幾好」，多謝你稱讚領匯喎！
刪除乜原來係似market place/360呀！你講得咁吸引，O2好想去參觀下呀！
好嘞，開始同你玩扯貓尾：
1.房署年代是以公務員思維營運商場／街市，抱著「多做多錯，少做少錯，唔做唔錯」的態度，所以唔會主動求變
2.領匯係私人機構，追求「利潤最大化」就梗架啦，即是你口中所講的「想賺多D」
3.好地地的街市，做咩無啦啦要裝修？呢D就係精益求精，「可持續發展」的表現。
4.檔口縮細，係因為要改善空間，加寬檔與檔之間的走廊位，提供無障礙通道，大家都行得舒服D，推BB車、拖買餸車仔、或者係坐輪椅都一樣出入自如。
5.做生意最終係睇bottom-line，唔係話檔口愈大，D檔販就賺得愈多。你以為如果100呎檔口可以月賺$1萬的話，咁租夠1,000呎就會月賺$10萬嗎？
6.人地檔主個個都係生意人，數口都不知幾精，你少擔心好了。
个人目測，所有档位都在营业。如果租金條件不合，档主可以吾租，睇下有冇人去租，呢个系自由市場。我自己無去格價，但咁多人系度買嘢，应該表示几受街坊歡迎。同埸亦有几档賣小吃，外面世界又会見到几档可以生存？大小档主各自發揮，各自精彩，天瑞加油！
回覆刪除其實我最想知報導中的「裝修店」和「車仔麵檔」仲有冇繼續做？
刪除我系途中見門口吸引，所以由頌富行過去睇下。吾好意思，真系答吾到你。有冇街坊好友可俾下資料？
回覆刪除唔緊要啦，我都係順口問下啫
刪除