(from Yahoo Blog)
2012年10月31日下午4:40｜公開｜累積瀏覽 898
我有幾撐阿信屋, 一早已經俾你地睇穿晒。
阿信屋賣紅咗隻韓國芝士拉麵, 為消費者帶來前所未見的「超低價」。
於是乎相類似的零食專門店, 亦將不倒翁芝士拉麵放喺最當眼處, 並以低於阿信屋價出售, 藉以營造一個「平過阿信屋」的感覺。
我站喺為食鬼立場嚟講, 當然樂於享受呢份漁人之利啦 :P
今日喺小西灣遇到759阿信屋架貨車
準備派貨去分店
冇錯嘞, 係派去小西灣廣場分店
阿信屋賣呢隻不倒翁芝士拉麵, 賣到開晒巷, 八達通價係$18.5, 試過有幾日特別公價$17.9。百佳就長期特價$25.9, 睇怕以後都賣唔番正價$32.9咯!
亦有其他零食專門店以會員價$17出售, 營造一個「平過阿信屋」的現象
另一間零食專門店——味の誘惑, 一路都係睇住競爭對手嚟訂價, 芝士麵不斷降價, 依家已經跌到落$16.9
吖! 香港人突然間消耗多咗咁多芝士拉麵, 唔知個韓國廠家會唔會覺得好奇怪呢!?
＊＊＊
回應：
Coils 2012年11月1日上午2:25
O2兄：您好!多謝你（禁）高影落嚟好清楚，小心的!
仲有你根我追我平你重平我好你重好,在自由市場經濟與完全競爭巿場下,
我有幸做隻領頭羊仔,是我榮耀。其實廠家方面如你所言都有點點驚奇！佢地位主席都寫電郵給我話出貨多左。再講我都想的野平的!大家都平的最好! 759阿信屋 林偉駿
O2 2012年11月1日下午5:05
多謝關心! 咁啱行過天橋時, 順手影架咋, 我冇爬出去, 一D都唔危險, 惟一係驚一時鬆手, 跌咗部機落街啫 =.='
我係自由市場擁護者, 當然歡迎有競爭啦! 當我第一次認識阿信屋, 已經對阿信屋的經營理念著了迷, 依家中晒毒, 冇得救架喇! @@
沒有留言:
張貼留言