(from Yahoo Blog)
2011年12月17日下午5:13｜公開｜累積瀏覽 663
今朝一早, 聽到新城財經台訪問領匯兩位管理層, 佢地提到赤柱廣場, 搞到我又心郁郁, 去赤柱行咗一轉。
由柴灣港鐵站搭16X綠Van去赤柱, 新收費係$7.2。
赤柱廣場 (地址：赤柱佳美道23號), 剛完成資產提升工程, 於2011-11-25重新開幕, 係香港首間, 亦係現時全港唯一一間可以帶狗入去嘅商場
商戶指南變咗咁樣......型仔咗幾多!!
G/F, 拆咗D圍板, 種晒花, 同上次嚟差好遠~
1號升降機 & 1號樓梯, 供帶狗人仕專用, 睇唔睇到D狗狗標誌呀~
見到狗狗腳印, 就知呢度可以俾狗狗行
Dog Parking, 泊狗的地方
估唔估到紅色黃色嗰D係乜? 唔好以為呢度係兒童遊樂場, 其實係單車停車場, 能不佩服領匯的無微不至嗎?
舊租戶Gino's Gelato (G09號舖) 喺商場翻新期間一度暫停營業, 依家都回歸咗。旁邊的帆風造型兒童遊樂設施經已開放
D露天枱凳搬咗過嚟呢邊
上次冇影, 今次影番, 麥當勞餐廳內的男、女廁公仔。我覺得得意嘛! (G02-03號舖)
由呢條樓梯行上一樓睇吓先~
顧客服務台 (1樓)
聖誕裝飾用晒藍色系列, 配合番整體商場嘅用色 (1樓)
1樓的商戶
G.O.D. 住好啲 (105-108號舖) 的入口設計。那唐樓構圖裝飾, 驟眼睇以為係木制品, 原來唔係...
左手邊嗰間舖, 將會開「霞飛點心拉麵」(101號舖)
一間舖分兩個門口, the cupping room & the chocolate room (207號舖)。咁蹺見到TVB隊crew拍梗野, 可能係D飲食節目, 介紹呢間舖頭啩? 今朝個電台訪問有講過一間咖啡店, 話個店主本身係赤柱人, 喺赤柱讀完中學, 就去咗留學......仲話佢嬴過個咖啡師獎添...我估係講呢間
Jim Marvin Designer Christmas (208號舖) 專做聖誕裝飾設計, 照睇應該係短期租約, D野好靚, 唔係一般文具店嗰D聖誕裝飾。咁啱有義工哥哥姐姐, 帶住一大班小朋友嚟參觀, 雖然係冇幫襯, 店方都送出一人一份小禮物, 逗得朋友仔們歡天喜地...... MERRY X'MAS
今次吸引我再嚟赤柱廣場嘅其中一個原因, 係電台訪問提過呢間master wong (401A號舖)。舖仔細細, 做改衫、補鞋, 由一對中年夫婦掌檔, 簡簡單單的陳設, 帶點懷舊feel, 好有味道。我又即刻諗, 呢個場咁多外藉人仕, 佢地點樣溝通呢? 哦...原來係一對能操流利英語的夫婦, 有多年製衣經驗......僅祝黃生黃太, 生意滔滔, 東山再起!
4樓醫務所外的平台花園, 仲差少少工程, 就可以開放使用
上次呢個招牌未剪綵, 今次梗係要影番喇!
露天停車場 (5樓．佳美道)
新招牌 (5樓．佳美道)
巡視完業務, 落番樓下準備走, 見到TVB隊crew都未走, 仲錄影梗。走埋去八掛吓, 見到湯盈盈 (最左邊, 著紅裙, 踎低嗰個), 錄完英文又錄廣東話, 好似係介紹梗赤柱, 不過我唔知係乜野節目呀! 有人話係《明珠生活》, 唔知係咪呢!?
落到地面, 影吓個玻璃天幕廣場。赤柱廣場呢邊, 遊人川流不息, 熱鬧得嚟, 又帶一點閒情。反觀, 僅僅一步之遥, 由房委會管理的赤柱馬坑公園, 卻鬼影都唔多隻, 白白浪費了
戶外聖誕裝飾
赤柱廣場翻新時, 領匯加咗多項環保元素, 並贏得「環保建築協會」頒發最高「白金」評級
＊＊＊
沒有留言:
張貼留言