2017-08-08｜am730｜與Grassroots O2談領展商場 by 湯未生 (原文連結)
有感Blog友們可能都想同湯生交流下, O2匆匆忙忙下出了這個po
－ － －
[ 延伸閱讀 ]
2017-07-27｜蘋果｜利字當頭：領展營商何罪之有 by 利世民 (原文連結)
＜Ｃ觀點 by 施永青＞
2011-03-23 C觀點：怨舖租貴 共產更好嗎？
2010-02-12 C觀點：市場機制還可信賴嗎？
2010-02-11 C觀點：天道不仁 專欺小戶
2010-02-10 C觀點：中小企如何面對加租
2008-12-22 C觀點：回購領匯 思路不通
2008-04-22 C觀點：超市可如何訂價？
2007-09-14 C觀點：政府不會入股領匯
2007-02-02 C觀點：領匯有沒有定錯位？
2007-02-01 C觀點：領匯有必要益商戶嗎？
2007-01-31 C觀點：誰來決定租金的合理性
2007-01-30 C觀點：領匯有權揀租客嗎？
2007-01-29 C觀點：高租金的地方好世界
//參考房署商場招標公告，以證明房署分配效率低下，領展接手立即改善，賺錢能力全面提升。//
回覆刪除湯生的傳心術不靈光，讓O2補充一下
首先，房署營運效率低是有目共睹的事實，O2犯不著再花時間去證明
O2之所以紀錄房署的招標公告及中標個案，旨在參考商戶的承租能力。不論大中小企業，每位經營者也會計數，房署訂出每個舖位的指定行業及底價後，經過公開招標程序，以價高者得的原則來批出租約，入標者自己計掂數才落標，所以，他們的中標價對O2來說，很有參考價值。
問題，你確實有數據證明左呢樣「房署營運效率低是有目共睹的事實，O2犯不著再花時間去證明」，你每月搜集的數據和資料，都是證明呢樣。例子:
刪除https://o2and00823.blogspot.hk/2017/07/blog-post.html
https://o2and00823.blogspot.hk/2017/06/2017-06-20.html
https://o2and00823.blogspot.hk/2017/07/vs-2017-06.html
Grassroots O22017年7月8日 下午8:03
追加咗房署官網，房署講明佢地係以「價高者得」原則批出租約，所以O2覺得係D商戶認為新場有得做，就搏命出高價，搶租心頭好，而舊場拍烏蠅，於是叫唔起租
Grassroots O22017年7月8日 下午8:04
留意番，紫色框內的秀茂坪商場，是領展的
Link仔2017年7月11日 下午9:48
謝O2提醒，應是這樣:
舊物業 : 費事裝修，比人話谷高租值，無論業主租客雙方都翹埋雙手
新物業 : 因為冇話題,所以政客睬你都傻,無論租幾錢都冇興趣理
至於領匯接手立刻改善，你博客已有不少例證。
所以別要自打嘴巴。
O2的表達能力太差勁了，上面的意思是毋須「參考房署商場招標公告，以證明房署分配效率低下」
刪除已上市10年了，現在才去反思是否應該上市，湯財已不是7~8年前思路清晰的財經分析員了
回覆刪除係就係遲咗少少，不過O2倒覺得「現在才去反思」冇乜大問題，正所謂「遲到好過冇到」，事發10日可以反思，事發10年也可以反思，甚至100年後亦可以反思，居安思危，前車可鑑，依家庫房就話大把錢啫，點知香港政府幾時再會有窮到燶的一日，迫於無奈再一次要出售資產喎
刪除如果要我反思，就是太遲上市了，應1995年才對😀
刪除我以前都好支持領匯上市，商場有改善，甚麼都好起來。但去年初我有一段時間收入不繼，又要養家，冷靜想起問題，自然就會感覺領匯是有一些問題。
刪除就算集資，未必一定要全賣，就算以收益權化作五路一橋債形式也可以，最重要保留到主動權。
如果你一支公宅男，收入低，無生計壓力，不用日日買菜，完全不會感覺到這個問題。如果你是一個老人，日日買菜，要計較價錢，收入高了，開支更高，有生活壓力，自然會明白我講甚麼。年輕人支出低，無壓力，自然覺得領匯好，但人始終會老，又養起家來，壓力油然而生，到時你會感覺到領匯和以前比，自然就會敏感些。
我想以上兩位都未成家吧。
寫報紙稿有好大限制，有時不能寫得好放，只能用一些詞語掩蓋真實的意圖，免得報紙覺得麻煩，會刪稿。湯未生已經有幾篇給人改了內容，甚至直接刪去了。
刪除經我研究，領匯是可以罵的，但是也要有一個分寸。
至於思路，我覺得你是看得明白我言辭淺白的那些，近年資料性那些已沒有看了。我亦沒有時間寫得太多，因為其實已經寫緊好多約稿，只是很多沒有放在手記上面。每星期要寫最少兩千多三千字，這個星期我想我寫了過萬字也說不定。
刪除利申：O2乃退休人士，雙親健在，一家三口加埋共228歲，每一餐的飯餸錢都諗過度過，一點也不輕鬆，因家住柴灣，屋企附近有好幾個領展商場，因而認識到領展這家公司，而領展分派的每一分每一毫，對O2一家都非常非常之重要
刪除講開又講，也講下連鎖店，其實依家話唔鍾意連鎖店的人，多數都是後生仔，像O2這類死老鬼，都不知幾鍾意去連鎖快餐店打躉吹水，坐幾耐都得，唔怕阻住人地做生意，唔怕畀小店老板黑面
刪除就好似大快活咁，有埋長者優惠，每一份餐可以減3蚊，每月上限$300，對老人家來說真係好吸引，而且仲有埋送餐服務，幾體貼
九倉擬分拆逾2300億投資物業組合上市
回覆刪除九龍倉集團(00004)宣布，計劃以介紹形式分拆其全資附屬公司九龍倉置業地產投資有限公司獨立上市，該建議亦已獲聯交所批准，正準備向聯交所申請批准其股份於港交所主板上市。
集團表示，九龍倉置業地產投資將以香港投資物業為主，持有九倉擁有72%權益的上市附屬海港企業(00051)，亦將持有一個由海港城、時代廣場、荷里活廣場、卡佛大廈、會德豐大廈及在建中的酒店項目The Murray的6項香港投資物業組成的組合。該組合共有約1100萬平方呎樓面面積，總值超過2300億元，每年營業額逾130億元。
分拆後，九倉將集中於中國內地投資物業及發展物業、其他香港物業，以及物流和酒店管理。
九倉真醒目
刪除九倉呢隻同REIT差冇幾,幾有潛力
刪除首先，係咪只有小店先可以做街坊生意，連鎖店唔得呢？在下好有保留，在下響商場工作時，都見部分連鎖店店員同街坊關係密切；相反，有Ｄ小店老細其實都幾麻煩下，有時對街坊都串串貢，不過響房署年代就算間舖頭做得幾差，甚至經常唔交租同成日擺貨出門口，只要傾續約果排執返好，房署職員都會照同佢續約。
回覆刪除領展接手後真係只係通過各種手段增加店舖營業額？就用黃大仙嚟講，領匯之前條龍翔道天橋只係接駁南館一樓，接手後收返廣泰，用入面空間去加建天橋通道，令顧客唔駛再行樓梯上天橋，亦響果邊加裝幾對扶手電梯，呢Ｄ方便咗顧客嘅嘢又唔見你講？
如果講黃大仙，冇錯南館係冇咗百佳，但唔好忘記冬菇亭果邊仲有間特惠超市，呢間都開咗好多年啦，唔好選擇性眼盲。更加唔好講房署年代兩邊舖頭好多都一樣，雅施大家樂麥當勞叙福樓（兩間酒樓再加五十嵐）百佳福臨珠寶聖安娜美心西餅等等，而家比較乜選擇真係少咗？
1. 小店做街坊生意又好，連鎖店做街坊生意都好，問題是收入分配的問題，小店賺到錢是自己的，連鎖店賺到錢是再分配比你，兩個是不同的。
刪除2. 小店的角色是老闆，連鎖店的角色只是打工仔，以打工仔的角度去睇，你當然覺得打工作和善，因為生意好唔好都唔關員工事，只會關老細事，你有沒有從這個問題想過呢?
3. 領匯對黃大仙的改善只是消費體驗，並不是一般居民所需要的東西。沒有了路最多繞過兩個圈。但沒有買菜的地方就要花錢出去食，或者行得更遠。你不是負責買菜的人，就不明白這個問題。
4. 特惠超市同以前北館果間大百佳完全不同。我以前補習有個家長是同他打工。間野主要都是買雜糧，生果同菜不多。以前間大百佳是甚麼都有，菜、肉、魚、麵包、燒味等等等，應有盡有，有一陣還有電器，取代了街市。何況特惠都是要行一大段路的。
你要明白，消費性行商場和民生性行商場是有分別的。我想你真是好少去商場買菜出去食的人，消費力有一定水準。如果你真是無錢又老，真是會明白現在黃大仙中心是甚麼一回事。
雖然，我今日去過黃大仙食飯，但我心是想回家煮飯，但因為附近好的買菜選擇不多，所以平平地找間餐廳食，都覺得好煩。
一日兩日行半個鐘買菜可能覺得無咩野，但你日日咁去買自然會覺得好煩厭，希望你明白我在講些甚麼。
刪除呢兩個商場由上海商業銀行/international/實惠頭端北館尾端，行到麥當勞/大家樂南館尾端是要十五至二十分鐘的。如果一個人住在冬菇亭附近果幾座公屋，或是住近黃大仙上村電梯塔果兩三座，買菜是兩頭都唔到岸，行一轉最少十五至二十分鐘。
1. 你嘅假設係小店同連鎖店營業額一樣，但而家其實幫襯小店嘅人唔多，尤其係小店賣嘢貨品種類較少，就算係一樣，有時都會比連鎖店高（唔係冇平過連鎖店嘅，但好少響領展商場搵到）
刪除2. 而家做打工仔自由得多，而家小店好多時由於收入有限，隨時手停口停，就算病都要照捱，但打工仔病咗可以請病假，多過三日仲有五分四糧，而且打工仔仲有好多有薪假期。不過連鎖店係咪生意好唔好都唔關員工事呢？好多零售店員工都有銷售獎金，食肆員工除咗可以分貼士有Ｄ仲有其他獎金，有Ｄ生意差嘅，咪摺舖炒員工囉，所以生意好唔好唔係唔關員工事的。仲有就係在下講緊連鎖店員工都會有人情味，呢樣唔係小店先有的
3/4. 在下以研究寫作為主仲有做兼職，煮飯買餸對在下嚟講太嘥時間，機會成本太高，有時間先會煮。而家亦有唔少人唔會響屋企煮飯啦
追影族, 而家都仲有好多人幫襯小店
刪除我就寧願幫襯茶餐廳多過麥當勞kfc
人情味係講老闆同顧客, 唔係員工同顧客
例如小店老闆可以同顧客吹好耐水, 連鎖店員工得唔得?
小店老闆可以收多或者收少顧客錢, 連鎖店員工可唔可以? 俾貼士要睇公司政策喎!
連鎖店賣平D，條數都響返度啦
刪除2017-08-12 Billy講股：公有化領展可行嗎？
回覆刪除http://richman1958.blogspot.hk/2017/08/blog-post_12.html
//若特區政府順從民意，公有化領展，它們便可袋走千億港元。這些外資基金實應該向支持領展公有化的本港市民說聲，Thanks for your foolishness！//
睇下政府做大股東嘅港鐵搞成點先講啦，車費就年年加，服務就越嚟越差，政府真係咁順從民意嘅又唔見佢減車費？
刪除