總瀏覽量

2017年7月25日 星期二

湯未生赤柱之旅

《am730》專欄作家湯未生先生日前曾到訪赤柱廣場, 並產生以下疑問:

『究竟領展的定位是否視當初長居於此居民需求於無物,只以旅客為先?未生認為,如果賺錢失去了服務當地居民需要,感覺還是不太合理。』


 
2017-07-25《am730》赤柱之旅(中):昂貴的赤柱和巴巴寶貝 by 湯未生 (原文連結)


‎Chee How Billy Wong‎上載到《香港購物商場的歷史與論述》fb專頁的Brochure
 
 
同湯先生一樣, O2最初也誤以為赤柱廣場的服務對象是龍德苑和馬坑邨的居民, 直至某年某月某日, 從網上見到Chee How Billy Wong所上載的招商文件, 裡面左一句遊客、右一句遊客, 常言道「重要的事情要說三遍」, 因此「遊客」一詞在赤柱廣場招商文件中, 一共出現了4次之多, 對當區的公屋及居屋居民則隻字不提, 當佢地透明, 可想而知房署打從Day 1開始, 已為赤柱廣場的定位定了調, 領展只是秉承房署的遺志而已。
  
 
 
***
 
 
Grassroots O2的赤柱廣場巡視遊記:
 

83 則留言:

  1. 咁多個資產中,赤柱的潛質係發揮得最好的,這亦是我開始留意823的原因

    回覆刪除
  2. 其實赤柱廣場一啲都唔賺錢,你比起小西灣差好遠, 我覺得佢係服務香港,幫香港建立旅遊形象,佢攪好多活動根本冇錢賺,赤柱 唔做遊客行業,做一般屋邨生意係浪費資源,湯先生真是語無倫次

    回覆刪除
    回覆
    1. 你先語無倫次

      屋邨商場搵唔到適合舖頭畀屋邨居民, 係咪喧賓奪主?

      如果領展想賺錢, 可以將商場劃分遊客區, 同廉價區
      遊客區可以提供貴價貨品,
      廉價區可以提供基本居民所需

      一家便宜兩家著

      刪除
    2. 這個場的年收益本身很水皮,實在想不通將個場劃分兩區會好賺過依家,閣下可以解釋得詳盡一點嗎

      刪除
    3. 1. 赤柱廣場太細,唔夠位分兩區
      2. 赤柱廣場服務嘅唔只係馬坑邨同龍德苑,大潭道、赤柱村道等等一帶住宅(部分提供穿梭巴士)居民亦會幫襯,呢D居民亦有購物需要,唔係只得你龍德苑同馬坑村
      3. 遊客區做居民生意,D遊客唔會幫襯所謂「廉價區」咩?到時居民又會話遊客搶食啦

      刪除
    4. 4. 赤柱距離市區咁遠,運輸、人工成本都唔平,就算做廉價區,反映咗呢D成本後得出嚟嘅售價都唔會平得去邊

      刪除
    5. 黃大仙中心同T Town好D,可以劃分遊客區同廉價區掛

      刪除
    6. 反領展兄(Link Anti)驚你睇唔到房署1999年招租文件提到赤柱廣場的設計安排:為方便遊客購物,赤柱廣場設有百多個車位及多個旅遊車停泊處 。到訪赤柱的遊客每年約有百多萬人 , 為赤柱廣場這個新旅遊勝地帶來一股龐大的消費力 。

      刪除
    7. 黃大仙中心,勉強嚟講近冬菇亭果邊唔知算唔算廉價區

      刪除
  3. 消息指,領展(00823)將大手標售逾20個商場,估計市值達150億元以上,並委託測量師行及投資銀行進行招標。據悉,領展意向把全部物業售予單一買家,以基金或內地財團為目標。

    市場人士透露,領展正部署推出旗下商場進行標售,而是次涉及銀碼及商場數目,將為歷來最多,本報就有關消息向領展查詢,該集團回應指對消息不作評論。

    回覆刪除
  4. 赤柱廣場搞活動真係冇錢賺?最少聖誕市集賺唔少啦,仲有就係佢搞活動就算活動本身冇錢賺,帶動咗人流亦會有消費,好多舖頭要交turnover rent,條數咪響返度
    另,除咗赤柱廣場外,最初龍翔中心係想搞一個「具有中國文化的商場」,睇字面都唔似係做居民生意

    回覆刪除
    回覆
    1. 我覺得赤柱廣場是一個遊客觀光休息地方,推廣香港旅遊服務功能為主,冇乜錢賺

      刪除
    2. 赤柱廣場搞活動的確有一手,但我傾向相信領展唔會做蝕本生意
      不過交通始終好局限

      刪除
    3. 赤柱廣場搞活動真係冇錢賺 ---相對少,唔係蝕,個人估佢將赤柱定左位做旅客場,收低d租

      刪除
  5. 赤柱同小西灣差咁遠,會唔會係因為H&M平租?

    回覆刪除
    回覆
    1. H&M平租呢個可能係其中一個原因,但係赤柱廣場都比較多休息空間

      刪除
    2. 小西灣做居民生意,多細舖自然租金收入豐厚
      赤柱間H&M 都係純粹遊客區開間舖,生意望落都係一般

      刪除
    3. 黃大仙中心情況似赤柱

      刪除
    4. 唔同,黃大仙搵錢仲多過樂富

      刪除
    5. 但在下係以領展公佈嘅IFA同淨現金收入計算,IFA理應唔計算休息空間,而淨現金收入亦唔會計算支出所以亦唔關保養保息空間事

      刪除
    6. 其實係食肆租金冇小店咁高,H&M相信應該會平租,加埋收益唔高係正常

      刪除
  6. 正 又有資金買更優質物業

    領展將標售20商場 估值逾150億

    經濟日報 經濟日報2017年7月26日

    【經濟日報專訊】市場資金充裕,加上市況理想,戈戈業主放售大手物業。
    消息指,領展(00823)將大手標售逾20個商場,估計市值達150億元以上,並委託測量師行及投資銀行進行招標。據悉,領展意向把全部物業售予單一買家,以基金或內地財團為目標。

    市場人士透露,領展正部署推出旗下商場進行標售,而是次涉及銀碼及商場數目,將為歷來最多,本報就有關消息向領展查詢,該集團回應指對消息不作評論。
    標售商場數目 歷來最多
    據了解,是次領展推售商場數目逾20個,而具體選取的商場暫未有確實名單,但涉及金額估計達150億至200億元,自2014年至今,領展曾5次標售商場,而每次推出數目不足10個(見表),每次套現金額約10億至35億元,故今次推出數目及金額,可謂歷來最多。
    據估計,領展仍保留個別地標商場如樂富廣場等,而一些尚未進行翻新的物業,大有機會列入放售名單,預計日內正式公布細節。
    消息透露,領展今次推售商場策略作出大調整,將委託測量師行戴德梁行外,投資銀行亦有份參與,市傳兩大型投行瑞信及瑞銀均會參與標售。最大的分別是,領展今次意向由單一買家承接,可確保買方進行長綫投資及管理。
    瑞信瑞銀 有機會參與標售
    業界人士分析,由於是次有投資銀行參與,加上涉及金額逾百億元,估計領展希望可獲機構投資者包括外資基金、內地財團等承接,若該批商場回報率達4至5厘,兼具增值空間,中長綫回報吸引,亦足以令不少歐美及新加坡基金感興趣。
    市場資金充裕,大手買賣非常暢旺,單計7月份,市場已錄得多宗大額買賣,月內已出現多宗全幢成交,包括銅鑼灣Cubus(20億元)、駱克駅(9.65億元)以及偉業街133號半數業權(約10億元),而不少業主亦趁市旺,推出地標物業放售,如冠君(02778)標售旺角朗豪坊全幢寫字樓,市場估值達250億元,另銅鑼灣怡東酒店亦正在招標,並於9月中截標,市場估值近300億元,反映市場資金充裕下,吸引業主大手放售物業。

    回覆刪除
    回覆
    1. 究竟領展會標售邊20個商場呢

      刪除
  7. 做野
    http://www.hkexnews.hk/listedco/listconews/SEHK/2017/0726/LTN20170726465_C.pdf

    回覆刪除
    回覆
    1. 呢個消息同冠君果個有得揮,應該起碼升番5~6%先至合襯

      刪除
    2. 呢個轉型應該比2015年更大...

      刪除
    3. 另一個版本...

      領展策略評估研分拆資產上市 或成房託首例匯豐瑞銀參與


      領展(0823)再有驚人舉動,就昨日有報道指領展擬出售估值合共150 億元商場資產,領展昨發表公告,宣布已委任匯豐、瑞銀及戴德梁行,協助就集團旗下資產組合進行策略評估,惟暫未有任何決定。據市場消息透露,有別於過往多次出售資產,領展今次策略評估不限於出售資產,亦包括可能將資產分拆上市,因此才首次在評估中引入投行參與。

      據消息人士表示,今次策略評估不限於本港資產,旗下中國資產亦會考慮,惟暫時仍無結論,最終亦「可能乜都唔做」。以領展今次市傳擬出售物業估值逾150 億甚至200 億元計算,若然落實分拆上市,市值甚至較現有房託如泓富(0808)及置富(0778)更大。

      傳擬出售物業估值達200 億

      領展昨日公布,策略評估旨在尋求對領展的最佳資產組合並為基金單位持有人締造更高價值。為進行策略評估,管理人已委聘匯豐及瑞銀作為財務顧問,以及戴德梁行作為房地產顧問,協助管理人評估有關領展策略選項。於公布日期,概無就任何建議作出決定,且對於進行策略評估將會導致公布或訂立任何交易亦無保證。

      領展:為基金持有人締更高價值

      如果領展最終決定分拆,將為香港房地產信託基金(REITs)分拆首例,但可行性上仍然充滿疑問。協縱策略管理集團聯合創始人、資深投行界人士黃立冲表示,一般情况下REITs 對資產營運都有嚴格限制,估計即使分拆也只能以信託形式進行,不能拆成一般的上市公司。

      房託不能持股或分拆後派股東

      另外, 有法律界人士指, 香港的REITs 必須持有房地產項目,不能持有證券,所以REITs 分拆可能要把分拆出來的另一隻REITs 全數分派給股東,又或者把新的REITs 出售套現,再把大部分資金派給股東。

      至於能否成功獲批,有投行人士表示,領展分拆後對原有財務和股東利益是否造成影響,以及分拆的商場會否和自己的商場形成同業競爭,將是兩大決定性因素。

      刪除
    4. 市場消息透露,文華東方國際集團標售銅鑼灣怡東酒店,獲出價達270億元,貼近業主意向價,若最終易手,將成歷來最大手物業成交,以新地(00016)奪得物業呼聲最高。

      刪除
  8. 泊食易新優惠

    http://www.linkhk.com/tc/promotion/166

    回覆刪除
  9. 下星期湯未生會再斬多兩兩 對大家提及嘅黃大仙有回應

    其實我一直覺得黃大仙啲街市好垃圾 自從領展將黃大仙中心和龍翔中心合併後 買餸只能去超級人多 餸菜品質一般的大成街市 對伯伯婆婆確實是苦差 對於居住當區的湯未生 想食質優價廉嘅菜是遙不可及的事

    回覆刪除
    回覆
    1. 黃大仙中心街市當年亦唔見得好好

      刪除
    2. 我住黃大仙下邨,當時黃大仙中心還有街市都不會去那個垃圾街市買野,我寧願行遠些去大成街市買野

      刪除
    3. 不過政府規劃的確有D問題,其實大成街街市斜對面係彩虹道街市,兩個街市咁鬼近,令彩虹道街市生意唔係咁理想
      不過政府街市係咪質優價廉,睇下某政黨定期公佈嘅指數都知唔一定啦,政府管理街市,除非欠租好耐,否則一定有得續約,咁想入行嘅人一係就頂手,一係就慢慢等,而有唔少做得耐嘅,心態上已經係半退休狀態唔憂做,甚至有D人專登頂幾檔去趕走競爭者,然係玩壟斷做貨倉,咁政府街市響冇競爭下好極有限

      刪除
    4. 彩虹道街市都接近空置 啲鋪頭吹水不做生意 加上同大成街市隔咗條路 同住宅又遠咗 生意自然不好

      我覺得好難買到好餸 領匯嘅街市係搞得有啲好 但只係操控下嘅競爭 我覺得好多小商戶被迫下流變成員工囉

      不過而家得間百街 成個黃大仙上村只用一間百街真係那個 要搭電梯上去竹園買

      刪除
  10. 我覺得2005年到2007年間嘅領展在賺錢和居民生活取得一定平衡 自從基金派得勢 領匯可能是像極一般商場 也多了適合消費的地方 但對於居民嘅吸引力和新鮮感已不復過往了

    回覆刪除
    回覆
    1. 2005~2007年期間,領展衹是房署管理的延伸,主席及CEO管理一團糟,完全浪費資源

      刪除
    2. 作者已經移除這則留言。

      刪除
    3. 湯財兄財經分析確是值得尊重的大師兄,但講到領展我可能肉緊左,請見諒,不過我係講事實

      刪除
    4. 其實個真相可能係因為1. TCI 2. 好多舖頭租約未到期 3.領匯未開始做嘢(頭三個AEI都係2006-2007年開始)

      刪除
    5. 我覺得改到有大量嘅小商戶 少數必需連鎖店就OK 其實自己嘅小生意係一個人嘅尊嚴所在 可能有啲人真退休心態變 但租金設得太高 只係助長連鎖店做大 大家永遠都是幫大老闆打工 我又覺得唔好 當年租金低只係給不想打工嘅人嘅一種福利吧

      我覺得而家

      刪除
    6. 而家係過火啲 協助擁有資金嘅企業主 使本身自主的小企業主下流 變成大集團奴隸

      刪除
    7. 對於踏入商場嘅客人嚟講,佢唔理你係大商戶定小商戶最重要貨靚多選舉,價錢啱,小商戶貨品有時會擔心品質冇保證

      刪除
    8. 湯才兄其實我有啲唔明,一個財經分析人通常都係資本主義,但係你講嘅嘢點解咁社會主義嘅

      刪除
    9. 有同感,估唔到湯生的思維骨子裡原來咁共產

      刪除
  11. 黃大仙和赤柱情況完全不同 赤柱住嘅人少 遊客多 黃大仙住嘅人非常多 遊客多 但因為逗留時間短 所以其實唔算太覺

    如果大家以搵錢嘅價值 做旅客場係好 但係如果你行半個鐘先食到平嘅麥記 相信對屋村商場是廉宜享受的人會好失望

    你行一次赤柱就發現食餐飯要過百蚊 旅客就話無所謂 如果住公屋嘅人會點啊

    回覆刪除
    回覆
    1. 作者已經移除這則留言。

      刪除
    2. 「但係如果你行半個鐘先食到平嘅麥記 相信對屋村商場是廉宜享受的人會好失望」其實呢個會唔會只係你主觀願望,以為領展商場就一定等於屋邨商場,就等於一定係廉宜享受?呢度有兩個命題:1. 領展商場=屋邨商場 2.屋邨商場=廉宜享受

      刪除
    3. 在下可以話你知赤柱市集入面會有平少少嘅嘢食,大約40-50蚊度---真係唔知,以為得酒吧

      刪除
    4. 2. 唔知廉宜享受對閣下嚟講係指乜,作為響赤柱返過工嘅人,在下可以話你知冇冷氣大牌檔赤柱海邊同近大街果邊都有,而赤柱大街後面一D橫街仔赤有茶餐廳,但係要四、五十蚊

      刪除
    5. O2可唔可以幫在下睇下,打咗1.果堆嘢好似冇晒

      刪除
    6. 2a. (公共)屋邨商場係咪真係廉宜享受就真係見人見智,響某D屋邨商場由於房署自動續約同壟斷,服務態度唔見得好好,質素亦越做越差,在下響九龍某商場做嘅時候就經歷過啦

      刪除
    7. 至於當地居民會點,在下見部分人響香港仔買餸返去

      刪除
    8. 搵過晒,唔見1.果堆嘢喎 =.='

      刪除
    9. 1. 領展商場唔一定係(公共)屋邨商場,即係只做(公共)屋邨居民生意
      a. 領展呢幾年響出面買咗幾個商場,彌敦道700號附近更加冇(公共)屋邨啦
      b. 就算商場響(公共)屋邨附近,亦唔見得商場只做(公共)屋邨居民生意,例如彩園就有唔少自由行客仔,TKO Gateway亦有唔少附近居民幫襯,樂富廣場亦吸引到廣播道居民同大學生幫襯。赤柱廣場由房署年代亦已經唔係只做居民生意。

      刪除
    10. c. 就算真係只做(公共)屋邨居民生意,亦會隨人口結構、社區經濟情況改變而調整商戶組合,尤其而家年輕嘅一代唔少都傾向幫襯連鎖店,單睇營業額數字老店其實唔係咁多人幫襯(當然衡量租戶價值,唔可以單睇營業額,仲有好多因素可以考慮,但對於睇數佬嚟講營業額係最直接衡量租戶表現嘅指標)

      刪除
    11. 市集當然有嘢食 但係40 50蚊真係不如食大快活啦

      刪除
    12. 你一直講樂富 我住樂富住咗幾十年 樂富商場一直都有九龍塘嘅人幫襯

      你可以覺得屋村商場唔係廉宜享受 但係你都要就附近啲屋村生活嘅人 邊個係主 邊個係客要分清楚 平嘢有需要存在 屋村商場低廉租金是福利

      在數佬角度 佢咁做對股東係好事 但對依賴間鋪養家嘅人同收入唔高嘅人 出街無平飯食 買餸只係得一兩檔可以揀 真係唔知點算

      刪除
    13. 既然講到係福利,咁即係唔係必然嘅事啦
      再講,就算平租都未必賣平嘢,要睇消費水平、有冇競爭者等等
      講到依賴間舖養家,以前就得,而家呢,又困身D後生客又多數幫襯連鎖店,加上好多唔同原因,其實而家開舖頭都未必養到全家啦

      刪除
    14. 至於講「邊個係主 邊個係客要分清楚」更加好笑,除非商場好似龍蟠苑咁響屋苑入面,入商場要經過屋苑範圍,否則任何人都可以使用,唔會話屋邨居民係主呢D咁嘅笑話,不如你落去你樓下D舖頭,問下佢哋係咪唔歡迎街外人幫襯啦,唔係嘅話講乜鬼主客

      刪除
    15. 湯財兄關於"屋村商場低廉租金是福利"呢個mindset錯的, 低廉租金只限於住屋,至於商場及停車場應該是照市場嚟定價

      刪除
    16. 房委會的網頁寫得好清楚:
      「房委會逢星期五在房委會/房屋署網站及本地報章刊登招標公告。房委會將公布設定行業及參考租金,以 價高者得 原則批出租約。」

      留意,係「價高者得」,唔明點解有人解讀成「屋村商場低廉租金是福利」囉

      刪除
    17. 房委會商場出租有幾種方法,第一種係O2上面講嘅招標,以價高者得原則批出;第二種係協商,主要係大舖,又或者你係大集團大牌子,就可以直接同房署傾,咁租金水平就有得傾,如果房署覺得你對顧客有吸引力嘅,或者可以接受到平租;第三種係拆樓/收樓安置,可能會另外整個pool呢班人做競投,呢種嘅租金水平或者會冇市價咁高(尤其係唔知有冇可能成班人之前傾過下,個別舖頭可能會搶高租金,租唔到之下其他舖頭少咗人爭可能租金會低D都未定)

      刪除
    18. 不過第一種價高者得,都要睇下係乜商場,新商場通常租金都會高D,尤其係唔知點解會有經營爐具嘅舖頭會用天價搶租;一D舊屋邨商場未必有咁多人投,可能得一兩個人投標,甚至好多時都會流標

      刪除
    19. 房委會 商業樓宇 租賃資訊
      http://www.housingauthority.gov.hk/tc/commercial-properties/leasing-information/shops-and-stalls/index.html

      刪除
  12. 如果你去過2011年前嘅赤柱商場 我想你會明白我想說些甚麼 就算是做遊客場 也不至如per head 100蚊餐

    回覆刪除
    回覆
    1. 問題係赤柱廣場從來定位都唔係屋村商場呢
      以下係在下2000年紀錄
      呢個係新開既商場, 響馬坑村隔籬, 赤柱市場道既盡頭
      個商場冇乜野行, 地下有麥記同唔記得係屈臣氏定萬寧, 二樓有百佳, 仲有屈臣氏
      (賣酒既),仲有銀行, 同幾間舖頭, 但係做遊客生意既, 所以對我黎講係冇乜野行
      間百佳幾大, 唔知以前赤柱間百佳有冇執到
      地下仲有個表演場地, 但我去 o個日都幾曬 ....
      唔記得四樓定五樓係佳美道, 有巴士 (總) 站、小巴站, 巴士去中環、北角、尖咀
      (973) 、小巴去香港仔同銅鑼灣
      結論係, 暫時冇野好行, 等遲D 美利樓重建好再去行下 ....

      刪除
    2. 之後印象中有叙福樓旗下御苑、一D西餐廳,但係冇茶餐廳,照計除咗御苑外應該都唔會係主要做居民生意

      刪除
    3. 我都唔得赤柱仲係房署時有幾間玩具店, 反而無茶記

      刪除
    4. 最多一間玩具店,有天天沖印

      刪除
    5. 記得曾經有間叫「大排檔 Dai Pai Dong」 的茶餐廳
      不過睇番Openrice,原來2005年一件普通西多士+飲品已經要成$40,當時出面係賣緊十零廿蚊

      刪除
    6. 係喎,醒起了,前排聽大排檔個老細講talk,佢力數領匯唔同佢續約,搞到大排檔要全線結業

      刪除
    7. 以前風光時,「大排檔」在銅鑼灣旺區都有分店
      最後一間「大排檔」在大埔富亨商場,於2012年冚旗

      刪除
    8. 佢地集團仲有間叫健一小廚 係超平 但係極之污糟

      刪除
    9. 黃生話健一係李錦記唔做賣畀佢嘅

      刪除
    10. 見識過健一小廚,柴灣興華商場曾經有分店,AEI換商戶組合時,睇住佢畀領展掃走

      刪除
  13. 但係如果鋪同鋪比嘅話 我做學生果時 當時大快活28蚊 大排檔30尾40頭 有嘢飲 食物質素自然一分錢一分貨

    回覆刪除
    回覆
    1. 唔知你做學生時係幾時,在下十一年前幫襯大排檔時已經40頭,大快活仲有廿零蚊有嘢飲,果陣大快活已經執過嚟,食物質素同大排檔不相伯仲,反而同場大家樂雖然同大快活差唔多價錢但質素差好多

      刪除
    2. 以上係講緊午市,晚市在下冇幫襯過

      刪除
  14. 做民生店當然預冇咩嘢行啦 你想行不如搭車去外邊

    回覆刪除
    回覆
    1. 民生場都可以做得好好,只要你夠人流生意就會多,根本商場係唔會分民生與否

      刪除
  15. 續集
    https://www.am730.com.hk/column/%E8%B2%A1%E7%B6%93/%E8%88%87grassroots-o2%E8%AB%87%E9%A0%98%E5%B1%95%E5%95%86%E5%A0%B4-90236

    回覆刪除