總瀏覽量

2014年2月12日 星期三

數字人生 之 黃毅力話領匯逼到人反枱

黃毅力於2014-02-06自爆佢喺龍翔廣場的「香港茶餐廳」被領匯收回舖位, 仲話有2個不同政黨主動招手, 想幫佢向領匯抗爭。

O2已有預感, 呢壇野會有主流媒體跟進。今日無意中揭下星島新聞集團旗下的《東周刊》, 果然不出所料。不過故事內容大同小異, 冇新角度, 只流於交功課層次。

因涉及個人利益關係, O2反而對文中的數目字較感興趣:

龍翔廣場 (G15號舖)
香港茶餐廳,2011年進駐
面積2,000呎;月租約10多萬

樂富街市
玲姐經營20多年的花店
每月營業額較翻新前急跌一半,這3個月收入少近10萬元...
每月花7,000元另租工場.....租金成本要40,000多元

屯門安定及友愛商場
海霸海鮮酒家 (RB204 & 301號舖)
30,000多元租用1個2,300呎的舖位

3組數字之中, O2最有興趣係「租約期滿,於2月10日光榮結業」的海霸酒家嗰單, 我曾經懷疑係自己眼花.....應該係月租30多萬 or 13萬多, 而唔係記者所寫的3萬多元??? 捽下隻眼再睇多次, 真係寫住3萬多元喎。究竟係個記者唔小心寫錯, 還是真係平到咁呢? 呢個價錢太匪夷所思了!

至於點解平成咁, 個記者可能掛住數領匯點衰點衰, 蓋過咗做記者應有的新聞觸覺, 因此半粒字都冇提過。

18 則留言:

  1. 應是13萬,現屯門安定及友愛商場尺租金應在$35以上

    回覆刪除
    回覆
    1. 但係佢嗰份係舊租約喎?!

      刪除
    2. $30000 / 2300 ft = $13 , 這是社企才有的租金,他不是小童群益會呀

      刪除
    3. 又參考番《數字人生 之 閉門造車》一文中的成交個案,柴灣區二三線的舖頭仔:甜品店/實用188呎/月租$22,000,即實呎租$117。
      $13與$117之間,存在著非常非常大之落差。領匯要狼狼地加佢9倍租(冇錯,係9倍),至追到較正常水平,可想而知海霸以前著數得幾緊要。
      http://o2and00823.blogspot.hk/2014/02/blog-post_7.html

      刪除
    4. 狠狠地加,股價會反映,無得低位加注xd

      刪除
  2. 領匯的負面消息不絕,但仍大把人租,所以吹佢唔脹。

    回覆刪除
  3. 總之領匯就係無惡不作, 有理無理收貴D 租, 人地執笠 who care?

    回覆刪除
    回覆
    1. 領匯又唔係殺人放火,點可以講無惡不作?佢加極租仍然大把人租,所以吹佢唔脹。

      刪除
    2. 無錯, 佢加極租都有人租, 一係俾D 連鎖店鎖, 一係俾D 賣貴野既店舖租, 再唔係氹到有水魚租, 一年後又執笠, 之後搵第二條水魚...

      好懷念以前有人情味既舖頭, 好憎而家只有連鎖店同埋貴價舖頭

      刪除
    3. 你咁憎的連鎖店就唔好幫襯佢地囉,但我又唔信你一年內冇幫襯過佢地!

      刪除
    4. 如果一個商場有非連鎖店, 我一定會幫襯小商戶
      但如果一個商場生活必需品都要經連鎖店購買, 市民還有選擇嗎?

      刪除
    5. Chi Ho,可以介紹幾間你於近6個月曾經幫襯過的小商戶嗎?
      (按:O2並非challenge你,是真心想知道的 ^^)

      刪除
    6. 俊宏軒既小食店, 返工附近既士多仔, 新北江既小食店/餐廳
      返工附近既藥房買紙巾, 返工附近既茶餐廳...

      樓下領匯商場都無咩茶餐廳, 全部都係連鎖餐廳/店...
      反而新北江仲有幾間小商戶餐廳

      刪除
  4. 生意人有精明的腦袋,精通計數,我唔覺得領匯的租客係水魚喎!

    Chi Ho仔,好心你啦,成日學人地講人情味,問你甚麼叫人情味,你又死唔肯講。媒體記者寫“人情味“有市場,可以收稿費,你又照單全收,執人口水尾。我話開放呢個平台畀你發表意見,你又講來講去都三幅被。你係咁喺度嘈嘈嘈,有咩用?都教咗你去應徵議員助理,為民請命,造福社會架啦!咁咪仲實際!

    回覆刪除
    回覆
    1. O2依家第3次請教你...
      『想請問,以你來說,人情味的definition是怎樣的?
      實體世界裡,有幾多個街坊係你叫得出人地個名的?有冇同人打招呼?搭車時有冇主動讓位畀阿婆?還是耷低頭掛住玩電話,扮睇唔到?見到人地差幾步可以入到lift,你喺lift入面會撳住個開門掣,還是狂撳閂門掣?』

      刪除
    2. 最新消息: 經濟通與晴報聯合舉辦之領匯建議把旗下物業與房委會舊屋邨合併重建, 投票已完成, 結果如下:
      投票人數(網上)343人, 贊成68%, 反對31%, 無意見1%
      Chi Ho 哥哥仔你有冇投票呀?

      刪除